ಪೊಲೀಸರ ಲಾಠಿ ಏಟಿಗೆ ತುಂಡಾಯ್ತು ಕ್ಷೌರಿಕನ ಬೆರಳು... ಬದುಕು ಕಸಿದುಕೊಂಡ ಲಾಕ್​ಡೌನ್​

ಲಾಕ್​ಡೌನ್ ಉಲ್ಲಂಘಿಸಿ ಮನೆಯಿಂದ ಹೊರ ಬಂದನೆಂದು ಕ್ಷೌರಿಕನೊಬ್ಬನಿಗೆ ಬೆರಳು ತುಂಡಾಗುವಂತೆ ಪೊಲೀಸರು ಹೊಡೆದಿದ್ದಾರೆ.

ದಾವಣಗೆರೆ:ಲಾಕ್​ಡೌನ್ ಉಲ್ಲಂಘಿಸಿದನೆಂದು ಕ್ಷೌರಿಕನೊಬ್ಬರ ಬೆರಳು ತುಂಡಾಗುವಂತೆ ಪೊಲೀಸರು ಲಾಠಿ ಬೀಸಿದ್ದಾರೆ. ಈ ಘಟನೆ ನಗರದ ರಿಂಗ್ ರಸ್ತೆಯಲ್ಲಿ ನಡೆದಿದೆ.

ಲಕ್ಷ್ಮಣ್

ಕ್ಷೌರಿಕ ಲಕ್ಷ್ಮಣ್ ಬೆರಳು ತುಂಡರಿಸಿದೆ. ಇಲ್ಲಿನ ಯಲ್ಲಮ್ಮ ನಗರದ ಬಳಿ ನಡೆದುಕೊಂಡು ಕ್ಷೌರಿಕ ಲಕ್ಷ್ಮಣ್ ಹೋಗುತ್ತಿದ್ದಾಗ ಪೊಲೀಸರು ಹೊಡೆದಿದ್ದಾರೆ. ಲಾಠಿಯಿಂದ ಬಲವಾಗಿ ಹೊಡೆದ ಪರಿಣಾಮ ಲಕ್ಷ್ಮಣ್ ಅವರ ಬೆರಳು‌ ತುಂಡಾಗಿದೆ.

ಬೆರಳು ಕಟ್​ ಆಗುವಂತೆ ಹೊಡೆದಿದ್ದಲ್ಲದೆ, ಮೈಮೇಲೆ ಬಾಸುಂಡೆ ಬರುವಂತೆ ಪೊಲೀಸರು ಥಳಿಸಿದ್ದಾರೆ ಎಂದು ಲಕ್ಷ್ಮಣ್ ಆರೋಪಿಸಿದ್ದಾರೆ. ಗಾಯಗೊಂಡ ಲಕ್ಷ್ಮಣ್​​ನನ್ನು ಹೆಚ್ಚಿನ ಚಿಕಿತ್ಸೆಗೆ ಚಿಗಟೇರಿ ಜಿಲ್ಲಾಸ್ಪತ್ರೆಗೆ ದಾಖಲಿಸಲಾಗಿದೆ.

ಚಿಕಿತ್ಸೆ ಪಡೆದಿದ್ದಕ್ಕೆ ಸಂಬಂಧಿಸಿದ ಪ್ರತಿ