ಭಾರತೀಯ ವಿಜ್ಞಾನ ಸಂಸ್ಥೆಯಿಂದ 'ಹಾಲಿನ ಕಲಬೆರಕೆ' ಪತ್ತೆಗೆ ನೂತನ ವಿಧಾನ ಆವಿಷ್ಕಾರ

ಹಾಲಿನಲ್ಲಿ ನೀರು ಬೆರೆಸಿದೆಯೋ ಇಲ್ಲವೋ ಎನ್ನುವುದನ್ನ ಪತ್ತೆ ಮಾಡಲು ಸದ್ಯ ಲ್ಯಾಕ್ಟೋಮೀಟರ್​ ಬಳಸಲಾಗ್ತಿದ್ದು, ಹಾಲು ಹೆಪ್ಪುಗಟ್ಟಿಸಿ ಉಷ್ಣತೆ ಗಮನಿಸಬೇಕು.ಆದರೆ ಯೂರಿಯಾ ಕಲಬೆರಕೆ ಪತ್ತೆ ಕಷ್ಟ.

ಬೆಂಗಳೂರು:ಬೆಂಗಳೂರಿನಲ್ಲಿರುವ ಭಾರತೀಯ ವಿಜ್ಞಾನ ಸಂಸ್ಥೆ(ಐಐಎಸ್​​ಸಿ) ಹಾಲಿನ ಕಲಬೆರಕೆ ಪತ್ತೆ ನೂತನ ವಿಧಾನ ಆವಿಷ್ಕಾರ ಮಾಡಿದೆ.ಇಲ್ಲಿನ ಇಂಜಿನಿಯರಿಂಗ್ ವಿಭಾಗದ ವಿಜ್ಞಾನಿಗಳು ಹಾಲಿನಲ್ಲಿನ ನೀರಿನ ಹಾಗೂ ಯೂರಿಯಾ ಕಲಬೆರಕೆ ಪತ್ತೆ ಮಾಡುವ ಹೊಸ ವಿಧಾನ ಕಂಡುಹಿಡಿದಿದ್ದಾರೆ.

ದಿನದಿಂದ ದಿನಕ್ಕೆ ಹಾಲಿನ ಬೇಡಿಕೆ ಹೆಚ್ಚಾಗುತ್ತಿದ್ದಂತೆ ಕಲಬೆರಕೆ ಹೆಚ್ಚಾಗುತ್ತಿದ್ದು, ಕೆಲವೊಂದು ರಾಸಾಯನಿಕ ಹಾಗೂ ನೀರು ಕಲಬೆರಕೆ ಮಾಡಲಾಗ್ತಿದೆ. ಇದರ ಬೆನ್ನಲ್ಲೇ ಭಾರತೀಯ ವಿಜ್ಞಾನ ಸಂಸ್ಥೆ ಕಂಡು ಹಿಡಿದಿರುವ ಈ ಆವಿಷ್ಕಾರ ಮಹತ್ವದ ಪಡೆದುಕೊಂಡಿದೆ.

ಹಾಲಿನಲ್ಲಿ ನೀರು ಬೆರೆಸಿದೆಯೋ ಇಲ್ಲವೋ ಎನ್ನುವುದನ್ನ ಪತ್ತೆ ಮಾಡಲು ಸದ್ಯ ಲ್ಯಾಕ್ಟೋಮೀಟರ್​ ಬಳಸಲಾಗ್ತಿದ್ದು, ಹಾಲು ಹೆಪ್ಪುಗಟ್ಟಿಸಿ ಉಷ್ಣತೆ ಗಮನಿಸಬೇಕು.ಆದರೆ ಯೂರಿಯಾ ಕಲಬೆರಕೆ ಪತ್ತೆ ಕಷ್ಟ. ಆದರೆ ಇದೀಗ ಐಐಎಸ್​ಸಿಯ ಸ್ನಾತಕೋತ್ತರ ಸಂಶೋಧಕ ವೀರ್​​ಕೇಶ್ವರ್​ ಕುಮಾರ್​​ ಹಾಗೂ ಮೆಕ್ಯಾನಿಕಲ್​​ ಇಂಜಿನಿಯರಿಂಗ್ ವಿಭಾಗದ ಸಹಾಯಕ ಪ್ರಾಧ್ಯಾಪಕಿ ಸುಸ್ಮಿತಾ ದಾಸ್​​ ನಡೆಸಿರುವ ಆವಿಷ್ಕಾರದಿಂದ ಕಲಬೆರಕೆ ಪತ್ತೆ ಮಾಡಬಹುದಾಗಿದೆ.

ನೀರಿನ ಹೆಚ್ಚು ಮಿಶ್ರಣದಿಂದ ಹಾಲು ತಿಳಿಯಾಗಿ, ಬಿಳಿಯ ಬಣ್ನ ಕಡಿಮೆಯಾಗುತ್ತದೆ. ಹಾಲಿನಲ್ಲಿ ಹೆಚ್ಚಾಗಿ ಯೂರಿಯಾ ಬಳಕೆ ಮಾಡುವುದರಿಂದ ಯಕೃತ್ತು, ಮೂತ್ರಪಿಂಡ ಹಾಗೂ ಹೃದಯ ಸಹಜ ತೊಂದರೆ ಕಾಣಿಸಿಕೊಳ್ಳುತ್ತವೆ. ಇದೀಗ ಆವಿಷ್ಕಾರಗೊಂಡಿರುವ ಸಂಶೋಧನೆಯಿಂದ ಹಾಲು ನಿರ್ದಿಷ್ಟ ಸ್ಥಿತಿಯಲ್ಲಿ ಆವಿಗೊಳಿಸುವ ಸರಳ ವಿಧಾನವಾಗಿದ್ದು, ಹಾಲು ಆವಿಯಾದ ನಂತರ ತಳಭಾಗದಲ್ಲಿ ಉಳಿದುಕೊಳ್ಳುವ ಗುರುತು ಹಾಗೂ ವಿನ್ಯಾಸಗಳ ಅಧ್ಯಯನ ನಡೆಸಿ ಅದರ ಆಧಾರದ ಮೇಲೆ ಕಲಬೆರಕೆ ಆಗಿದೆಯೇ ಇಲ್ಲವೋ ಎಂಬುದನ್ನ ಕಂಡು ಹಿಡಿಯಬಹುದು.ಕಲಬರೆಕೆ ಇಲ್ಲದ ಶುದ್ಧ ಹಾಲು ಆವಿಯಾಗುವಂತೆ ಮಾಡಿದಾಗ ಕೊನೆಯದಾಗಿ ಅಮೀಬಾ ರೀತಿಯ ಆಕಾರ ಕಾಣಿಸಿಕೊಳ್ಳುತ್ತದೆ.ಆದರೆ ನೀರು ಸೇರಿಸಿ ಹಾಲಿನಲ್ಲಿ ಯಾವುದೇ ಆಕಾರ ಕಾಣಿಸಿಕೊಳ್ಳುವುದಿಲ್ಲ.

ಈ ವಿಧಾನ ಕಂಡು ಹಿಡಿಯಲು ಪ್ರಯೋಗಾಲವಾಗಲಿ ಅಥವಾ ಇತರೆ ಉಪಕರಣ ಬೇಕಾಗಿಲ್ಲ. ಗ್ರಾಮಗಳಲ್ಲಿ ಸುಲಭವಾಗಿ ಕಂಡು ಹಿಡಿಯಬಹುದಾಗಿದೆ ಎಂದು ಅವರು ತಿಳಿಸಿದ್ದಾರೆ.