ದೇವೇಗೌಡರು ಕುಮಾರಸ್ವಾಮಿಗೆ ಸರಿಯಾಗಿ‌ ಟ್ರೈನಿಂಗ್‌ ನೀಡಿಲ್ಲ: ವಿ. ಸೋಮಣ್ಣ ಟಾಂಗ್

ಮಾಜಿ ಪ್ರಧಾನಿ ದೇವೇಗೌಡರು ಕುಮಾರಸ್ವಾಮಿಗೆ ಸರಿಯಾಗಿ‌ ಟ್ರೈನಿಂಗ್‌ ನೀಡಿಲ್ಲವೆಂದು ಸಚಿವ ವಿ. ಸೋಮಣ್ಣ ಟಾಂಗ್​ ನೀಡಿದ್ದಾರೆ.

ಬೆಂಗಳೂರು:ಮಂಗಳೂರಿನಲ್ಲಿ ಸಜೀವ ಬಾಂಬ್ ಪತ್ತೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮಾಜಿ ಸಿಎಂ ಹೆಚ್.ಡಿ.ಕುಮಾರಸ್ವಾಮಿ ಹೇಳಿಕೆಗೆ ಸಚಿವ ವಿ. ಸೋಮಣ್ಣ ತಿರುಗೇಟು ಕೊಟ್ಟಿದ್ದಾರೆ.

ಕುಮಾರಸ್ವಾಮಿ ಸಜೀವ ಬಾಂಬ್ ಪತ್ತೆಯ ದೃಶ್ಯ​ ಅಣಕು ಪ್ರದರ್ಶನದಂತಿತ್ತು ಅಂತಾ ಹೇಳಿದ್ದಾರೆ. ರಾಜ್ಯದಲ್ಲಿ ಎರಡು ಸಲ ಮುಖ್ಯಮಂತ್ರಿಯಾಗಿದ್ದವರು ಕೆಲವೊಮ್ಮೆ ಹೀಗೆ ಆಡ್ತಾರೆ. ದೇವೇಗೌಡರು ಅವರಿಗೆ ಸರಿಯಾಗಿ‌ ಟ್ರೈನಿಂಗ್‌ ನೀಡಿಲ್ಲ ಎಂದು ಅವರು ಅಣಕಿಸಿದರು.

ಹಿಟ್ ಆ್ಯಂಡ್ ರನ್ ಅವರ ಜಾಯಮಾನ. ಈ ವಿಚಾರವನ್ನು ದೇವೇ ಗೌಡರು ಸಿರಿಯಸ್ ಆಗಿ ತೆಗೆದುಕೊಂಡಿಲ್ಲ. ಕುಮಾರಸ್ವಾಮಿ ಗಂಟೆಗೊಂದು ಹೇಳಿಕೆ ನೀಡಿ, ಕೊನೆಗೆ ನಾನು ನೀಡಿಲ್ಲ ಅಂತ ಹೇಳೋದು ಸರಿಯಲ್ಲ ಎಂದು ಸೋಮಣ್ಣ ಹೇಳಿದರು.