ಆಧಾರ್ ತಿದ್ದುಪಡಿ: ಹೊಸ ನಿಯಮವೇನು ಗೊತ್ತೇ?

ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳು ಪ್ರತಿಯೊಬ್ಬ ವ್ಯಕ್ತಿಯೂ ಆಧಾರ್ ಕಾರ್ಡ್ ಹೊಂದುವುದನ್ನು ಕಡ್ಡಾಯಗೊಳಿಸಿದ್ದು, ತಿದ್ದುಪಡಿಗೆ ಹೊಸ ನಿಯಮ ಜಾರಿಗೆ ತಂದಿದೆ.

ನವದೆಹಲಿ:ಭಾರತದಲ್ಲಿ ಜನರು ತಮ್ಮದೈನಂದಿನ ಜೀವನದಲ್ಲಿ ಆಧಾರ್ ಕಾರ್ಡ್ ಹೊಂದುವುದು ಅನಿವಾರ್ಯ. ಈ ನಿಟ್ಟಿನಲ್ಲಿ ಕೇಂದ್ರ ಸರ್ಕಾರ ಹೊಸ ನಿಯಮಾವಳಿಗಳನ್ನು ತಂದಿದೆ. ಹೊಸದಾಗಿ ಹೊರಡಿಸಿದ ಮಾರ್ಗಸೂಚಿಗಳ ಪ್ರಕಾರ ಆಧಾರ್ ತಿದ್ದುಪಡಿಗೆ ದಾಖಲಾತಿಗಳನ್ನು​ ಸಲ್ಲಿಸಬೇಕಾಗಿದೆ.

ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳು ಪ್ರತಿಯೊಬ್ಬ ವ್ಯಕ್ತಿಯೂ ಆಧಾರ್ ಕಾರ್ಡ್ ಹೊಂದುವುದನ್ನು ಕಡ್ಡಾಯಗೊಳಿಸಿದೆ. ಕಲ್ಯಾಣ ಯೋಜನೆಗಳ ಮಂಜೂರಾತಿ, ಜಮೀನು ನೋಂದಣಿ, ಬ್ಯಾಂಕ್ ಪಾಸ್‌ಬುಕ್, ಉದ್ಯೋಗ ಖಾತರಿ ಕಾಮಗಾರಿಗಳ ರಚನೆ, ಜಮೀನು ಮಾರಾಟ, ವಿದ್ಯಾರ್ಥಿಗಳ ಅಧ್ಯಯನ, ವಿದ್ಯಾರ್ಥಿವೇತನ ಮತ್ತು ಬೆಳೆಗಳ ಮಾರಾಟಕ್ಕೆ ಆಧಾರ್ ಕಡ್ಡಾಯವಾಗಿದೆ. ಈ ಹಿಂದೆ ಆಧಾರ್​ ತಿದ್ದುಪಡಿ ಮಾಡುವುದು ಸುಲಭವಾಗಿತ್ತು. ಇದೀಗ ವಂಚನೆ ತಡೆಗೆ ಸರ್ಕಾರ ಕಠಿಣ ಕ್ರಮ ಕೈಗೊಂಡಿದೆ.

ಆಧಾರ್ ಕಾರ್ಡ್ ತಿದ್ದುಪಡಿ ಮಾಡುವವರ ವಯಸ್ಸಿಗೆ ಅನುಗುಣವಾಗಿ ಮೂರು ವಿಭಾಗಗಳಾಗಿ ವಿಂಗಡಿಸಲಾಗಿದೆ. ಈ ವಿಭಜನೆ ಹಿಂದೆ ಇರಲಿಲ್ಲ. ಎರಡು ರೀತಿಯ ಅರ್ಜಿ ದಾಖಲೆಗಳಿದ್ದವು. ಇತ್ತೀಚೆಗೆ, ಐದು ವರ್ಷದೊಳಗಿನ ಮಕ್ಕಳನ್ನು ಮೊದಲ ವರ್ಗಕ್ಕೆ, ಐದರಿಂದ 18 ವರ್ಷದೊಳಗಿನ ಮಕ್ಕಳನ್ನು ಎರಡು ಮತ್ತು 18 ವರ್ಷಕ್ಕಿಂತ ಮೇಲ್ಪಟ್ಟವರನ್ನು ಮೂರನೇ ವರ್ಗಕ್ಕೆ ವಿಂಗಡಿಸಲಾಗಿದೆ. ಅವರಿಗಾಗಿ ಪ್ರತ್ಯೇಕ ಅರ್ಜಿಗಳನ್ನು ಸಿದ್ಧಪಡಿಸಲಾಗಿದೆ.

ಪ್ರತಿ 10 ವರ್ಷಗಳಿಗೊಮ್ಮೆ ನವೀಕರಣ: ಪ್ರತಿ ಹತ್ತು ವರ್ಷಗಳಿಗೊಮ್ಮೆ ಆಧಾರ್ ಕಾರ್ಡ್ ನವೀಕರಿಸಬೇಕು. ಸ್ಥಳ ಖಚಿತಪಡಿಸಿಕೊಳ್ಳಲು ವಿಳಾಸ ನೋಂದಾಯಿಸಬೇಕು. ಅಗತ್ಯವಿರುವ ವಿಳಾಸ ಪುರಾವೆಗಳನ್ನು ಲಗತ್ತಿಸಬೇಕು. ಮೊದಲು ಗೆಜೆಟೆಡ್ ಅಧಿಕಾರಿಯ ಸಹಿಯೊಂದಿಗೆ ವ್ಯಕ್ತಿಯ ಹೆಸರು, ತಂದೆಯ ಹೆಸರು, ವಿಳಾಸ ಮತ್ತು ಜನ್ಮ ದಿನಾಂಕವನ್ನು ಬದಲಾಯಿಸಲು ಅವಕಾಶವಿತ್ತು. ಪ್ರಸ್ತುತ ನಗರಸಭೆ ಆಯುಕ್ತರು ಹಾಗೂ ತಹಸೀಲ್ದಾರ್ ನೀಡಿರುವ ಗುರುತಿನ ದಾಖಲೆ ತೋರಿಸಬೇಕು. ಮತದಾರರ ಗುರುತಿನ ಚೀಟಿ, ಪಾಸ್‌ಪೋರ್ಟ್, ಬ್ಯಾಂಕ್ ಪಾಸ್‌ಬುಕ್, ಪಡಿತರ ಚೀಟಿಯನ್ನು ಸರಿಯಾದ ವಿಳಾಸದೊಂದಿಗೆ ಸರಿಪಡಿಸಬಹುದು. ನೀರಿನ ತೆರಿಗೆ, ವಿದ್ಯುತ್, ದೂರವಾಣಿ ಬಿಲ್, ಗ್ಯಾಸ್ ಸಂಪರ್ಕ ಪ್ರಮಾಣಪತ್ರಗಳನ್ನು ಬಳಸಬಹುದು.

* ಹೆಸರು ಬದಲಾಯಿಸಲು:ಮೊದಲು ಹೆಸರು ಬದಲಾಯಿಸಲು ಫೋಟೋ ಐಡಿ ಸಲ್ಲಿಸಬೇಕು. 10ನೇ ತರಗತಿಯ ಅಂಕಪಟ್ಟಿ, ಪ್ಯಾನ್ ಕಾರ್ಡ್, ಮತದಾರರ ಗುರುತಿನ ಚೀಟಿ, ಡ್ರೈವಿಂಗ್ ಲೈಸೆನ್ಸ್, ಪಾಸ್ ಪೋರ್ಟ್, ಉದ್ಯೋಗ ಖಾತರಿ ಜಾಬ್ ಕಾರ್ಡ್, ಇವುಗಳಲ್ಲಿ ಯಾವುದಾದರೂ ಒಂದು ಪ್ರಮಾಣ ಪತ್ರ ಲಗತ್ತಿಸಬೇಕು. ನೌಕರರು ಗುರುತಿನ ಚೀಟಿ, ಮದುವೆಯಾಗಿದ್ದರೆ ಮದುವೆ ಪ್ರಮಾಣ ಪತ್ರ, ತಹಸೀಲ್ದಾರ್ ನೀಡಿರುವ ಜಾತಿ ಪ್ರಮಾಣ ಪತ್ರ ಸಲ್ಲಿಸಬಹುದು.

* ಜನ್ಮ ದಿನಾಂಕ..:ಈ ಹಿಂದೆ ಜನ್ಮದಿನಾಂಕವನ್ನು ಬದಲಾಯಿಸುವುದಕ್ಕೆ ದಾಖಲೆಗಳ ಪತ್ರಗಳನ್ನು ಭರ್ತಿ ಮಾಡಿ ಗೆಜೆಟೆಡ್​ ಅಧಿಕಾರಿಗಳ ಸಹಿ ಹಾಕಿದರೆ ಸಾಕಾಗುತ್ತಿತ್ತು. ಆದರೆ ಹೊಸ ನಿಯದಲ್ಲಿ ಬೇರೆಯಾಗಿದೆ. ಹುಟ್ಟಿದ ದಿನಾಂಕವನ್ನು ಅಧಿಕೃತವಾಗಿ ಪರಿಶೀಲಿಸಲು ನೀವು ಪ್ಯಾನ್ ಕಾರ್ಡ್‌ ಸಲ್ಲಿಸಬಹುದಾಗಿದೆ. ಮಕ್ಕಳಿದ್ದಲ್ಲಿ ಪುರಸಭೆ ಅಥವಾ ಪಂಚಾಯತ್ ನೀಡಿದ ಜನನ ಪ್ರಮಾಣ ಪತ್ರವನ್ನು ಕಡ್ಡಾಯವಾಗಿ ಸಲ್ಲಿಸಬೇಕು.

* ಲಿಂಗ ಬದಲಾಯಿಸಲು..:ನಿಮ್ಮ ಆಧಾರ್​ ಕಾರ್ಡ್​ನಲ್ಲಿ ಪುರುಷ ಅಥವಾ ಮಹಿಳೆ ಜಾಗದಲ್ಲಿ ತಪ್ಪಾಗಿ ನಮೂದಿಸಿದರೆ ಇದನ್ನು ಒಮ್ಮೆ ಮಾತ್ರ ಸರಿಪಡಿಸಲಾಗುವುದು. ಅದು ಇದಕ್ಕಾಗಿ ಮಾನ್ಯವಾದ ಗುರುತಿನ ದಾಖಲೆಯನ್ನು ಲಗತ್ತಿಸಬೇಕು.

ಇದನ್ನೂ ಓದಿ:ಗುಡ್​ ನ್ಯೂಸ್​.. ಆಧಾರ್‌ನೊಂದಿಗೆ ಪ್ಯಾನ್ ಲಿಂಕ್ ಮಾಡುವ ಗಡುವು ವಿಸ್ತರಿಸಿದ ಸರ್ಕಾರ..