ಹೈದರಾಬಾದ್:ಅಂತಾರಾಷ್ಟ್ರೀಯ ನಿಧಿಗಳಲ್ಲಿ ವೈವಿಧ್ಯಮಯ ಹೂಡಿಕೆಗಳನ್ನು ಮಾಡುವ ಮೂಲಕ ಉತ್ತಮ ಆದಾಯವನ್ನು ಗಳಿಸಬಹುದು. ಅಮೆರಿಕನ್ ಸೂಚ್ಯಂಕಗಳನ್ನು ಟ್ರ್ಯಾಕ್ ಮಾಡುವ ಅಂತಾರಾಷ್ಟ್ರೀಯ ನಿಧಿಗಳಲ್ಲಿ ಹೂಡಿಕೆ ಮಾಡುವ ಮೂಲಕ ಕರೆನ್ಸಿ ವಿನಿಮಯ ಮೌಲ್ಯಗಳಲ್ಲಿನ ಏರಿಕೆ ಮತ್ತು ಕುಸಿತಗಳಿಂದ ನಾವು ಉತ್ತಮ ಆದಾಯ ಪಡೆಯಬಹುದು.
ಸ್ವದೇಶಿ ಮಾರುಕಟ್ಟೆಗಳಲ್ಲಿ ಮಾಡಿದ ಹೂಡಿಕೆ ಪರಿಗಣಿಸಿದಾಗ ರೂಪಾಯಿಗೆ ದೊಡ್ಡ ಮೌಲ್ಯವಿಲ್ಲ. ಆದರೆ, ಅಮೆರಿಕದಲ್ಲಿ ಹೂಡಿಕೆ ಮಾಡುವಾಗ ವಿನಿಮಯ ಮೌಲ್ಯವು ಪ್ರಮುಖ ಅಂಶವಾಗುತ್ತದೆ. ಒಮ್ಮೆ ರೂಪಾಯಿ ಮೌಲ್ಯ ಕುಸಿದರೆ ಅಂತಾರಾಷ್ಟ್ರೀಯ ಫಂಡ್‌ಗಳಲ್ಲಿ ಹೂಡಿಕೆಯ ಮೇಲೆ ಹೆಚ್ಚಿನ ಆದಾಯ ಬರುತ್ತದೆ.
ಹೇಗೆಲ್ಲ ಹೂಡಿಕೆ ಮಾಡಬಹುದು:ಉದಾಹರಣೆಗೆ ಡಾಲರ್ ಎದುರು ರೂಪಾಯಿ ವಿನಿಮಯ ದರವು 70 ರೂ. ಇದ್ದಾಗ ನೀವು ಹೂಡಿಕೆ ಮಾಡಿದ್ದರೆ. ಈಗ ನೀವು ಶೇಕಡಾ 14 ಕ್ಕಿಂತ ಹೆಚ್ಚು ಆದಾಯವನ್ನು ಗಳಿಸುತ್ತಿದ್ದಿರಿ. ಅಮೆರಿಕದ ಮಾರುಕಟ್ಟೆಗಳು ಉತ್ತಮವಾಗಿ ಕಾರ್ಯನಿರ್ವಹಿಸದಿದ್ದರೂ ರೂಪಾಯಿ ವಿನಿಮಯ ದರದ ಏರಿಳಿತದ ಆಧಾರದ ಮೇಲೆ ನಾವು ಲಾಭ ಪಡೆಯಬಹುದು.
ಒಂದು ಯೋಜನೆ ಅಥವಾ ಒಂದೇ ಮಾರುಕಟ್ಟೆಗೆ ಸೀಮಿತಗೊಳಿಸದೇ ನಾವು ವಿವಿಧ ಯೋಜನೆಗಳನ್ನು ಆಯ್ಕೆ ಮಾಡಿಕೊಳ್ಳಬೇಕು. ಆಗ ಮಾತ್ರವೇ ಜಾಣ್ಮೆಯಿಂದ ಹೂಡಿಕೆ ಮಾಡಿ ಲಾಭಗಳಿಸಬಹುದು. ಭಾರತದ ಬೆಳವಣಿಗೆಯ ದರವು ಆಶಾದಾಯಕವಾಗಿದ್ದರೂ ದೀರ್ಘಾವಧಿ ಹೂಡಿಕೆಗಳನ್ನು ಹುಡುಕುತ್ತಿರುವವರು ತಮ್ಮ ನಿಧಿಯ ನಿರ್ದಿಷ್ಟ ಶೇಕಡಾವಾರು ಪ್ರಮಾಣವನ್ನು ವಿದೇಶಿ ಮಾರುಕಟ್ಟೆಗಳಲ್ಲಿ ಹೂಡಿಕೆ ಮಾಡುವ ಮ್ಯೂಚುಯಲ್ ಫಂಡ್‌ಗಳನ್ನು ಆಯ್ಕೆ ಮಾಡಬಹುದು.
ಅಧ್ಯಯನ ಮಾಡುವುದು ಮುಖ್ಯ:ಷೇರು ಮಾರುಕಟ್ಟೆಗಳ ಬೆಳವಣಿಗೆಗಳು ದೇಶದಿಂದ ದೇಶಕ್ಕೆ ಭಿನ್ನವಾಗಿರುತ್ತದೆ. ಇದನ್ನು ಅರ್ಥಮಾಡಿಕೊಳ್ಳಲು, ನಾವು ನಿರ್ದಿಷ್ಟ ದೇಶದ ಆರ್ಥಿಕತೆ, ಅದರ ಸರ್ಕಾರಿ ನೀತಿಗಳು ಮತ್ತು ಅವರ ಷೇರು ಮಾರುಕಟ್ಟೆಗಳನ್ನು ಹೆಚ್ಚಾಗಿ ಅಧ್ಯಯನ ಮಾಡಬೇಕು. ಅಲ್ಲಿನ ಭೌಗೋಳಿಕ-ರಾಜಕೀಯ ಅಂಶಗಳ ಮೇಲೆ ಕಣ್ಣಾಡಿಸಬೇಕು.
ಕೆಲವು ಮಾರುಕಟ್ಟೆಗಳು ಬಹಳ ಆಕರ್ಷಕವಾಗಿ ಕಾಣುತ್ತವೆ. ಆದರೆ, ಇತರವು ಕುಸಿತದ ಪ್ರವೃತ್ತಿಯನ್ನು ಹೊಡೆಯುತ್ತವೆ. ಸ್ಥಿರ ಆರ್ಥಿಕತೆಗಳಲ್ಲಿಯೂ ಸಹ ಕೆಲವೊಮ್ಮೆ ತಿದ್ದುಪಡಿಗಳು ಅಗತ್ಯವಾಗುತ್ತವೆ. ಉದಾಹರಣೆಗೆ ಅಮೆರಿಕನ್ ಮಾರುಕಟ್ಟೆಗಳು ಇತ್ತೀಚೆಗೆ ಗರಿಷ್ಠ ಮಟ್ಟದಿಂದ 32 ಪ್ರತಿಶತದಷ್ಟು ಕಡಿದಾದ ಕನಿಷ್ಠ ಮಟ್ಟಕ್ಕೆ ಜಾರಿದವು. ಆದರೆ, ಭಾರತೀಯ ಸಣ್ಣ ಮತ್ತು ಮಿಡ್‌ಕ್ಯಾಪ್ ಸೂಚ್ಯಂಕಗಳು ಹೆಚ್ಚು ಕುಸಿತಕ್ಕೊಳಗಾಗಲಿಲ್ಲ. ನಮ್ಮ ಹೂಡಿಕೆ ತಂತ್ರಗಳನ್ನು ರೂಪಿಸುವ ಮೊದಲು ನಾವು ಅಂತಹ ಅಂಶಗಳನ್ನು ಎಚ್ಚರಿಕೆಯಿಂದ ಗಮನಿಸಬೇಕು.