ನವದೆಹಲಿ:ಹ್ಯುಂಡೈ ಮೋಟರ್ ಇಂಡಿಯಾ ತನ್ನ ಪ್ರೀಮಿಯಂ ಹ್ಯಾಚ್‌ಬ್ಯಾಕ್ ಐ 20ಯ ಎಲ್ಲ ಹೊಸ ಶ್ರೇಣಿಗಳಲ್ಲಿ ಕಳೆದ 40 ದಿನಗಳಲ್ಲಿ ಸುಮಾರು 30,000 ಬುಕ್ಕಿಂಗ್ ಸ್ವೀಕರಿಸಿದೆ ಎಂದು ತಿಳಿಸಿದೆ.
ದೇಶದ ಎರಡನೇ ಅತಿದೊಡ್ಡ ಪ್ರಯಾಣಿಕ ವಾಹನ ತಯಾರಕ ಕಂಪನಿಯಾದ ಹ್ಯುಂಡೈ, ಇದುವರೆಗೆ 10,000 ಯುನಿಟ್ಗಳನ್ನು ಗ್ರಾಹಕರಿಗೆ ತಲುಪಿಸಿದೆ.
ಭವಿಷ್ಯದ ವಿನ್ಯಾಸ ಮತ್ತು ಸುಧಾರಿತ ತಂತ್ರಜ್ಞಾನಗಳ ಜತೆ ಭಾರತೀಯ ಗ್ರಾಹಕರ ಮನಸ್ಸನ್ನು ಸೆಳೆದಿರುವ ಹೊಸ ಐ 20 ಯು ಅತ್ಯುನ್ನತ ಗ್ರಾಹಕ ಪ್ರತಿಕ್ರಿಯೆಯನ್ನು ಎದುರು ನೋಡುತ್ತಿದ್ದೇವೆ ಎಂದು ಹ್ಯುಂಡೈ ಮೋಟಾರ್ ಇಂಡಿಯಾ ನಿರ್ದೇಶಕ (ಮಾರಾಟ, ಮಾರ್ಕೆಟಿಂಗ್ & ಸೇವೆ) ತರುಣ್ ಗರ್ಗ್ ಹೇಳಿದ್ದಾರೆ.
ಏರ್ ಇಂಡಿಯಾ ಖರೀದಿಗೆ ಟಾಟಾ ಸನ್ಸ್ ಆಸಕ್ತಿ: ಬಿಡ್ ಸಲ್ಲಿಕೆಗೆ ಇಂದೇ ಕೊನೆ ದಿನ
ಹ್ಯುಂಡೈ ಹೊಸ ಮಾದರಿಯ ಐ 20 ಶ್ರೇಣಿಗಳನ್ನು ನವೆಂಬರ್ 5ರಂದು 6.79 ಲಕ್ಷದಿಂದ 11.17 ಲಕ್ಷ ರೂ. (ಎಕ್ಸ್ ಶೋರೂಂ ದೆಹಲಿ) ನಡುವೆ ಬಿಡುಗಡೆ ಮಾಡಿತು. ಐ- 20 ಕಾರುಗಳು ನಾಲ್ಕನೇ ತಲೆಮಾರಿನ ಪೆಟ್ರೋಲ್ ಮತ್ತು ಡೀಸೆಲ್ ಚಾಲಿತ ಆಗಿದ್ದು, ಮಾರುತಿ ಸುಜುಕಿ ಬಾಲೆನೊ, ಟಾಟಾ ಮೋಟಾರ್ಸ್ ಆಲ್ಟ್ರೊಜ್ ಮತ್ತು ಟೊಯೋಟಾ ಗ್ಲ್ಯಾನ್ಜಾಗೆ ಸ್ಪರ್ಧೆಯಾಗಿದೆ.