ಸಾಲ ಮಾಡಿಯಾದ್ರೂ ಬಡವರಿಗೆ ನೆರ ನಗದು ವರ್ಗಾಯಿಸಿ: ಕೇಂದ್ರಕ್ಕೆ ವಿತ್ತ ತಜ್ಞರ ಒತ್ತಾಯ

ಪಿಎಂ ಕಿಸಾನ್ ಸಮ್ಮಾನ್​ ನಿಧಿಯಡಿ ಬಜೆಟ್ ಹಂಚಿಕೆ ಮಾನದಂಡಗಳನ್ನು ವಿಸ್ತರಿಸಿ, ಹೆಚ್ಚಿನ ಫಲಾನುಭವಿಗಳನ್ನು ತಲುಪಲು ಬಳಸಿಕೊಂಡರೆ ನಗದು ವರ್ಗಾವಣೆಗೆ ಸರ್ಕಾರಕ್ಕೆ ಹೆಚ್ಚುವರಿ ಹಣದ ಅಗತ್ಯವಿಲ್ಲ. ವಿಶ್ವದ ಎಲ್ಲ ಪ್ರಮುಖ ಅರ್ಥಶಾಸ್ತ್ರಜ್ಞರು ನಗದು ವರ್ಗಾವಣೆ ಅಥವಾ ಕನಿಷ್ಠ ಆದಾಯ ಖಾತರಿ ಶಿಫಾರಸು ಮಾಡುತ್ತಿದ್ದಾರೆ. ನಾನು ಗ್ರಾಮೀಣ ಮತ್ತು ನಗರ ಪ್ರದೇಶಗಳಲ್ಲಿನ ಶೇ 40ರಷ್ಟು ಬಡ ಜನರಿಗೆ ತಿಂಗಳಿಗೆ 500 ರೂ. ನೀಡಬೇಕು ಎಂದು ವಿತ್ತ ತಜ್ಞ ಸಂತೋಷ್ ಮೆಹ್ರೋತ್ರಾ ಹೇಳಿದರು.

ನವದೆಹಲಿ: ವಿಫಲವಾದ ಆರ್ಥಿಕತೆ ಉತ್ತೇಜಿಸಲು ಸಾಲದ ಬೆಂಬಲ ವಿಸ್ತರಿಸುವ ಸರ್ಕಾರದ ನೀತಿಯಿಂದಾಗಿ ದೇಶವು ಈಗಾಗಲೇ ಸಾಕಷ್ಟು ಸಮಯ ಕಳೆದುಕೊಂಡಿದೆ. ಇದು ಭಾರತದ ಬಹುಪಾಲು ಬಡವರಿಗೆ ದೊಡ್ಡ ಪ್ರಮಾಣದ ನಗದು ವರ್ಗಾವಣೆಯ ಅನುಪಸ್ಥಿತಿ ನಿರೀಕ್ಷಿತ ಫಲಿತಾಂಶ ನೀಡಲಿಲ್ಲ. ಬೇಡಿಕೆ ಹೆಚ್ಚಿಸಲು ನಗದು ವರ್ಗಾವಣೆ ಅತ್ಯಗತ್ಯ ಎಂದು ಅರ್ಥಶಾಸ್ತ್ರಜ್ಞರು ಕೇಂದ್ರವನ್ನು ಒತ್ತಾಯಿಸಿದ್ದಾರೆ.

'ಪಿಎಂ ಕಿಸಾನ್' ಯೋಜನೆ ಅಥವಾ ರೈತರಿಗೆ ರಸಗೊಬ್ಬರ ಸಬ್ಸಿಡಿ ವೆಚ್ಚದಲ್ಲಿಯೂ ಸರ್ಕಾರವು ಕನಿಷ್ಠ ಹಣವನ್ನು ದೇಶದ ಶೇ 40ರಷ್ಟು ಜನಸಂಖ್ಯೆಗೆ ವರ್ಗಾಯಿಸಬೇಕು. ಮುಂದಿನ ವರ್ಷದ ಬಜೆಟ್‌ನಲ್ಲಿ ಕೃಷಿಯಲ್ಲಿ ನೀರಿನ ಸಮರ್ಥ ಬಳಕೆ ಸುಧಾರಿಸಲು ಹೆಚ್ಚಿನ ಹಣ ವಿನಿಯೋಗಿಸಬೇಕು ಎನ್ನುತ್ತಾರೆ ದೆಹಲಿ ಮೂಲದ ಮಾನವಸಂಪನ್ಮೂಲ ಅಭಿವೃದ್ಧಿಯ ವಿತ್ತ ತಜ್ಞ ಸಂತೋಷ್ ಮೆಹ್ರೋತ್ರಾ.

ನಾವು ಈಗಾಗಲೇ ಸಾಕಷ್ಟು ಸಮಯ ಕಳೆದುಕೊಂಡಿದ್ದೇವೆ. ಆದ್ದರಿಂದ ಬಜೆಟ್ ಸಾರ್ವಜನಿಕ ಹೂಡಿಕೆಯನ್ನು ಗಮನಾರ್ಹವಾಗಿ ಹೆಚ್ಚಿಸಬೇಕು ಎಂದು ಈಟಿವಿ ಭಾರತಗೆ ನೀಡಿದ ವಿಶೇಷ ಸಂದರ್ಶನದಲ್ಲಿ ತಿಳಿಸಿದರು.

ಸಾರ್ವಜನಿಕ ಖರ್ಚು ಹೆಚ್ಚಿಸಲು ಮತ್ತು ಹೆಚ್ಚಿನ ಹಣವನ್ನು ನೇರವಾಗಿ ಸಾರ್ವಜನಿಕರ ಕೈಗೆ ನೀಡಲು ಸರ್ಕಾರ ಹೆಚ್ಚು ಪ್ರಮಾಣದಲ್ಲಿ ಸಾಲ ಪಡೆಯುವ ಅಗತ್ಯವಿದೆ. ಬಡವರಿಗೆ ನಗದು ವರ್ಗಾವಣೆ ಸರ್ಕಾರ ಗಂಭೀರವಾಗಿ ಪರಿಗಣಿಸಬೇಕಿದೆ.

ಇದನ್ನೂ ಓದಿ: ಸಿಹಿ ಸುದ್ದಿ: ಭಾರತದ ಆರ್ಥಿಕತೆಗೆ ಸಿಗಲಿದೆ ಅನಿರೀಕ್ಷಿತ ಹೈಜಂಪ್​

ಪಿಎಂ ಕಿಸಾನ್ ಸಮ್ಮಾನ್​ ನಿಧಿಯಡಿ ಬಜೆಟ್ ಹಂಚಿಕೆಯನ್ನು ಮಾನದಂಡಗಳನ್ನು ವಿಸ್ತರಿಸಿ, ಹೆಚ್ಚಿನ ಫಲಾನುಭವಿಗಳನ್ನು ತಲುಪಲು ಬಳಸಿಕೊಂಡರೇ ನಗದು ವರ್ಗಾವಣೆಗೆ ಸರ್ಕಾರಕ್ಕೆ ಹೆಚ್ಚುವರಿ ಹಣದ ಅಗತ್ಯವಿಲ್ಲ. ವಿಶ್ವದ ಎಲ್ಲ ಪ್ರಮುಖ ಅರ್ಥಶಾಸ್ತ್ರಜ್ಞರು ನಗದು ವರ್ಗಾವಣೆ ಅಥವಾ ಕನಿಷ್ಠ ಆದಾಯ ಖಾತರಿ ಶಿಫಾರಸು ಮಾಡುತ್ತಿದ್ದಾರೆ. ನಾನು ಗ್ರಾಮೀಣ ಮತ್ತು ನಗರ ಪ್ರದೇಶಗಳಲ್ಲಿನ ಶೇ 40ರಷ್ಟು ಬಡ ಜನರಿಗೆ ತಿಂಗಳಿಗೆ 500 ರೂ. ನೀಡುವ ಬಗ್ಗೆ ಮಾತನಾಡುತ್ತಿದ್ದೇನೆ.

ಕಳೆದ ಮಾರ್ಚ್‌ನಲ್ಲಿ ಘೋಷಿಸಿದ ಪಿಎಂ ಗರೀಬ್ ಕಲ್ಯಾಣ್ ಯೋಜನೆಯಡಿ ಹಿರಿಯ ನಾಗರಿಕರು, ವಿಧವೆಯರು, ವಿಕಲಚೇತನರಿಗೆ ನಗದು ವರ್ಗಾವಣೆ ಸಾಕಾಗುವುದಿಲ್ಲ ಎಂದರು.

ಗ್ರಾಮೀಣ ಉದ್ಯೋಗ ಖಾತರಿ

ನಗರಗಳಿಂದ ಮರಳಿದ ಲಕ್ಷಾಂತರ ವಲಸೆ ಕಾರ್ಮಿಕರಿಗೆ ಜೀವನೋಪಾಯ ಒದಗಿಸಲು ಗ್ರಾಮೀಣ ಖಾತರಿ ಕಾರ್ಯಕ್ರಮಕ್ಕೆ (ಎಂಜಿಎನ್‌ಆರ್‌ಇಜಿಎ) ಹಂಚಿಕೆಯಲ್ಲಿ ಸರ್ಕಾರ ಗಣನೀಯ ಪ್ರಮಾಣದ ಅನುದಾನ ಹೆಚ್ಚಳ ಮಾಡಿಲ್ಲ ಎಂದು ಟೀಕಿಸಿದರು. ಹಲವು ಇತರ ಅರ್ಥಶಾಸ್ತ್ರಜ್ಞರಂತೆ, ಮೆಹ್ರೋತ್ರಾ ಕೂಡ ನಗರ ಪ್ರದೇಶಗಳಿಗೆ ಎನ್‌ಆರ್‌ಇಜಿಎ ವಿಸ್ತರಿಸಲು ಸರ್ಕಾರಕ್ಕೆ ಒತ್ತಾಯಿಸಿದರು.

ಎಂಜಿಎನ್‌ಆರ್‌ಇಜಿಎ ಅನ್ನು ನಗರ ಪ್ರದೇಶಗಳಲ್ಲಿ ವಿಸ್ತರಿಸಿದರೇ ಕಾರ್ಮಿಕರನ್ನು ನಗರಗಳತ್ತ ಮರಳಲು ಉತ್ತೇಜಿಸುತ್ತದೆ. ಈ ದೊಡ್ಡ ನಗರಗಳು ಈಗಾಗಲೇ ಕಿಕ್ಕಿರಿದು ತುಂಬಿವೆ. ನಿರ್ಮಾಣ ಕಾರ್ಯಗಳನ್ನು ಪ್ರೋತ್ಸಾಹಿಸಲು ಮಹಾನಗರಗಳ ಬದಲಾಗಿ ಶ್ರೇಣಿ- II, ಶ್ರೇಣಿ- III ಮತ್ತು ಶ್ರೇಣಿ- IV ಪಟ್ಟಣಗಳಲ್ಲಿ ಕೈಗೆಟುಕುವ ವಸತಿ ಕೇಂದ್ರಗಳತ್ತ ಸರ್ಕಾರ ಗಮನಹರಿಸಬೇಕು. ನಗರ ಕೇಂದ್ರಗಳಲ್ಲಿ ಉದ್ಯೋಗ ಖಾತರಿ ವಿಸ್ತರಣೆಗಾಗಿ ಸ್ಥಳೀಯ ಸಂಸ್ಥೆಗಳನ್ನು ಬಲಪಡಿಸಬೇಕು ಎಂದು ಎಚ್ಚರಿಸಿದ್ದಾರೆ.

ಮರಳಿದ ಕಾರ್ಮಿಕರಿಗೆ ಅಲ್ಪಾವಧಿಯ ಉದ್ಯೋಗ ಒದಗಿಸಲು, ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಪ್ರಸಕ್ತ ಹಣಕಾಸು ವರ್ಷದಲ್ಲಿ ಎಂಜಿಎನ್‌ಆರ್‌ಇಜಿಎಗೆ ಹೆಚ್ಚುವರಿ 40,000 ರೂ. ಹಂಚಿಕೆ ಘೋಷಿಸಿದ್ದು, ಒಟ್ಟು ಹಂಚಿಕೆ 1 ಲಕ್ಷ ಕೋಟಿ ರೂ.ನಷ್ಟಾಗಿದೆ.

ಪರಿಷ್ಕೃತ ಅಂದಾಜಿನ ಪ್ರಕಾರ, ಈ ವರ್ಷ ಎಂಜಿಎನ್‌ಆರ್‌ಇಜಿಎ ವೆಚ್ಚದಲ್ಲಿ ನೈಜ ಹೆಚ್ಚಳವು ಕೇವಲ 30,000 ಕೋಟಿ ರೂ.ಯಷ್ಟಾಗುತ್ತದೆ. ಪರಿಷ್ಕೃತ ಅಂದಾಜಿನ ಅನ್ವಯ ಕಳೆದ ವರ್ಷ ಎನ್‌ಆರ್‌ಇಜಿಎಯಲ್ಲಿ 71,000 ಕೋಟಿ ರೂ. ಬಜೆಟ್ ಅಂದಾಜು 60,000 ಕೋಟಿ ರೂ.ನಷ್ಟಿದೆ.