ಮುಂಬೈ:ನಿಷೇಧದ ಅವಧಿಯಲ್ಲಿ ಸಾಲಗಳ ಮೇಲಿನ ಬಡ್ಡಿ ಮನ್ನಾ ಮಾಡುವಂತೆ ಕೋರಿ ಸಲ್ಲಿಸಲಾದ ಅರ್ಜಿಗಳ ವಿಚಾರಣೆಯು ಇಂದು ಸುಪ್ರೀಂಕೋರ್ಟ್ನಲ್ಲಿ ನಡೆಯುವ ಮುನ್ನ ಹಾಗೂ ಏಷ್ಯಾದ ಸೂಚ್ಯಂಕಗಳ ಪ್ರವೃತ್ತಿಗೆ ಅನುಗುಣವಾಗಿ ಭಾರತೀಯ ಮಾರುಕಟ್ಟೆಗಳು ಬುಧವಾರದ ಆರಂಭಕ ವಹಿವಾಟಿನಲ್ಲಿ ಕುಸಿತದೊಂದಿಗೆ ಚಾಲನೆಗೊಂಡಿತು.
ಮುಂಬೈ ಷೇರು ಸೂಚ್ಯಂಕ ಸೆನ್ಸೆಕ್ಸ್ 101 ಅಂಕ ಕುಸಿದು 40,523 ಅಂಕಗಳ ಮಟ್ಟದಲ್ಲಿಯೂ ರಾಷ್ಟ್ರೀಯ ಸೂಚ್ಯಂಕ ನಿಫ್ಟಿ 24 ಅಂಕ ಇಳಿಕೆಯಾಗಿ 11,910 ಅಂಕಗಳ ಮಟ್ಟ ತಲುಪಿತು. ಒಎನ್‌ಜಿಸಿ, ಪವರ್‌ಗ್ರಿಡ್, ಎನ್‌ಟಿಪಿಸಿ ಮತ್ತು ಇಂಡಸ್‌ಇಂಡ್ ಬ್ಯಾಂಕ್ ಷೇರು ದರ ಇಳಿಕೆಯಾಯಿತು. ಮತ್ತೊಂದೆಡೆ ಟಾಟಾ ಸ್ಟೀಲ್ ದರ ಶೇ 1ರಷ್ಟು ಲಾಭ ಗಳಿಸಿದೆ.