ದೈತ್ಯ ಪೆಟ್ರೋಲಿಯಂ ಕಂಪನಿ ಬಿಪಿಯಿಂದ 10,000 ನೌಕರರ ವಜಾ..

ಕೊರೊನಾ ವೈರಸ್ ಸಾಂಕ್ರಾಮಿಕದಿಂದ ಉಂಟಾದ ತೈಲ ಬೇಡಿಕೆಯ ಜಾಗತಿಕ ಕುಸಿತದ ನಡುವೆ ಕಂಪನಿಗೆ ನೆರವಾಗಲು ಉದ್ಯೋಗ ಕಡಿತವು ಅವಶ್ಯಕವಾಗಿದೆ ಎಂದು ಬಿಪಿಯ ಸಿಇಒ ಬರ್ನಾರ್ಡ್ ಲೂನಿ ಇಮೇಲ್​ನಲ್ಲಿ ಉದ್ಯೋಗಿಗಳಿಗೆ ತಿಳಿಸಿದ್ದಾರೆ.

ನವದೆಹಲಿ :ಕೊರೊನಾ ವೈರಸ್ ಸಾಂಕ್ರಾಮಿಕ ಮತ್ತು ತೈಲ ಮಾರುಕಟ್ಟೆಯ ಮೇಲೆ ಅದು ಬೀರಿದ ತೀವ್ರ ಪ್ರಭಾವದ ಮಧ್ಯೆ ಬ್ರಿಟಿಷ್ ಪೆಟ್ರೋಲಿಯಂ ಈ ವರ್ಷದ ಅಂತ್ಯದ ವೇಳೆಗೆ ಜಾಗತಿಕವಾಗಿ 10,000 ಉದ್ಯೋಗಿಗಳನ್ನು ವಜಾಗೊಳಿಸಲು ನಿರ್ಧರಿಸಿದೆ. ತೈಲ ದೈತ್ಯದ 70,000 ಜಾಗತಿಕ ಉದ್ಯೋಗಿಗಳ ಪೈಕಿ 15 ಪ್ರತಿಶತದಷ್ಟು ವಜಾ ಆಗಲಿದ್ದಾರೆ.

ಕೊರೊನಾ ವೈರಸ್ ಸಾಂಕ್ರಾಮಿಕದಿಂದ ಉಂಟಾದ ತೈಲ ಬೇಡಿಕೆಯ ಜಾಗತಿಕ ಕುಸಿತದ ನಡುವೆ ಕಂಪನಿಗೆ ನೆರವಾಗಲು ಉದ್ಯೋಗ ಕಡಿತವು ಅವಶ್ಯಕವಾಗಿದೆ ಎಂದು ಬಿಪಿಯ ಸಿಇಒ ಬರ್ನಾರ್ಡ್ ಲೂನಿ ಇಮೇಲ್​ನಲ್ಲಿ ಉದ್ಯೋಗಿಗಳಿಗೆ ತಿಳಿಸಿದ್ದಾರೆ.

ಮಾನವ ದುರಂತ ಮೀರಿ ಉದ್ಯಮ ಮತ್ತು ಕಂಪನಿಗೆ ಉಂಟಾಗುವ ಪರಿಣಾಮಗಳ ಜೊತೆಗೆ ವ್ಯಾಪಕ ಆರ್ಥಿಕ ಕುಸಿತ ಕಂಡು ಬಂದಿದೆ ಎಂಬುದು ನಿಮಗೆ ಈಗಾಗಲೇ ತಿಳಿದಿದೆ ಎಂದು ಲೂನಿಯ ಅವರು ಮೇಲ್​ನಲ್ಲಿ ಹೇಳಿದ್ದಾರೆ.

ತೈಲ ಬೆಲೆ ಕಂಪನಿಯು ಲಾಭ ಗಳಿಸಬೇಕಾದ ಮಟ್ಟಕ್ಕಿಂತಲೂ ಕುಸಿದಿದೆ. ನಾವು ಹೆಚ್ಚು ಖರ್ಚು ಮಾಡುತ್ತಿದ್ದೇವೆ. ನಾವು ಪ್ರತಿದಿನ ಮಿಲಿಯನ್ ಡಾಲರ್​ಗಳಷ್ಟು ಖರ್ಚು ಮಾಡುತ್ತಿದ್ದೇವೆ. ಇದರ ಪರಿಣಾಮವಾಗಿ ಮೊದಲ ತ್ರೈಮಾಸಿಕದಲ್ಲಿ ನಿವ್ವಳ ಸಾಲವು 6 ಬಿಲಿಯನ್ ಡಾಲರ್​ಗೂ ಹೆಚ್ಚಾಗಿದೆ ಎಂದು ಸಿಇಒ ಹೇಳಿದರು.