ಹಳದಿ ಜರ್ಸಿಯಲ್ಲಿ ಮಿಂಚಿದ ಸ್ಮಿತ್​-ವಾರ್ನರ್​... ಕಿವೀಸ್​ ವಿರುದ್ಧ 1 ವಿಕೆಟ್​ ರೋಚಕ ಜಯ

ಸ್ಮಿತ್​- ವಾರ್ನರ್​ ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ ಮರಳಿದ್ದು ಕಿವೀಸ್​ ವಿರುದ್ದ ನಡೆದ ವಿಶ್ವಕಪ್​ ಅಭ್ಯಾಸ ಪಂದ್ಯದಲ್ಲಿ 1 ವಿಕೆಟ್​ಗಳ ಜಯ ಸಾಧಿಸಲು ನೆರವಾಗಿದ್ದಾರೆ.

ಬ್ರಿಸ್ಬೇನ್​:ಬಾಲ್ ಟ್ಯಾಂಪರಿಂಗ್​ ಮಾಡಿ ಒಂದು ವರ್ಷ ನಿಷೇಧಕ್ಕೊಳಗಾಗಿದ್ದ ಸ್ಟಿವ್​ ಸ್ಮಿತ್​ ಹಾಗೂ ಡೇವಿಡ್​ ವಾರ್ನರ್​ ಮತ್ತೆ ಹಳದಿ ಜರ್ಸಿ ತೊಟ್ಟು ಮಿಂಚಿದ್ದಾರೆ.

ಇಂದು ನಡೆದ ನ್ಯೂಜಿಲ್ಯಾಂಡ್​ ಇಲೆವೆನ್​ ವಿರುದ್ಧದ ವಿಶ್ವಕಪ್​ ಅಭ್ಯಾಸ ಪಂದ್ಯದಲ್ಲಿ ವಾರ್ನರ್​ 39 ರನ್​ಗಳಿಸಿದರೆ, ಸ್ಟಿವ್​ ಸ್ಮಿತ್​ 22 ರನ್​ಗಳಿಸಿ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದ್ದಾರೆ.

ಒಂದು ವರ್ಷ ಅಂತಾರಾಷ್ಟ್ರೀಯ ಕ್ರಿಕೆಟ್​ನಿಂದ ದೂರವಿದ್ದ ಈ ಇಬ್ಬರು ಆಟಗಾರರು ಇಂದು ತಮ್ಮ ದೇಶದ ಜರ್ಸಿ ತೊಟ್ಟು ಆಡಿ ಗಮನ ಸೆಳೆದರು. ನ್ಯೂಜಿಲ್ಯಾಂಡ್​ ಇಲೆವೆನ್​ ನೀಡಿದ 219 ರನ್​ಗಳ ಗುರಿಯನ್ನು 9 ವಿಕೆಟ್​ ಕಳೆದುಕೊಂಡು ಬೆನ್ನತ್ತಿದ ಆಸೀಸ್​ ಇನ್ನು 10 ಎಸೆತಗಳು ಉಳಿದಿರುವಂತೆ 1 ವಿಕೆಟ್​ ರೋಚಕ ಜಯ ಸಾಧಿಸಿತು.

ವಾರ್ನರ್​ 3 ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್​ ಇಳಿದು ಮೊದಲು ಒತ್ತಡದಲ್ಲಿ ಬ್ಯಾಟಿಂಗ್​ ನಡೆಸಿದರು ನಂತರ ಉತ್ತಮವಾಗಿ ಬ್ಯಾಟ್​ಬೀಸಿ 43 ಎಸೆತಗಳಲಗಲಿ 4 ಬೌಂಡರಿ ಹಾಗೂ 1 ಸಿಕ್ಸರ್​ ಸಹಿತ 39 ರನ್​ಗಳಿಸಿದರು. 4 ನೇ ಕ್ರಮಾಂಕದಲ್ಲಿ ಕಣಕ್ಕಿಳಿದ ಸ್ಮಿತ್​ 43 ಎಸೆತಗಳಲ್ಲಿ 22 ರನ್​ಗಳಿಸಿ ಔಟ್​ ಆದರು.

ಆದರೆ ನಾಥನ್​ ಕೌಲ್ಟರ್​ ನೈಲ್​ 34 ಹಾಗೂ ಅ್ಯಡಂ ಜಂಪಾ ಔಟಾಗದೆ 11 ರನ್​ಗಳಿಸಿ ಆಸ್ಟ್ರೇಲಿಯಾ ತಂಡಕ್ಕೆ 1 ವಿಕೆಟ್​ ರೋಚಕ ಜಯ ತಂದಿತ್ತರು.

ಒಂದು ವರ್ಷದಿಂದ ಹೊರಗಿದ್ದ ಸ್ಮಿತ್​ ಹಾಗೂ ವಾರ್ನರ್​ ಮೈದಾನ ಪ್ರವೇಶಿಸುತ್ತಿದ್ದಂತೆ ಸಾವಿರಾರು ಸಂಖ್ಯೆಯಲ್ಲಿ ನೆರದಿದ್ದ ಅಭಿಮಾನಿಗಳು ಚಪ್ಪಾಳೆ ಮೂಲಕ ಇಬ್ಬರನ್ನು ಸ್ವಾಗತಿಸಿದರು.