ಚೆನ್ನೈ:ಕಳೆದ ಭಾನುವಾರ ಹೈದರಾಬಾದ್ನ ರಾಜೀವ್ ಗಾಂಧಿ ಅಂತಾರಾಷ್ಟ್ರೀಯ ಮೈದಾನದಲ್ಲಿ ಮುಂಬೈ ಇಂಡಿಯನ್ಸ್- ಚೆನ್ನೈ ಸೂಪರ್ ಕಿಂಗ್ಸ್ ತಂಡಗಳ ನಡುವೆ ಐಪಿಎಲ್ನ ಫೈನಲ್ ಪಂದ್ಯ ನಡೆದಿತ್ತು. ಈ ವೇಳೆ ಸಿಎಸ್ಕೆ ಪರ ಶೇನ್ ವ್ಯಾಟ್ಸನ್ ಅದ್ಭುತ ಬ್ಯಾಟಿಂಗ್ ಪ್ರದರ್ಶನ ನೀಡಿದ್ದು ಎಲ್ಲರಿಗೂ ಗೊತ್ತಿರುವ ವಿಚಾರ.
ಗಾಯವಾಗಿದ್ರೂ ಆಡಿದ್ದ ವ್ಯಾಟ್ಸನ್ಗೆ ಇದೀಗ ನಡೆಯಲೂ ಕಷ್ಟ... ಈ ಮಧ್ಯೆ ಸಿಎಸ್ಕೆ ಫ್ಯಾನ್ಸ್ಗೆ ಅಭಿನಂದನೆ!
ಕಳೆದ ಭಾನುವಾರ ಮುಂಬೈ ಇಂಡಿಯನ್ಸ್ ಹಾಗೂ ಸಿಎಸ್ಕೆ ತಂಡಗಳ ನಡುವೆ ನಡೆದ ಫೈನಲ್ ಪಂದ್ಯದಲ್ಲಿ ಶೆನ್ ವ್ಯಾಟ್ಸನ್ ಅದ್ಭುತ ಬ್ಯಾಟಿಂಗ್ ಪ್ರದರ್ಶನ ನೀಡಿದ್ದರು.
ಶೇನ್ ವ್ಯಾಟ್ಸನ್
ಕಾಲಿಗೆ ಗಂಭೀರ ಗಾಯ ಮಾಡಿಕೊಂಡಿದ್ರೂ ಫೈನಲ್ ಪಂದ್ಯದಲ್ಲಿ 80ರನ್ಗಳಿಕೆ ಮಾಡಿದ್ದ ವ್ಯಾಟ್ಸನ್, ಕೊನೆಯ ಓವರ್ನಲ್ಲಿ ವಿಕೆಟ್ ಒಪ್ಪಿಸಿ ನಿರಾಸೆ ಮೂಡಿಸಿದ್ದರು. ತದನಂತರ ಅವರ ಕಾಲಿಗೆ ಬರೋಬ್ಬರಿ ಆರು ಹೊಲಿಗೆ ಹಾಕಲಾಗಿತ್ತು. ಇದೀಗ ವ್ಯಾಟ್ಸನ್ ನಡೆಯಲೂ ಕೂಡ ಕಷ್ಟ ಪಡುತ್ತಿದ್ದಾರೆ. ತವರಿಗೆ ತೆರಳಲು ವಿಮಾನ ನಿಲ್ದಾಣಕ್ಕೆ ಹೋಗುತ್ತಿದ್ದಾಗ ಶೇನ್ ವ್ಯಾಟ್ಸನ್ ಕುಂಟುತ್ತಾ ನಡೆಯುತ್ತಿದ್ದ ವೀಡಿಯೋ ವೈರಲ್ ಆಗಿದೆ. ಅವರ ಕಾಲು ನೋವು ಶೀಘ್ರ ಗುಣಮುಖವಾಗುವಂತೆ ಕ್ರೀಡಾಭಿಮಾನಿಗಳು ಕೂಡ ಹಾರೈಸಿದ್ದಾರೆ.
ಸಿಎಸ್ಕೆ ಕ್ರೀಡಾಭಿಮಾನಿಗಳಿಗೆ ವ್ಯಾಟ್ಸನ್ ಅಭಿನಂದನೆ
ತವರಿಗೆ ವಾಪಸ್ ಆಗುವುದಕ್ಕೂ ಮುನ್ನ ವ್ಯಾಟ್ಸನ್ ಚೆನ್ನೈ ಸೂಪರ್ ಕಿಂಗ್ಸ್ ಕ್ರೀಡಾಭಿಮಾನಿಗಳಿಗೆ ಅಭಿನಂದನೆ ಸಲ್ಲಿಸಿದ್ದಾರೆ. ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ವಿಡಿಯೋ ಹರಿಬಿಟ್ಟಿರುವ ವ್ಯಾಟ್ಸನ್ ನಿಮ್ಮ ಪ್ರೀತಿ, ವಿಶ್ವಾಸಕ್ಕೆ ನಾನು ಋಣಿ. ಫೈನಲ್ ಪಂದ್ಯದಲ್ಲಿ ಸ್ವಲ್ಪದರಲ್ಲೇ ನಾವು ಎಡವಿದ್ದು, ಅದನ್ನ ಬಿಟ್ಟರೆ ಅದ್ಭುತವಾದ ಪ್ರದರ್ಶನ ನೀಡಿದ್ದೇವೆ ಎಂದಿದ್ದಾರೆ. ಜತೆಗೆ ಮುಂದಿನ ವರ್ಷ ಮತ್ತಷ್ಟು ಬಲಿಷ್ಠಗೊಂಡು ಕಣಕ್ಕಿಳಿಯಲಿದ್ದೇವೆ ಎಂದು ವಿಶ್ವಾಸದ ಮಾತುಗಳನ್ನಾಡಿದ್ದಾರೆ.