ನವದೆಹಲಿ:ನಾಳೆ ಲೋಕಸಭಾ ಚುನಾವಣೆಯ ಫಲಿತಾಂಶ ಬಹಿರಂಗಗೊಳ್ಳಲಿದ್ದು, ಅದಕ್ಕೂ ಮುನ್ನಾದಿನ ಎಐಸಿಸಿ ಅಧ್ಯಕ್ಷ ರಾಹುಲ್ ಗಾಂಧಿ ಕಾಂಗ್ರೆಸ್ ಕಾರ್ಯಕರ್ತರಿಗೆ ಧೈರ್ಯ ತುಂಬಿ ಸಂದೇಶ ರವಾನಿಸಿದ್ದಾರೆ.
ಮುಂದಿನ 24 ಗಂಟೆ ಬಹಳ ಮುಖ್ಯ,ಎದೆಗುಂದಬೇಡಿ:ಕೈ ಕಾರ್ಯಕರ್ತರಿಗೆ ರಾಗಾ ಅಭಯ!
ಯಾವುದೇ ಕಾರಣಕ್ಕೂ ಧೈರ್ಯ ಕಳೆದುಕೊಳ್ಳಬೇಡಿ,ಮುಂದಿನ 24 ಗಂಟೆ ನಮ್ಮ ಪಾಲಿಗೆ ಮಹತ್ವದಾಗಿದೆ ಎಂದು ರಾಹುಲ್ ಟ್ವೀಟ್ ಮಾಡಿದ್ದಾರೆ.
ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿ
ಕಾಂಗ್ರೆಸ್ ಪಕ್ಷದ ಪ್ರೀತಿಯ ಕಾರ್ಯಕರ್ತರೇ,ಮುಂದಿನ 24 ಗಂಟೆ ನಮ್ಮ ಪಾಲಿಗೆ ಬಹಳ ಮುಖ್ಯವಾಗಿದ್ದು, ನೀವೆಲ್ಲರೂ ಹೆಚ್ಚು ಅಲರ್ಟ್ ಆಗಿರಬೇಕು.ನೀವೂ ಸತ್ಯಕ್ಕಾಗಿ ಹೋರಾಟ ನಡೆಸಿದ್ದು, ಸುಳ್ಳು ಚುನಾವಣೋತ್ತರ ಸಮೀಕ್ಷೆ ಮೇಲೆ ಯಾವುದೇ ನಂಬಿಕೆ ಇಟ್ಟುಕೊಳ್ಳಬೇಡಿ. ಪಕ್ಷದ ಮೇಲೆ ನಂಬಿಕೆ ಇಡುವಂತೆ ಧೈರ್ಯ ತುಂಬಿದ್ದಾರೆ.
ವಿವಿಪ್ಯಾಟ್ಗಳನ್ನು ಮೊದಲು ಎಣಿಕೆ ಮಾಡಬೇಕು ಎಂಬ ವಿಪಕ್ಷಗಳ ಬೇಡಿಕೆಯನ್ನು ಚುನಾವಣಾ ಆಯೋಗ ತಿರಸ್ಕರಿಸಿರುವ ಬೆನ್ನಲ್ಲೇ ರಾಗಾ ಈ ಟ್ವಿಟ್ ಮಾಡಿದ್ದಾರೆ. ಈಗಾಗಲೇ ಚುನಾವಣೋತ್ತರ ಸಮೀಕ್ಷೆಯಲ್ಲಿ ಪ್ರಧಾನಿ ಮೋದಿ ನೇತೃತ್ವದ ಎನ್ಡಿಎ ಸರ್ಕಾರದ ಪರ ಫಲಿತಾಂಶ ಹೊರಬಂದಿರುವ ಕಾರಣ, ನಾಳೆ ಹೊರಬರುವ ರಿಸಲ್ಟ್ ಮಹತ್ವ ಪಡೆದುಕೊಂಡಿದೆ.