ಗಾಯಗೊಂಡ ಧವನ್​​​​ ಸ್ಥಾನಕ್ಕೆ ರಿಷಭ್​​​ ಪಂತ್​​ ಆಯ್ಕೆ?

ಏಪ್ರಿಲ್​ 15 ರಂದು ಬಿಡುಗಡೆಗೊಂಡಿದ್ದ ಪ್ರಾಥಮಿಕ ವಿಶ್ವಕಪ್​ ತಂಡದಲ್ಲಿ ಅವಕಾಶ ವಂಚಿತರಾಗಿದ್ದ ಪಂತ್​​ಗೆ ಅದೃಷ್ಠ ಒಲಿದುಬಂದಿದೆ. ಆರಂಭಿಕ ಆಟಗಾರ ಧವನ್​ಗೆ 3 ವಾರಗಳ ವಿಶ್ರಾಂತಿ ಅಗತ್ಯವಿರುದರಿಂದ ರಿಷಭ್​ ಪಂತ್​ಗೆ ಬಿಸಿಸಿಐ ಮೂಲಗಳಿಂದ ಈಗಾಗಲೇ ಕರೆ ಬಂದಿದೆ ಎನ್ನಲಾಗುತ್ತಿದೆ.

ಲಂಡನ್​: ಆಸ್ಟ್ರೇಲಿಯಾ ವಿರುದ್ಧದ ಪಂದ್ಯದಲ್ಲಿ ಬ್ಯಾಟಿಂಗ್​ ನಡೆಸುವ ವೇಳೆ ಪ್ಯಾಟ್​ ಕಮ್ಮಿನ್ಸ್​ ಎಸೆದ ಬೌನ್ಸರ್​ನಿಂದ ಬೆರಳು ಮುರಿತಕ್ಕೊಳಗಾಗಿರುವ ಧವನ್​ಗೆ ಮೂರು ವಾರಗಳ ವಿಶ್ರಾಂತಿ ಅಗತ್ಯವಿದ್ದು, ಅವರ ಬದಲಿಗೆ ಪ್ರಾಥಮಿಕ ವಿಶ್ವಕಪ್​ ತಂಡದಲ್ಲಿ ಅವಕಾಶ ವಂಚಿತರಾಗಿದ್ದ ರಿಷಭ್​ ಪಂತ್ ಆಯ್ಕೆಯಾಗುವ ಸಾಧ್ಯತೆ ಇದೆ.

ಏಪ್ರಿಲ್​ 15ರಂದು ಬಿಡುಗಡೆಗೊಂಡಿದ್ದ ಪ್ರಾಥಮಿಕ ವಿಶ್ವಕಪ್​ ತಂಡದಲ್ಲಿ ಅವಕಾಶ ವಂಚಿತರಾಗಿದ್ದ ಪಂತ್​​ಗೆ ಅದೃಷ್ಠ ಒಲಿದುಬಂದಿದೆ. ಆರಂಭಿಕ ಆಟಗಾರ ಧವನ್​ಗೆ 3 ವಾರಗಳ ವಿಶ್ರಾಂತಿ ಅಗತ್ಯವಿರುದರಿಂದ ರಿಷಭ್​ ಪಂತ್​ಗೆ ಬಿಸಿಸಿಐ ಮೂಲಗಳಿಂದ ಈಗಾಗಲೇ ಕರೆ ಬಂದಿದೆ ಎನ್ನಲಾಗುತ್ತಿದೆ. ಇನ್ನು 48 ಗಂಟೆಗಳಲ್ಲಿ ಇಂಗ್ಲೆಂಡ್ ಫ್ಲೈಟ್​ ಏರಲಿದ್ದಾರೆ ಎಂದು ತಿಳಿದು ಬಂದಿದೆ.

ಆರಂಭಿಕ ಸ್ಥಾನಕ್ಕೆ ರೋಹಿತ್​ ಜೊತೆಗೆ ಕನ್ನಡಿಗ ರಾಹುಲ್​ ಕಣಕ್ಕಿಳಿಯುವುದು ಬಹತೇಕ ಖಚಿತವಾಗಿದೆ. ಇನ್ನು ಪಂತ್​ ಆಯ್ಕೆ ಖಚಿತವಾದರೆ ರಾಹುಲ್​ರ 4ನೇ ಸ್ಥಾನಕ್ಕೆ ಕಾರ್ತಿಕ್​, ವಿಜಯ್​ ಶಂಕರ್​ ಹಾಗೂ ಪಂತ್​ ನಡುವೆ ತೀವ್ರ ಪೈಪೋಟಿ ಏರ್ಪಡಲಿದೆ.

ಧವನ್​ ಬದಲಿಗೆ ಪಂತ್​ರ ಆಯ್ಕೆ ಬಹುತೇಕ ಖಚಿತ ಎನ್ನಲಾಗುತ್ತಿದ್ದರೂ ಮತ್ತೊಬ್ಬ ಯುವ ಆಟಗಾರ ಮುಂಬೈನ ಶ್ರೇಯಸ್​ ಅಯ್ಯರ್​ ಹಾಗೂ ರಹಾನೆ ಹೆಸರು ಸಹಾ ಕೇಳಿ ಬರುತ್ತಿದೆ. ಜೂನ್​ 12 ರಂದು ನ್ಯೂಜಿಲ್ಯಾಂಡ್​ ವಿರುದ್ಧ ಭಾರತ ತನ್ನ 4 ನೇ ಪಂದ್ಯವಾಡಲಿದ್ದು, ಅಷ್ಟರೊಳಗೆ ಬಿಸಿಸಿಐ ಧವನ್​ ಬದಲಿಗೆ ಯಾರನ್ನು ಆಯ್ಕೆ ಮಾಡಲಿದೆ ಎಂಬುದನ್ನು ಕಾದು ನೋಡಬೇಕಿದೆ.