ಚೆನ್ನೈ: ಬೌಲಿಂಗ್ ಹಾಗೂ ಬ್ಯಾಟಿಂಗ್ನಲ್ಲಿ ಅಬ್ಬರಿಸಿದ ಸಿಎಸ್ಕೆ ತಂಡ ಡೆಲ್ಲಿ ಕ್ಯಾಪಿಟಲ್ ವಿರುದ್ಧ 80 ರನ್ಗಳ್ ಜಯ ಸಾಧಿಸುವ ಮೂಲಕ ಅಂಕಪಟ್ಟಿಯಲ್ಲಿ ಮರಳಿ ಅಗ್ರಸ್ಥಾನಕ್ಕೇರಿದೆ.
ಟಾಸ್ ಗೆದ್ದ ಡೆಲ್ಲಿ ಕ್ಯಾಪಿಟಲ್ ಚೆನ್ನೈಗೆ ಬ್ಯಾಟಿಂಗ್ ನೀಡಿತು. ಪವರ್ ಪ್ಲೇನಲ್ಲಿ ಚೆನ್ನೈ ಬ್ಯಾಟ್ಸ್ಮನ್ಗಳನ್ನು ಕಾಡಿದ ಡೆಲ್ಲಿ ಬೌಲರ್ಗಳು ಕೇವಲ 27 ರನ್ ನೀಡಿ ವಾಟ್ಸನ್ ವಿಕೆಟ್ ಪಡೆದರು. ವಾಟ್ಸನ್ ನಂತರ ಕ್ರೀಸ್ಗೆ ಆಗಮಿಸಿದ ರೈನಾ ಡೆಲ್ಲಿ ಬೌಲರ್ಗಳನ್ನ ಮನಬಂದಂತೆ ದಂಡಿಸಿ 37 ಎಸೆತಗಳಲ್ಲಿ 8 ಬೌಂಡರಿ ಹಾಗೂ 1 ಸಿಕ್ಸರ್ ಸಹಿತ 59 ರನ್ಗಳಿಸಿ 2 ನೇ ವಿಕೆಟ್ಗೆ 83 ರನ್ಗಳ ಜೊತೆಯಾಟ ನೀಡಿದರು. 39 ರನ್ಗಳಿಸಿದ್ದ ಪ್ಲೆಸಿಸ್ ಅಕ್ಷರ್ ಪಟೇಲ್ಗೆ ವಿಕೆಟ್ ಒಪ್ಪಿಸಿದರೆ, ನಂತರದ ಓವರ್ನಲ್ಲಿ ರೈನಾ ಸುಚಿತ್ಗೆ ವಿಕೆಟ್ ಒಪ್ಪಿಸಿದರು.
ನಂತರ ಧೋನಿ ಜೊತೆಗೂಡಿದ ಜಡೇಜಾ ಕೇವಲ 10 ಎಸೆತಗಳಲ್ಲಿ 2 ಸಿಕ್ಸರ್, 2 ಬೌಂಡರಿ ಸಹಿತ 25 ರನ್ಗಳಿಸಿ ನಾಲ್ಕನೇ ವಿಕೆಟ್ಗೆ 43 ರನ್ಗಳ ಜೊತೆಯಾಟ ನೀಡಿ ಮೋರಿಸ್ ಬೌಲಿಂಗ್ನಲ್ಲಿ ಅವರಿಗೆ ಕ್ಯಾಚ್ ನೀಡಿ ಔಟಾದರು. ಕೊನೆಯಲ್ಲಿ ಅಬ್ಬರಿಸಿದ ಧೋನಿ ಕೇವಲ 22 ಎಸೆತಗಳಲ್ಲಿ 4 ಬೌಂಡರಿ 3 ಸಿಕ್ಸರ್ ಸಹಿತ 44 ರನ್ ಸೂರೆಗೈದರು. ರಾಯುಡು 5 ರನ್ಗಳಿಸಿ ಧೋನಿ ಜೊತೆ ಔಟಾಗದೆ ಉಳಿದರು. 10 ಓವರ್ಗಳಲ್ಲಿ 53 ರನ್ಗಳಿಸಿದ್ದ ಚೆನ್ನೈ ನಂತರದ 10 ಓವರ್ಗಳಲ್ಲಿ 126 ರನ್ಗಳಿಸಿತು.