ಮಧ್ಯಪ್ರದೇಶ ಸಿಎಂ ಕಮಲ್​ನಾಥ್​ಗೆ ಐಟಿ ಶಾಕ್​.. ಒಂದೇ ಬಾರಿಗೆ 50 ಸ್ಥಳಗಳಲ್ಲಿ ತಪಾಸಣೆ

ಮಧ್ಯಪ್ರದೇಶ ಪೊಲೀಸ್ ಅಧಿಕಾರಿ ಐಟಿ ದಾಳಿ ನಡೆಯುತ್ತಿದ್ದ ಮನೆಗೆ ಪ್ರವೇಶಿಸಲು ಯತ್ನಿಸಿದ ವೇಳೆ ಸಿಆರ್​ಪಿಎಫ್​ ಯೋಧರ ಜೊತೆಗೆ ಕೆಲ ಕಾಲ ಮಾತಿನ ಚಕಮಕಿ ಉಂಟಾಗಿತ್ತು.

ನವದೆಹಲಿ:ಮಧ್ಯ ಪ್ರದೇಶ ಸಿಎಂ ಕಮಲ್​ನಾಥ್​ಗೆ ಸೇರಿರುವ ಸುಮಾರು 50 ವಿವಿಧ ಸ್ಥಳಗಳಲ್ಲಿ ಸುಮಾರು 200ಕ್ಕೂ ಅಧಿಕ ಆದಾಯ ತೆರಿಗೆ ಇಲಾಖೆ ಅಧಿಕಾರಿಗಳು ದಾಳಿ ನಡೆಸಿ ಕಡತಗಳ ಪರಿಶೀಲನೆ ನಡೆಸುತ್ತಿದ್ದಾರೆ.

ಐಟಿ ಅಧಿಕಾರಿಗಳ ಈ ದಾಳಿಯ ವೇಳೆ ಭದ್ರತೆಗಾಗಿ ಸಿಆರ್​ಪಿಎಫ್​ ಪಡೆ ಸಾಥ್​​ ನೀಡಿದೆ. ಮಧ್ಯಪ್ರದೇಶ ಸಿಎಂ ಕಮಲ್​ನಾಥ್​ರ ಆಪ್ತ ಅಧಿಕಾರಗಳ ಮನೆಗಳ ಸುತ್ತ ಸಿಆರ್​ಪಿಎಫ್​​ ಯೋಧರು ಬಿಗಿ ಬಂದೋಬಸ್ತ್ ನೀಡಿದ್ದಾರೆ.

ಮಧ್ಯಪ್ರದೇಶ ಪೊಲೀಸ್ ಅಧಿಕಾರಿ ಐಟಿ ದಾಳಿ ನಡೆಯುತ್ತಿದ್ದ ಮನೆಗೆ ಪ್ರವೇಶಿಸಲು ಯತ್ನಿಸಿದ ವೇಳೆ ಸಿಆರ್​ಪಿಎಫ್​ ಯೋಧರ ಜೊತೆಗೆ ಕೆಲ ಕಾಲ ಮಾತಿನ ಚಕಮಕಿ ಉಂಟಾಗಿತ್ತು.

ಮೂಲಗಳ ಪ್ರಕಾರ ಹವಾಲಾ ಹಣದ ಶಂಕೆಯ ಹಿನ್ನೆಲೆಯಲ್ಲಿ ಈ ದಾಳಿ ನಡೆದಿದೆ ಎನ್ನಲಾಗಿದೆ. ಭಾನುವಾರ ಮುಂಜಾನೆ 3ರ ವೇಳೆ ಆದಾಯ ತೆರಿಗೆ ಇಲಾಖೆ ಅಧಿಕಾರಿಗಳು ದಾಳಿ ನಡೆಸಿದ್ದು ಇನ್ನೂ ಮುಂದುವರೆದಿದೆ.