ಸ್ಟಾರ್ಟ್​ಅಪ್​ನ ನವೋದ್ಯಮಿಗಳ ಕನಸಿಗೆ ನೀರೆರೆದ ನಿರ್ಮಲಾ

ನವೋದ್ಯಮಗಳಿಗೆ ಉತ್ತೇಜನ ನೀಡಲು ಏಂಜೆಲ್ ತೆರಿಗೆ ರದ್ದನ್ನು ಒಂದು ವರ್ಷ ಮುಂದೂಡಿಕೆ ಮಾಡುವುದಾಗಿ ನಿರ್ಮಲಾ ಸೀತಾರಾಮನ್ ಅವರು ಘೋಷಿಸಿದ್ದಾರೆ.

ನವದೆಹಲಿ:ಸ್ಟಾರ್ಟ್​​ಅಪ್​ನಂತಹ ನವೋದ್ಯಮಗಳಿಗೆ ಉತ್ತೇಜನ ನೀಡಲು ಏಂಜೆಲ್ ತೆರಿಗೆ (ಬಂಡವಾಳ ಹೂಡಿಕೆ ಮೇಲಿನ ತೆರಿಗೆ) ರದ್ದನ್ನು ಒಂದು ವರ್ಷ ಮುಂದೂಡಿಕೆ ಮಾಡುವುದಾಗಿ ಬಜೆಟ್​ನಲ್ಲಿ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಘೋಷಿಸಿದ್ದಾರೆ.

100 ಕೋಟಿ ರೂ. ವಹಿವಾಟಿನ ನವೋದ್ಯಮಗಳಿಗೆ, 10 ವರ್ಷಗಳಲ್ಲಿ 3 ಹಣಕಾಸಿನ ವರ್ಷಗಳಲ್ಲಿ ಶೇ 100ವರೆಗೆ ಕಡಿತದ ರಿಯಾಯಿತಿ ನೀಡುತ್ತಿದೆ. ಇದನ್ನು ಮತ್ತೆ ಒಂದು ವರ್ಷ ಮುಂದೂಡಿಕೆ ಮಾಡಿದೆ.

ನವೋದ್ಯಮದ ಬಹು ಬೇಡಿಕೆಯಾದ ಏಂಜೆಲ್​ ತೆರಿಗೆ ಹಿಂಪಡೆತಕ್ಕೆ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಕಳೆದ ಬಜೆಟ್​ನಲ್ಲಿ ಒಪ್ಪಿಗೆ ಸೂಚಿಸಿ, 'ಬಂಡವಾಳ ಹೂಡಿಕೆ ಮೇಲಿನ ತೆರಿಗೆ ರದ್ದು ಹಾಗೂ ಆದಾಯ ತೆರಿಗೆ ಪರಿಶೀಲನೆಯಿಂದ ವಿನಾಯಿತಿ' ನೀಡುವುದಾಗಿ ಹೇಳಿದ್ದರು.