ಹೈದರಾಬಾದ್:ಟೇಕ್ವಾಂಡೋ ಕ್ರೀಡೆಯಲ್ಲಿ ತೆಲಂಗಾಣದ 12 ವರ್ಷದ ಬಾಲಕಿ ಗಿನ್ನಿಸ್ ದಾಖಲೆ ಬರೆದಿದ್ದಾರೆ. ಪಂಚಕುಲ ನಿವಾಸಿಯಾದ ತಾರುಷಿ ಚಿಕ್ಕ ವಯಸ್ಸಿನಲ್ಲೇ ಮಹತ್ತರ ಸಾಧನೆ ಮಾಡಿರುವ ಫೈಟರ್.
ಟೇಕ್ವಾಂಡೋ ಆಟದಲ್ಲಿ ಅಪ್ರತಿಮ ಕೌಶಲ್ಯ ಹೊಂದಿರುವ ಈಕೆ ಈವರೆಗೂ ಯಾರೂ ಗಳಿಸದಷ್ಟು ಪದಕಗಳನ್ನು ಕೊಳ್ಳೆ ಹೊಡೆದಿದ್ದಾರೆ. ತಾರುಷಿ ಪಂಚ್ಗೆ 151 ಚಿನ್ನ, 40 ಬೆಳ್ಳಿ ಹಾಗೂ 34 ಕಂಚಿನ ಪದಕಗಳು ಖಾತೆ ಸೇರಿವೆ. ಇದು ದೇಶದಲ್ಲಿಯೇ ಈ ವಯಸ್ಸಿನ ಯಾವ ಬಾಲಕ, ಬಾಲಕಿಯರಿಂದ ಈ ಸಾಧನೆ ಮೂಡಿಬಂದಿಲ್ಲ. ಹೀಗಾಗಿ ಇದು ಗಿನ್ನೆಸ್ ಬುಕ್ನಲ್ಲಿ ದಾಖಲಾಗಿದೆ.
ದೇಶದ ಮೊದಲ ಸಾಧಕಿ:ಟೇಕ್ವಾಂಡೋದಲ್ಲಿ ಎರಡು ಬ್ಲ್ಯಾಕ್ ಬೆಲ್ಟ್ ಪಡೆದ ದೇಶದ ಅತ್ಯಂತ ಕಿರಿಯ ವ್ಯಕ್ತಿ ಎಂಬ ದಾಖಲೆಯನ್ನು ಬರೆದಿದ್ದಾರೆ. 2022 ರ 'ಪ್ರಧಾನ ಮಂತ್ರಿ ರಾಷ್ಟ್ರೀಯ ಬಾಲ ಪುರಸ್ಕಾರ'ಕ್ಕೂ ಪಾತ್ರವಾಗಿರುವ ತಾರುಷಿ 1 ಲಕ್ಷ ರೂಪಾಯಿ ನಗದು ಬಹುಮಾನವನ್ನು ಗೆದ್ದಿದ್ದಾರೆ.
ಇನ್ನು ಕಿರಿಯ ಅಪ್ರತಿಮ ಸಾಧಕಿಯನ್ನು ಪ್ರಧಾನಿ ನರೇಂದ್ರ ಮೋದಿ ಅವರು ಶ್ಲಾಘಿಸಿದ್ದಾರೆ. ಬಾಕ್ಸಿಂಗ್‌ ಚಾಂಪಿಯನ್ ಮೇರಿ ಕೋಮ್‌ ಅವರೇ ತಮಗೆ ಮಾದರಿ. ಭವಿಷ್ಯದಲ್ಲಿ ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಭಾಗವಹಿಸಿ ದೇಶಕ್ಕೆ ಚಿನ್ನದ ಪದಕವನ್ನು ಗೆಲ್ಲುವ ಗುರಿ ಇದೆ ಎನ್ನುತ್ತಾರೆ ತಾರುಷಿ.
ಓದಿ:ಸುಂದರಿ ಐಶ್ವರ್ಯಾ ರೈ ಮಗಳ ಜನ್ಮದಿನ.. ಆರಾಧ್ಯಳಿಗೆ ಸಿಹಿ ಮುತ್ತು ಕೊಟ್ಟು ಶುಭಕೋರಿದ ತಾಯಿ