ಭೀಕರ ರಸ್ತೆ ಅಪಘಾತ.. ಐವರು ಸ್ಥಳದಲ್ಲೇ ದುರ್ಮರಣ.. ಹಿಮಾಚಲದಲ್ಲಿ ತಪ್ಪಿದ ಭಾರಿ ದುರಂತ

ಟ್ರಕ್​ - ಕಾರಿನ ನಡುವೆ ನಡೆದ ಭೀಕರ ರಸ್ತೆ ಅಪಘಾತದಲ್ಲಿ ಮಗು ಸೇರಿದಂತೆ ಐವರು ಸ್ಥಳದಲ್ಲೇ ಸಾವನ್ನಪ್ಪಿರುವ ಘಟನೆ ತೆಲಂಗಾಣದ ಸಂಗಾರೆಡ್ಡಿಯಲ್ಲಿ ನಡೆದಿದೆ.

ಸಂಗಾರೆಡ್ಡಿ(ತೆಲಂಗಾಣ):ಸಂಗಾರೆಡ್ಡಿ ಜಿಲ್ಲೆಯ ಚೌಟಕುರ್ಜ ಮಂಡಲದ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಭೀಕರ ರಸ್ತೆ ಅಪಘಾತ ಸಂಭವಿಸಿದೆ. ಲಾರಿ - ಕಾರಿನ ನಡುವೆ ನಡೆದ ಮುಖಾಮುಖಿಯಲ್ಲಿ ಐವರು ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ.

ಮೃತರನ್ನ ಲ್ಯೂಕ್​, ದಿವೇನ್​, ಪದ್ಮ(30), ಅಂಬಾದಾಸ್(40)​ ಮತ್ತು ವಿವೇಕ್(6)​ ಎಂದು ಗುರುತಿಸಲಾಗಿದೆ. ಊರಿಗೆ ವಾಪಸ್​ ಬರುತ್ತಿದ್ದ ವೇಳೇ ಚೌಟಕೂರ್​​ನಲ್ಲಿ ಈ ಘಟನೆ ನಡೆದಿದ್ದು, ಕಾರಿಗೆ ಎದುರಿನಿಂದ ಬಂದ ಲಾರಿ ಡಿಕ್ಕಿ ಹೊಡೆದಿದೆ. ಪರಿಣಾಮ ಕಾರಿನಲ್ಲಿದ್ದ ಎಲ್ಲರೂ ಸಾವನ್ನಪ್ಪಿದ್ದಾರೆ.

ಮೃತದೇಹಗಳಮ್ಮ ಈಗಾಗಲೇ ಮರಣೋತ್ತರ ಪರೀಕ್ಷೆಗೆ ರವಾನೆ ಮಾಡಲಾಗಿದ್ದು, ತದನಂತರ ಸಂಬಂಧಿಕರಿಗೆ ಹಸ್ತಾಂತರ ಮಾಡಲಾಗುವುದು ಎಂದು ತಿಳಿದು ಬಂದಿದೆ. ಘಟನೆ ಸ್ಥಳಕ್ಕೆ ಎಸ್​​ಐ ನಾಗಲಕ್ಷ್ಮಿ ತೆರಳಿ ಪರಿಶೀಲನೆ ನಡೆಸಿದರು. ಘಟನೆ ಬಗ್ಗೆ ಪ್ರಕರಣ ದಾಖಲು ಮಾಡಿಕೊಂಡು ತನಿಖೆ ಆರಂಭಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಇದನ್ನೂ ಓದಿರಿ:ಕೂಲಿ ಕಾರ್ಮಿಕರ ಮೇಲೆ ಅಮಾನವೀಯ ರೀತಿ ಹಲ್ಲೆ.. ವಿಡಿಯೋ ವೈರಲ್​

ಪ್ರಾಣಾಪಾಯದಿಂದ ಪಾರಾದ 22 ಪ್ರಯಾಣಿಕರು

ಹಿಮಾಚಲ ಪ್ರದೇಶದಲ್ಲಿ ಪ್ರಯಾಣಿಕರ ಹೊತ್ತೊಯ್ಯುತ್ತಿದ್ದ ಬಸ್​ವೊಂದು ಸ್ಕಿಡ್​​ ಆಗಿದ್ದು, ಈ ವೇಳೆ ಬಸ್​ನಲ್ಲಿದ್ದ 22 ಜನರು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಸಿರ್ಮೌರ್​​ನ ಬೊಹ್ರಾಡ್​​ ಬಳಿ ಈ ಘಟನೆ ನಡೆದಿದ್ದು, ಚಾಲಕ ಬಸ್​ ನಿಯಂತ್ರಣ ಮಾಡಿದ್ದರಿಂದ ಈ ಅವಘಡ ತಪ್ಪಿದೆ ಎಂದು ತಿಳಿದು ಬಂದಿದೆ.