88 ಪ್ರಕರಣಗಳಲ್ಲಿ ಆರೋಪಿ ಈ ರಾಜಕಾರಣಿ: 27 ತಿಂಗಳ ನಂತರ ಜೈಲಿನಿಂದ ರಿಲೀಸ್​

ಮೇ 19ರಂದು ಒಂದು ಲಕ್ಷ ರೂ. ಬಾಂಡ್​ ಮೇಲೆ ಅಜಂ ಖಾನ್​ಗೆ ಸುಪ್ರೀಂಕೋರ್ಟ್​ ಮಧ್ಯಂತರ ಜಾಮೀನು ನೀಡಿತ್ತು. ಆದರೆ, ಆದೇಶ ಪ್ರತಿ ದೊರೆಯದ ಕಾರಣ ಬಿಡುಗಡೆಯಾಗಲು ವಿಳಂಬವಾಗಿತ್ತು.

ಲಖನೌ (ಉತ್ತರ ಪ್ರದೇಶ): ವಿವಿಧ ಅಪರಾಧ ಮತ್ತು ಸಿವಿಲ್‌ ಸೇರಿ 88 ಪ್ರಕರಣಗಳನ್ನು ಎದುರಿಸುತ್ತಿರುವ ಸಮಾಜವಾದಿ ಪಕ್ಷದ ಮುಖಂಡ ಅಜಂ ಖಾನ್​ ಜೈಲಿನಿಂದ ಇಂದು ಬಿಡುಗಡೆಯಾದರು. ನಿನ್ನೆ ಸುಪ್ರೀಂಕೋರ್ಟ್​ ಅಜಂ ಖಾನ್‌ ಬಿಡುಗಡೆಗೊಳಿಸಿ ಆದೇಶ ನೀಡಿತ್ತು.

27 ತಿಂಗಳಿನಿಂದ ಉತ್ತರ ಪ್ರದೇಶದ ಸೀತಾಪುರ ಜೈಲಿನಲ್ಲಿದ್ದ ಅಜಂ ಖಾನ್​ ಬರಮಾಡಿಕೊಳ್ಳಲು ಪ್ರಗತಿಶೀಲ ಸಮಾಜವಾದಿ ಪಕ್ಷದ ಮುಖ್ಯಸ್ಥ ಶಿವಪಾಲ್​ ಯಾದವ್​ ಮತ್ತು ಅಜಂ ಖಾನ್​ ಪುತ್ರರಾದ ಹಬೀಬ್​ ಅಜಂ ಮತ್ತು ಅಬ್ದುಲ್ಲಾ ಅಜಂ ಬಂದಿದ್ದರು.

ಇದನ್ನೂ ಓದಿ:ಲಾಲು ಪ್ರಸಾದ್ ಯಾದವ್​ಗೆ ಸಂಬಂಧಿಸಿದ 15 ಸ್ಥಳಗಳ ಮೇಲೆ ಸಿಬಿಐ ದಾಳಿ