ರಾಯಲ್ ಎನ್‌ಫೀಲ್ಡ್ ಹಿಮಾಲಯನ್ 450 ಇನ್ನೇನು ಕೆಲವೇ ದಿನಗಳಲ್ಲಿ ರಸ್ತೆಗಿಳಿಯಲಿದೆ. ಈ ಹಿನ್ನೆಲೆಯಲ್ಲಿ ಕಂಪೆನಿ ಟೀಸರ್ ವಿಡಿಯೋ ಬಿಡುಗಡೆಗೊಳಿಸಿದೆ. ಸಾಹಸ ಪ್ರವಾಸಿ ಬೈಕ್ ಈಗಾಗಲೇ ಎಲ್ಲಾ ಪರೀಕ್ಷಾ ಹಂತಗಳನ್ನು ಮುಗಿಸಿದೆ. ಟೀಸರ್‌ನಲ್ಲಿ ಹೊಸ ಆವೃತ್ತಿಯ ಬೈಕ್ ಆಫ್-ರೋಡ್ ಪರಿಸ್ಥಿತಿಗಳಲ್ಲಿ ತನ್ನ ಶಕ್ತಿ ಪ್ರದರ್ಶಿಸಿದೆ.
ರಾಯಲ್ ಎನ್‌ಫೀಲ್ಡ್ ಹಿಮಾಲಯನ್ 450 ಬೈಕ್ ಟೀಸರ್ ಬಿಡುಗಡೆ
ರಾಯಲ್ ಎನ್‌ಫೀಲ್ಡ್ ಕಂಪೆನಿ ತನ್ನ ಜನಪ್ರಿಯ ಸಾಹಸ ಪ್ರವಾಸಿ ಬೈಕ್ ಹಿಮಾಲಯನ್‌ನ ನವೀಕರಿಸಿದ ಆವೃತ್ತಿಯಲ್ಲಿ ನಿರಂತರವಾಗಿ ಅಪ್ಡೇಟ್ ಮಾಡುತ್ತಿದೆ.
ರಾಯಲ್ ಎನ್‌ಫೀಲ್ಡ್ ಹಿಮಾಲಯನ್ 450 ಬಿಡುಗಡೆಗೆ ಸನ್ನಿಹಿತ
ಶಕ್ತಿ, ಸಾಮರ್ಥ್ಯ:450 cc, ಲಿಕ್ವಿಡ್-ಕೂಲ್ಡ್, ಸಿಂಗಲ್ ಸಿಲಿಂಡರ್ ಎಂಜಿನ್ ಹೊಂದಿದೆ. ಎಂಜಿನ್ 6-ಸ್ಪೀಡ್ ಮ್ಯಾನುವಲ್ ಗೇರ್‌ಬಾಕ್ಸ್, 40 Bhp ಪವರ್ ಮತ್ತು 40 Nm ಪೀಕ್ ಟಾರ್ಕ್ ಸಾಮರ್ಥ್ಯವಿದೆ. ಸ್ಪೋಕ್ ವೀಲ್‌ಗಳೊಂದಿಗೆ 21-ಇಂಚಿನ ಮುಂಭಾಗ ಮತ್ತು 17-ಇಂಚಿನ ಹಿಂಭಾಗದ ಟೈರ್‌ ಇರಲಿದೆ. ಎರಡೂ ಬದಿಯಲ್ಲಿ ಡಿಸ್ಕ್ ಬ್ರೇಕ್ ಅಳವಡಿಸಲಾಗಿದೆ. ದೊಡ್ಡ ಇಂಧನ ಟ್ಯಾಂಕ್ ಮತ್ತು ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಈ ರಾಯಲ್ ಎನ್‌ಫೀಲ್ಡ್ ಕೊಡುಗೆಯಲ್ಲಿ ನಿರೀಕ್ಷಿಸಲಾದ ಇತರ ಕೆಲವು ನವೀಕರಣಗಳಾಗಿವೆ. ಬೆಲೆಯ ಬಗ್ಗೆ ಈವರೆಗೆ ನಿಖರ ಮಾಹಿತಿ ಲಭ್ಯವಿಲ್ಲ.
ಇದನ್ನೂ ಓದಿ: 4G ಗಿಂತ 10 ಪಟ್ಟು ವೇಗದ 5G ಸೇವೆ ಇನ್ನಷ್ಟು ಸನಿಹ: ಈ ನಗರಗಳ ಜನರಿಗೆ ಮೊದಲು ಸೌಲಭ್ಯ ಲಭ್ಯ