ನವದೆಹಲಿ: ಬಿಳಿ, ಕಪ್ಪು, ಹಳದಿ ಫಂಗಸ್ ಆಯ್ತು. ಇದೀಗ ದೆಹಲಿಯ ಗಂಗರಾಮ್ ಆಸ್ಪತ್ರೆಯಲ್ಲಿ ಕ್ರೀಮ್(Cream Fungus) ಬಣ್ಣದ ಶಿಲೀಂಧ್ರ ಪತ್ತೆಯಾಗಿದೆ. ಸಣ್ಣ ಕರುಳು, ದೊಡ್ಡ ಕರುಳು ಮತ್ತು ಅನ್ನನಾಳದಲ್ಲಿ ಈ ಸೋಂಕು ಕಂಡುಬಂದಿದೆ.
ಇನ್ಸ್ಟಿಟ್ಯೂಟ್ ಆಫ್ ಲಿವರ್ ಗ್ರಾಸ್ಟ್ರೋ ಎಂಟರಾಲಜಿ ಮತ್ತು ಪ್ಯಾಂಕ್ರಿಯಾಟಿಕೊ ಬಿಲಿಯರಿ ಸೈನ್ಸ್ನ ಅಧ್ಯಕ್ಷ ಡಾ.ಅನಿಲ್ ಅರೋರಾ ಈ ಬಗ್ಗೆ ಪ್ರತಿಕ್ರಿಯೆ ನೀಡಿದ್ದಾರೆ. ಹೆಚ್ಚಿನ ಸ್ಟಿರಾಯ್ಡ್ಗಳ ಬಳಕೆಯಿಂದಾಗಿ ಈ ಸೋಂಕು ತಗುಲಿದೆ. ನಾಲ್ಕು ವಾರಗಳ ಹಿಂದೆ ಸ್ತನ ಕ್ಯಾನ್ಸರ್ನಿಂದ ಬಳಲುತ್ತಿದ್ದ 49 ವರ್ಷದ ಮಹಿಳೆ ಕಿಮೋಥೆರಪಿಗೆ ಒಳಗಾಗಿದ್ದರು. ಈ ಹಿನ್ನೆಲೆ ಆಕೆಯಲ್ಲಿ ರೋಗ ನಿರೋಧಕ ಶಕ್ತಿ ಕಡಿಮೆಯಾಗಿ ಸೋಂಕು ಪತ್ತೆಯಾಗಿದೆ ಎಂದರು.