ನವದೆಹಲಿ :ಕಳೆದ ಆರು ವರ್ಷಗಳ ಹಿಂದೆ ಪ್ರಧಾನಿ ನರೇಂದ್ರ ಮೋದಿ ಸರ್ಕಾರ ಆರಂಭಿಸಿದ ಅತಿದೊಡ್ಡ ಯೋಜನೆಗಳಲ್ಲಿ ಒಂದಾಗಿರುವ ಪ್ರಧಾನಿ ಜನ್ಧನ್ ಯೋಜನೆ ಈಗಾಗಲೇ ಆರು ವರ್ಷ ಪೂರೈಕೆ ಮಾಡಿದೆ. ಇದೇ ವಿಚಾರವಾಗಿ ಕೇಂದ್ರ ಹಣಕಾಸು ರಾಜ್ಯ ಖಾತೆ ಸಚಿವ ಭಗವಂತ್ ಕರ್ದಾ ರಾಜ್ಯಸಭೆಯಲ್ಲಿ ಇದರ ಬಗ್ಗೆ ಮಾಹಿತಿ ನೀಡಿದರು.
ದೇಶದಲ್ಲಿ ಒಟ್ಟು 44 ಕೋಟಿ ಜನ್ಧನ್ ಖಾತೆಗಳಿವೆ. ಇದರಲ್ಲಿ ಶೇ.55ರಷ್ಟು ಖಾತೆಗಳನ್ನ ಮಹಿಳೆಯರು ಹೊಂದಿದ್ದಾರೆಂಬ ಮಾಹಿತಿ ಹಂಚಿಕೊಂಡರು.
ನವೆಂಬರ್ 17, 2021ರ ಪ್ರಕಾರ ದೇಶದಲ್ಲಿ 43.90 ಕೋಟಿ ಫಲಾನುಭವಿಗಳು ಪ್ರಧಾನಮಂತ್ರಿ ಜನ್ಧನ್ ಯೋಜನೆ ಅಕೌಂಟ್ ಹೊಂದಿದ್ದಾರೆ. ಇದರಲ್ಲಿ 24.42 ಕೋಟಿ ಮಹಿಳಾ ಫಲಾನುಭವಿಗಳು ಖಾತೆ ಹೊಂದಿದ್ದಾರೆಂಬ ಮಾಹಿತಿ ನೀಡಿದರು.
ಗುಜರಾತ್ನಲ್ಲಿ 1.65 ಕೋಟಿ ಫಲಾನುಭವಿಗಳಿದ್ದಾರೆ ಎಂಬ ಮಾಹಿತಿ ನೀಡಿದರು. ಇನ್ನು, 1,42,73,910 ಮಹಿಳೆಯರು ಸುಕನ್ಯಾ ಸಮೃದ್ಧಿ ಅಕೌಂಟ್ ಹೊಂದಿದ್ದಾರೆಂಬ ಮಾಹಿತಿ ಹಂಚಿಕೊಂಡರು.
ಉತ್ತರಪ್ರದೇಶ, ತಮಿಳುನಾಡು, ಮಹಾರಾಷ್ಟ್ರ, ಮಧ್ಯಪ್ರದೇಶ ಅತಿ ಹೆಚ್ಚಿನ ಸುಕನ್ಯಾ ಸಮೃದ್ಧಿ ಯೋಜನೆ ಅಕೌಂಟ್ ಹೊಂದಿರುವ ರಾಜ್ಯಗಳಾಗಿವೆ ಎಂಬ ಮಾಹಿತಿಯನ್ನ ಸಹ ಹಂಚಿಕೊಂಡರು.
ಇದನ್ನೂ ಓದಿರಿ:ಯಾದವ್ ಕುಟುಂಬದ ಸೊಸೆಯಾದರೂ ಆದರ್ಶ ಮಹಿಳೆಯರ ಸಾಲಿನಲ್ಲಿ 'ಡಿಂಪಲ್'.. ಅವರ ಬಗ್ಗೆ ನಿಮಗೆಷ್ಟು ಗೊತ್ತು!?
2014ರಲ್ಲಿ ಪ್ರಧಾನಿಯಾದ ನಂತರ ನರೇಂದ್ರ ಮೋದಿ 2014ರ ಆಗಸ್ಟ್ 15ರಂದು ಜನ್ಧನ್ ಯೋಜನೆ ಪ್ರಾರಂಭಿಸಿದ್ದರು. ದೇಶದ ಎಲ್ಲರೂ ಬ್ಯಾಂಕ್ ಖಾತೆ ತೆರೆಯುವುದು ಇದರ ಉದ್ದೇಶವಾಗಿದೆ. ಸುಕನ್ಯಾ ಸಮೃದ್ಧಿ ಯೋಜನೆ ಬ್ಯಾಂಕ್ ಖಾತೆ ಕೇವಲ 250 ರೂಪಾಯಿಯಲ್ಲಿ ತೆರೆಯಬಹುದಾಗಿದೆ.
