ಒಪಿಎಸ್ ಪುತ್ರ ಒಪಿಆರ್ ವಿರುದ್ಧ ಲೈಂಗಿಕ ಆರೋಪ ಹೊರಿಸಿದ ಮಹಿಳೆ!

ಮಾಜಿ ಮುಖ್ಯಮಂತ್ರಿ ಓ ಪನ್ನೀರಸೆಲ್ವಂ ಅವರ ಪುತ್ರ, ಸಂಸದ ಒ.ಪಿ.ರವೀಂದ್ರನಾಥ್ ವಿರುದ್ಧ ಲೈಂಗಿಕ ಕಿರುಕುಳ ಆರೋಪವೊಂದು ಕೇಳಿಬಂದಿದೆ. ಈ ಘಟನೆ ಇದೀಗ ರಾಜಕೀಯ ವಲಯದಲ್ಲಿ ಸಂಚಲನ ಮೂಡಿಸಿದೆ.

ಚೆನ್ನೈ, ತಮಿಳುನಾಡು:ತಮಿಳುನಾಡು ಮಾಜಿ ಮುಖ್ಯಮಂತ್ರಿ ಓ.ಪನ್ನೀರಸೆಲ್ವಂ ಅವರ ಪುತ್ರ ಹಾಗೂ ತೇಣಿ ಕ್ಷೇತ್ರದ ಸಂಸದ ಒಪಿ. ವೀಂದ್ರನಾಥ್ ವಿರುದ್ಧ ಲೈಂಗಿಕ ಕಿರುಕುಳದ ಆರೋಪ ಕೇಳಿ ಬಂದಿದೆ. ಈ ಆರೋಪ ರಾಜಕೀಯ ವಲಯದಲ್ಲಿ ಬಿರುಗಾಳಿ ಎಬ್ಬಿಸಿದೆ. ಸಂಸದ ಒಪಿ ರವೀಂದ್ರನಾಥ್ ತನಗೆ ಲೈಂಗಿಕ ಕಿರುಕುಳ ನೀಡುತ್ತಿದ್ದಾರೆ ಎಂದು ಶಿವಗಂಗೈ ಜಿಲ್ಲೆಯ ಮಹಿಳೆಯೊಬ್ಬರು ಡಿಜಿಪಿ ಕಚೇರಿಗೆ ದೂರು ನೀಡಿದಾಗ ಈ ವಿಷಯ ಬೆಳಕಿಗೆ ಬಂದಿದೆ.

ದೂರು ದಾಖಲಿಸಿದ ಬಳಿಕ ಸುದ್ದಿಗಾರರನ್ನು ಭೇಟಿ ಮಾಡಿದ ಮಹಿಳೆ, ''2014ರಲ್ಲಿ ನಡೆದ ಮದುವೆ ಸಮಾರಂಭದಲ್ಲಿ ಒಪಿಎಸ್, ಅವರ ಪುತ್ರ ರವೀಂದ್ರನಾಥ್ ಮತ್ತು ಆತನ ಪತ್ನಿ ಆನಂದಿ ಭಾಗಿಯಾಗಿದ್ದರು. ಈ ವೇಳೆ ನಮ್ಮ ಜತೆ ಅವರ ಸ್ನೇಹ ಬೆಳೆದಿತ್ತು ಎಂದಿದ್ದಾರೆ.

ನಂತರ ದಿನಗಳಲ್ಲಿ ರವೀಂದ್ರನಾಥ್ ಅವರ ಪತ್ನಿ ಆನಂದಿ ಅವರೊಂದಿಗೆ ನಿಕಟ ಸಂಬಂಧ ಹೊಂದಿದ್ದೆ. ಈ ವೇಳೆ, ರವೀಂದ್ರನಾಥ್ ಬೇರೆ ಮಹಿಳೆಯೊಂದಿಗೆ ಸಂಬಂಧ ಹೊಂದಿದ್ದು, ಇದರಿಂದ ಪತಿ-ಪತ್ನಿರಾದ ರವೀಂದ್ರನಾಥ್ ಹಾಗೂ ಆನಂದಿ ನಡುವೆ ಮನಸ್ತಾಪ ಉಂಟಾಗಿತ್ತು. ಅದೇ ವೇಳೆ ಅಂದ್ರೆ 2021 ರಲ್ಲಿ ನನ್ನ ಪತಿ ಮತ್ತು ನಾನು ಭಿನ್ನಾಭಿಪ್ರಾಯಗಳಿಂದ ವಿಚ್ಛೇದನ ಪಡೆದೆವು ಎಂದು ಮಹಿಳೆ ಹೇಳಿದ್ದಾರೆ.

ಇದನ್ನು ತಿಳಿದ ರವೀಂದ್ರನಾಥ್ ತನ್ನ ಸ್ನೇಹಿತ ಮುರುಗನ್ ಮೂಲಕ 2022ರ ಅಕ್ಟೋಬರ್‌ನಿಂದ ಲೈಂಗಿಕ ಕಿರುಕುಳ ನೀಡುತ್ತಿದ್ದ. ಅಲ್ಲದೆ, ತನ್ನ ವಾಟ್ಸ್​ಆ್ಯಪ್​​ ಮೂಲಕ ನನಗೆ ಅತ್ಯಂತ ನೀಚ ಪದಗಳಲ್ಲಿ ವಿವರಿಸುತ್ತಾ ಬಂದು ತನ್ನೊಂದಿಗೆ ಸಂಸಾರ ನಡೆಸುವಂತೆ ಒತ್ತಾಯಿಸುತ್ತಿದ್ದ ಎಂದು ಮಹಿಳೆ ಆರೋಪಿಸಿದ್ದಾರೆ.

ಆತನ ತನ್ನ ಇಚ್ಛೆಗೆ ಮತ್ತು ಲೈಂಗಿಕ ಕಿರುಕುಳಕ್ಕೆ ಮಣಿಯದಿದ್ದಕ್ಕಾಗಿ ನನ್ನ ಮತ್ತು ನನ್ನ ಕುಟುಂಬವನ್ನು ಕೊಲ್ಲುವುದಾಗಿ ಬೆದರಿಕೆ ಹಾಕಿದ್ದರು. ಈ ಕುರಿತು ತಾಂಬರಂ ಆಯುಕ್ತರಿಗೆ ಈಗಾಗಲೇ ದೂರು ನೀಡಿದ್ದೇನೆ. ಆದರೆ, ದೂರಿನ ಬಗ್ಗೆ ಇದುವರೆಗೆ ಯಾವುದೇ ಕ್ರಮ ಕೈಗೊಂಡಿಲ್ಲ. ಸಾಕಷ್ಟು ಸಾಕ್ಷ್ಯಾಧಾರಗಳಿದ್ದರೂ ಸಂಸದ ರವೀಂದ್ರನಾಥ್ ವಿರುದ್ಧ ಅವರು ಯಾವುದೇ ಕ್ರಮ ಕೈಗೊಳ್ಳುತ್ತಿಲ್ಲ. ಇದರಿಂದಾಗಿ ಇಂದು ಡಿಜಿಪಿ ಅವರನ್ನು ಭೇಟಿ ಮಾಡಿ ದೂರು ದಾಖಲಿಸಲು ಬಂದಿದ್ದೇನೆ ಎಂದರು.

ಕಚೇರಿಯಲ್ಲಿ ಡಿಜಿಪಿ ಇಲ್ಲ. ಅವರನ್ನು ದೂರವಾಣಿ ಮೂಲಕ ಸಂಪರ್ಕಿಸಿದ್ದಾಗ ಬುಧವಾರ ಬೆಳಗ್ಗೆ ನನ್ನ ದೂರನ್ನು ಸ್ವೀಕರಿಸುವುದಾಗಿ ಹೇಳಿದ್ದಾರೆ. ಕಳೆದ ವರ್ಷ ನವೆಂಬರ್‌ನಲ್ಲಿ ಆತನ ತಂದೆ ಒಪಿಎಸ್ ಅವರನ್ನು ಖುದ್ದಾಗಿ ಭೇಟಿ ಮಾಡಿ ರವೀಂದ್ರನಾಥ್ ನನಗೆ ಲೈಂಗಿಕ ಕಿರುಕುಳ ನೀಡುತ್ತಿದ್ದಾರೆ ಎಂದು ಹೇಳಿದ್ದೆ. ಅದಕ್ಕೆ ರವೀಂದ್ರನಾಥ್ ಅವರ ಮಾತು ಕೇಳಲಿಲ್ಲ ಎಂದು ದೂರಿದ್ದಾರೆ.

ಇದೆಲ್ಲದಕ್ಕೂ ಅವರು ಕ್ಷಮೆ ಕೇಳಬೇಕು. ಬಡ ಮಹಿಳೆಯರಿಗೆ ಲೈಂಗಿಕ ಕಿರುಕುಳ ನೀಡಬಹುದು ಎಂಬುದು ರವೀಂದ್ರನಾಥ್ ಅವರ ಅಭಿಪ್ರಾಯ. ಈ ಬಗ್ಗೆ ಮುಖ್ಯಮಂತ್ರಿ ವಿಭಾಗ, ಪ್ರಧಾನಿ ಕಚೇರಿ, ಡಿಜಿಪಿ ಕಚೇರಿ, ಕಮಿಷನರ್ ಕಚೇರಿ ಹೀಗೆ ಎಲ್ಲ ಕಡೆ ದೂರು ನೀಡಿದ್ದೇನೆ ಎಂದು ಮಹಿಳೆ ಕಣ್ಣೀರು ಹಾಕಿದರು.

ಓದಿ:ಸಿಜೆಐ ವಿರುದ್ಧದ ಟೀಕೆ ವಿಚಾರ: ಪ್ರಕಾಶಕ ಬದ್ರಿ ಶೇಷಾದ್ರಿಗೆ ಜಾಮೀನು