ಹೈದರಾಬಾದ್ (ತೆಲಂಗಾಣ): ಛತ್ತೀಸ್‍ಗಢಕ್ಕೆ ಸೇರಿದ ನಿಷೇಧಿತ ಕಮ್ಯುನಿಸ್ಟ್ ಪಾರ್ಟಿ ಆಫ್ ಇಂಡಿಯಾ (ಮಾವೋವಾದಿ) ಮಿಲಿಶಿಯಾ ಕಮಾಂಡರ್ನೊಬ್ಬನನ್ನು ತೆಲಂಗಾಣದ ಪೊಲೀಸರು ಬಂಧಿಸಿದ್ದಾರೆ. ಬಂಧಿತನ ಬಳಿ ಇದ್ದ ಭಾರಿ ಪ್ರಮಾಣದ ಸ್ಫೋಟಕ ವಸ್ತುಗಳನ್ನು ವಶಪಡಿಸಿಕೊಳ್ಳಲಾಗಿದೆ.
ತೆಲಂಗಾಣದಲ್ಲಿ ಕುಖ್ಯಾತ ಮಾವೋವಾದಿ ನಾಯಕನ ಬಂಧನ!
ಭದ್ರಾದ್ರಿ-ಕೋತಗುಡೆಂ ಜಿಲ್ಲೆಯಲ್ಲಿ ಮಾವೋವಾದಿ ಕಮಾಂಡರ್ನನ್ನು ಬಂಧಿಸಲಾಗಿದೆ. ಆತನಿಂದ ಅಪಾರ ಪ್ರಮಾಣದ ಶಸ್ತ್ರಾಸ್ತ್ರಗಳು ಹಾಗೂ ಸ್ಫೋಟಕಗಳನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಸಾಂದರ್ಭಿಕ ಚಿತ್ರ
ಸ್ಫೋಟಕ ವಸ್ತುಗಳೊಂದಿಗೆ ಪೊಲೀಸ್ ಸಿಬ್ಬಂದಿ ಮೇಲೆ ದಾಳಿ ಮಾಡಲು ಹೊಂಚುಹಾಕಿ ಕುಳಿತಿದ್ದನು. ಪೊಲೀಸರು ಈ ಬಗ್ಗೆ ಮಾಹಿತಿ ಸಂಗ್ರಹಿಸಿದ್ದರು. ಭದ್ರಾದ್ರಿ-ಕೋತಗುಡೆಂ ಜಿಲ್ಲೆಯ ಅಸ್ವಾಪುರಂನಲ್ಲಿ ವಾಹನ ತಪಾಸಣೆ ವೇಳೆ 25 ವರ್ಷದ ಯುವಕನನ್ನು ಪೊಲೀಸ್ ತಂಡ ಬಂಧಿಸಿದೆ ಎಂದು ತಿಳಿದು ಬಂದಿದೆ.
ಕಮ್ಯುನಿಸ್ಟ್ ಪಾರ್ಟಿ ಆಫ್ ಇಂಡಿಯಾದ ಮಿಲಿಶಿಯಾ ಕಮಾಂಡರ್ ಆಗಿ ಕೆಲಸ ಮಾಡುತ್ತಿರುವುದಾಗಿ ವಿಚಾರಣೆ ವೇಳೆ ಆತ ಬಾಯ್ಬಿಟ್ಟಿದ್ದಾನೆ. ಅಲ್ಲದೇ ತಾನು 4 ಜನರ ಕೊಲೆ ಮಾಡಿದ್ದು, ಕೆಲ ಸುಲಿಗೆ ಹಾಗೂ ಸ್ಫೋಟ ಕೃತ್ಯಗಳನ್ನು ನಡೆಸಿರುವ ಬಗ್ಗೆಯೂ ಮಾಹಿತಿ ನೀಡಿದ್ದಾನೆ.