ಕೋಲ್ಕತ್ತಾ: ದುಬೈನಲ್ಲಿರುವ ಬುರ್ಜ್‌ ಖಲೀಫಾಗೆ ಸೆಡ್ಡು ಹೊಡೆದಿರುವ ಕೋಲ್ಕತ್ತಾದಲ್ಲಿ ಬುರ್ಜ್‌ ಖಲೀಫಾವನ್ನು ನಿರ್ಮಾಣ ಮಾಡಲಾಗಿದೆ. ಆದರೆ, ಇದು ಒರಿಜಿನಲ್‌ ಖಲೀಫಾ ಅಲ್ಲ. ಬದಲಾಗಿ 5 ದಿನಗಳ ದುರ್ಗಾ ಪೂಜೆಯ ನಿಮಿತ್ತ ಹಾಕಿರುವ ಸೆಟ್‌.
ಪ್ರತಿ ವರ್ಷ ಒಂದೊಂದು ರೀತಿಯ ಥೀಮ್‌ನಲ್ಲಿ ದೇವಿ ಪ್ರತಿಷ್ಠಾಪನೆಗೆ ಸೆಟ್‌ಗಳನ್ನು ಹಾಕಲಾಗುತ್ತದೆ. ಕೋಲ್ಕತ್ತಾದಲ್ಲಿ ಅದ್ದೂರಿಯಾಗಿ ದುರ್ಗಾ ಸಂಭ್ರಮಾಚರಣೆ ಮಾಡುವವರ ಪೈಕಿ ಒಂದಾಗಿರುವ ಶ್ರೀಭೂಮಿ ಸ್ಪೋರ್ಟಿಂಗ್‌ ಕ್ಲಬ್‌ ದುಬೈನ ಬುರ್ಜ್‌ ಖಲೀಫಾ ಮಾದರಿಯ ಸೆಟ್‌ಹಾಕಿ ಅದಕ್ಕೆ ಲೇಸರ್‌ ಬೆಳಕಿನ ಸ್ಪರ್ಶ ನೀಡಿದೆ. ನೋಡುಗರಿಗೆ ಇದು ಥೇಟ್‌ ದುಬೈನ ಬುರ್ಜ್‌ ಖಲೀಫಾ ರೀತಿಯಲ್ಲೇ ಕಾಣುತ್ತಿದೆ.