ಭಾವನಗರ(ಗುಜರಾತ್):ದೇಶ 75ನೇ ಸ್ವಾತಂತ್ರ್ಯೋತ್ಸವ ಸಂಭ್ರಮದಲ್ಲಿದ್ದು ಇದರ ಅಂಗವಾಗಿ ಹರ್ ಘರ್ ತಿರಂಗಾ ಅಭಿಯಾನ ಆರಂಭಗೊಂಡಿದೆ. ಆಗಸ್ಟ್ 2ರಿಂದ ಆಗಸ್ಟ್ 15ರವರೆಗೆ ಈ ಅಭಿಯಾನ ನಡೆಸಲು ಪ್ರಧಾನಿ ನರೇಂದ್ರ ಮೋದಿ ಈಗಾಗಲೇ ಕರೆ ನೀಡಿದ್ದಾರೆ. ಆಗಸ್ಟ್ 13ರಿಂದ 15ರವರೆಗೆ ಮನೆಯ ಮೇಲೆ 'ಹರ್ ಘರ್ ತಿರಂಗಾ' ಅಭಿಯಾನದ ಪ್ರಯುಕ್ತ ತ್ರಿವರ್ಣ ಧ್ವಜಾರೋಹಣ ಮಾಡುವಂತೆ ದೇಶವಾಸಿಗಳಿಗೆ ಅವರು ಮನವಿ ಮಾಡಿದ್ದಾರೆ.
'ಹರ್ ಘರ್ ತಿರಂಗಾ' ಅಲ್ಲ, ವಿದ್ಯಾರ್ಥಿಗಳಿಂದ 'ಹರ್ ಗಲ್ ಪೇ ತಿರಂಗಾ' ಅಭಿಯಾನ
ಆಗಸ್ಟ್ 13ರಿಂದ ದೇಶಾದ್ಯಂತ ಹರ್ ಘರ್ ತಿರಂಗಾ ಅಭಿಯಾನ ಆರಂಭಗೊಳ್ಳಲಿದೆ. ಇದರ ನಡುವೆ ಗುಜರಾತ್ನ ಶಾಲೆ ವಿನೂತನ ಯೋಜನೆ ಹಮ್ಮಿಕೊಂಡಿದೆ.
har gal pe triranga
ಗುಜರಾತ್ನಲ್ಲಿ 1 ಕೋಟಿ ಮನೆ ಹಾಗೂ ಕಚೇರಿಗಳಲ್ಲಿ ತ್ರಿವರ್ಣ ಧ್ವಜಾರೋಹಣ ನಡೆಯಲಿದೆ. ಇದರ ಅಂಗವಾಗಿ ಜಾವರಚಂದ್ ಮೇಘಾನಿ ಪ್ರಾಥಮಿಕ ಶಾಲೆಯ 1 ರಿಂದ 8 ನೇ ತರಗತಿಯ ವಿದ್ಯಾರ್ಥಿಗಳಿಗೋಸ್ಕರ ಹೊಸ ಕಾರ್ಯಕ್ರಮ ಆಯೋಜನೆಗೊಂಡಿದೆ. ಹರ್ ಘರ್ ತಿರಂಗಾ ಬದಲಿಗೆ ಹರ್ ಗಲ್(ಕೆನ್ನೆ) ಪೆ ತಿರಂಗಾ ಅಭಿಯಾನ ಆರಂಭ ಮಾಡಿದೆ. ಇಲ್ಲಿನ ಪ್ರತಿ ಮಕ್ಕಳ ಕೆನ್ನೆ ಮೇಲೆ ಭಾರತದ ತಿರಂಗಾ ಚಿತ್ರ ಬರೆಯಲಾಗ್ತಿದೆ. ಶಾಲಾ ವಿದ್ಯಾರ್ಥಿಗಳಲ್ಲಿ ರಾಷ್ಟ್ರಪ್ರೇಮ ಮೂಡಿಸುವ ಉದ್ದೇಶದಿಂದ ಈ ಕ್ರಮ ಕೈಗೊಳ್ಳಲಾಗಿದೆ.
ಇದನ್ನೂ ಓದಿಿ:ಪ್ರಧಾನಿ ಮೋದಿ ಟ್ವಿಟರ್, ಇನ್ಸ್ಟಾ ಡಿಪಿ "ತಿರಂಗಾ"ಮಯ..ಚಿತ್ರ ಬದಲಿಸಲು ಜನರಿಗೂ ಮನವಿ