ಇಸ್ರೋಗೆ ಅಭಿನಂದಿಸಿದ ಸ್ಪೇಸ್​ ಎಕ್ಸ್ ಸಿಇಒ ಎಲಾನ್ ಮಸ್ಕ್​​​

ಭಾರತೀಯ ಉಡಾವಣಾ ವಾಹನದಲ್ಲಿ ಬಾಹ್ಯಾಕಾಶಯಾನಿಗಳು ಭೂಮಿಯ ಕಕ್ಷೆಗೆ ಅಥವಾ ಬಾಹ್ಯಾಕಾಶಕ್ಕೆ ಕಳುಹಿಸುವುದು ಗಗನಯಾನ್​​ ಮಿಷನ್ ಉದ್ದೇಶವಾಗಿದ್ದು, ವಿಕಾಸ್ ಇಂಜಿನ್​ ಅನ್ನು ಯಶಸ್ವಿಯಾಗಿ ಪರೀಕ್ಷೆಗೆ ಒಳಪಡಿಸಿದೆ.

ಬೆಂಗಳೂರು : ಭಾರತದ ಬಹುನಿರೀಕ್ಷಿತ ಗಗನಯಾನ್​ ಮಿಷನ್​ಗಾಗಿ ಲಿಕ್ವಿಡ್ ಪ್ರೊಪೆಲ್ಲೆಂಟ್ ಹೊಂದಿರುವ ವಿಕಾಸ್ ಎಂಜಿನ್​ನ ಮೂರನೇ ಪರೀಕ್ಷೆಯನ್ನು ಯಶಸ್ವಿಯಾಗಿ ನಡೆಸಿದ್ದಕ್ಕೆ ಸ್ಪೇಸ್ ಎಕ್ಸ್ ಸಿಇಒ ಎಲಾನ್ ಮಸ್ಕ್​​ ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆಯನ್ನು (ಇಸ್ರೋ) ಅಭಿನಂದಿಸಿದ್ದಾರೆ.

ಇಸ್ರೋ ವಿಕಾಸ್ ಎಂಜಿನ್ ಅನ್ನು ಯಶಸ್ವಿಯಾಗಿ ಪರೀಕ್ಷೆ ಮಾಡಿದ ಕಾರಣದಿಂದ ಟ್ವೀಟ್ ಮಾಡಿದ್ದು, ಈ ಟ್ವೀಟ್​ಗೆ ಪ್ರತಿಕ್ರಿಯೆ ನೀಡಿರುವ ಎಲಾನ್ ಮಸ್ಕ್ ಭಾರತೀಯ ಧ್ವಜದೊಂದಿಗೆ ಅಭಿನಂದನೆಗಳು ಎಂದು ಟ್ವೀಟ್ ಮಾಡಿದ್ದಾರೆ.

ಗಗನಯಾನ್ ಮಿಷನ್​ಗಾಗಿ ಜಿಎಸ್ಎಲ್​ವಿ ಎಂಕೆ-3(GSLV MK-III) ಉಡಾವಣಾ ವಾಹನದ ವಿಕಾಸ್ ಎಂಜಿನ್​​ನ ಕೋರ್ L110ನ ಪರೀಕ್ಷೆಯನ್ನು ಯಶಸ್ವಿಯಾಗಿ ಮಾಡಲಾಗಿತ್ತು ಎಂದು ಇಸ್ರೋ ಟ್ವೀಟ್​​​ನಲ್ಲಿ ಹೇಳಿತ್ತು.

ಪರೀಕ್ಷೆ ವೇಳೆ ಇಂಜಿನ್ ಅನ್ನು 240 ಸೆಕೆಂಡ್​ಗಳ ಕಾಲ ಹಾರಿಸಲಾಗಿದೆ ಎಂದು ತಮಿಳುನಾಡಿನ ಮಹೇಂದ್ರಗಿರಿಯಲ್ಲಿರುವ ಇಸ್ರೋ ಪ್ರೊಪಲ್ಷನ್ ಕಾಂಪ್ಲೆಕ್ಸ್ (ಐಪಿಆರ್​​ಸಿ) ಸ್ಪಷ್ಟನೆ ನೀಡಿದೆ. ಜೊತೆಗೆ ಎಂಜಿನ್‌ ಕಾರ್ಯಕ್ಷಮತೆ ಹೊಂದಿದ್ದು, ಪರೀಕ್ಷಾ ಉದ್ದೇಶಗಳನ್ನು ಪೂರೈಸಿದೆ ಎಂದು ಮಾಹಿತಿ ನೀಡಿದೆ.

ಇದನ್ನೂ ಓದಿ: ಇಸ್ರೋದಲ್ಲಿ ಅಪ್ರೆಂಟಿಷಿಪ್​ ಹುದ್ದೆ: ಅರ್ಜಿ ಸಲ್ಲಿಕೆಗೂ ಮುನ್ನ ಈ ವಿಚಾರಗಳು ನಿಮಗೆ ತಿಳಿದಿರಲಿ..

ಭಾರತೀಯ ಉಡಾವಣಾ ವಾಹನದಲ್ಲಿ ಬಾಹ್ಯಾಕಾಶಯಾನಿಗಳು ಭೂಮಿಯ ಕಕ್ಷೆಗೆ ಅಥವಾ ಬಾಹ್ಯಾಕಾಶಕ್ಕೆ ಕಳುಹಿಸುವುದು ಗಗನಯಾನ್​​ ಮಿಷನ್ ಉದ್ದೇಶವಾಗಿದೆ.