ದೇಶದಲ್ಲಿ ಕ್ಷೀಣಿಸಿದ ಕೊರೊನಾ ಕೇಕೆ... ಲಸಿಕೆ ಖರೀದಿ ನಿಲ್ಲಿಸಿದ ಕೇಂದ್ರ ಸರ್ಕಾರ

ದೇಶದಲ್ಲಿ ಕೊರೊನಾ ಪ್ರಭಾವ ಕುಗ್ಗಿದೆ. ಲಸಿಕೆ ಅಭಿಯಾನ ಮಂದಗತಿಯಲ್ಲಿದೆ. ಅಲ್ಲದೇ, ಕಂಪನಿಗಳಿಂದ ಲಸಿಕೆ ಖರೀದಿ ಮಾಡುವುದನ್ನು ಕೇಂದ್ರ ಸರ್ಕಾರ ನಿಲ್ಲಿಸಿದೆ. ಇನ್ನೂ 3 ಕೋಟಿ ಲಸಿಕೆ ಡೋಸ್​ ದಾಸ್ತಾನಿದ್ದು, ವಿತರಣೆ ಅಭಿಯಾನ ಮುಗಿದಿಲ್ಲ ಎಂದು ಸರ್ಕಾರ ತಿಳಿಸಿದೆ.

ನವದೆಹಲಿ:ದೇಶ ಸೇರಿದಂತೆ ವಿಶ್ವದಲ್ಲಿ ಕೊರೊನಾ ಕೇಕೆ ಕುಗ್ಗಿದೆ. ಹೀಗಾಗಿ ಕೇಂದ್ರ ಸರ್ಕಾರ ಕೊರೊನಾ ಲಸಿಕೆ ಖರೀದಿ ಮಾಡುವುದನ್ನು ನಿಲ್ಲಿಸಿದೆ. ಖರೀದಿ ನಿಂತರೂ ಇನ್ನೂ 3 ಕೋಟಿ ಡೋಸ್​ ಲಸಿಕೆ ದಾಸ್ತಾನಿದೆ. ಅದರ ವಿತರಣೆ ಕಾರ್ಯಕ್ರಮ ಇನ್ನೂ ಮುಗಿದಿಲ್ಲ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಈಗಾಗಲೇ ದೇಶಾದ್ಯಂತ ಮೊದಲ, ಎರಡನೇ, ಮುನ್ನೆಚ್ಚರಿಕೆ ಸೇರಿದಂತೆ 200 ಕೋಟಿಗಿಂತಲೂ ಹೆಚ್ಚು ಲಸಿಕೆ ಡೋಸ್‌ಗಳನ್ನು ನೀಡಲಾಗಿದೆ. ರಾಷ್ಟ್ರವ್ಯಾಪಿ ಲಸಿಕೆ ಅಭಿಯಾನ ಇನ್ನೂ ಬಹಳ ದೂರ ಸಾಗಬೇಕಿದೆ. ಸರ್ಕಾರದ ಬಳಿ ಇನ್ನೂ 3 ಕೋಟಿ ಲಸಿಕೆ ಡೋಸ್‌ಗಳ ದಾಸ್ತಾನು ಇದೆ ಎಂದು ಮೂಲಗಳು ತಿಳಿಸಿವೆ.

ಕೋವಿಡ್​ ಲಸಿಕೆ ಸಂಗ್ರಹ ಮತ್ತು ಖರೀದಿ ನಿಲ್ಲಿಸಲಾಗಿದೆ. ಹಾಗಂತ ಕೋವಿಡ್ ಲಸಿಕೆ ವಿತರಣಾ ಕಾರ್ಯಕ್ರಮವೇ ಮುಗಿದಿಲ್ಲ. ಕೊರೊನಾ ಅಂತಿಮ ಹಂತದಲ್ಲಿದೆ. ಅಗತ್ಯ ಬಿದ್ದಲ್ಲಿ ಲಸಿಕಾ ಡೋಸ್​ಗಳ ವಿತರಣೆ ಅಭಿಯಾನ ನಡೆಸಲಾಗುವುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಕೊರೊನಾ ಸೋಂಕಿನ ವೇಗವನ್ನು ತಗ್ಗಿಸಲು ದೇಶಾದ್ಯಂತ 2021ರ ಜನವರಿ 16 ರಿಂದ ವ್ಯಾಕ್ಸಿನೇಷನ್​ ಅಭಿಯಾನ ಪ್ರಾರಂಭಿಸಲಾಯಿತು. ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯದ ಪ್ರಕಾರ, ಮೊದಲ, ಎರಡನೇ ಮತ್ತು ಮುನ್ನೆಚ್ಚರಿಕಾ ಡೋಸ್​ಗಳು ಸೇರಿ ಇದುವರೆಗೆ ಒಟ್ಟು 219.32 ಕೋಟಿ ಕೋವಿಡ್​ ಲಸಿಕೆ ಡೋಸ್‌ಗಳನ್ನು ನೀಡಲಾಗಿದೆ.

12-14 ವರ್ಷ ವಯಸ್ಸಿನವರಿಗೆ ಕೋವಿಡ್​ ಲಸಿಕೆಯನ್ನು ಇದೇ ವರ್ಷದ ಮಾರ್ಚ್ 16 ರಿಂದ ಆರಂಭಿಸಲಾಯಿತು. 7 ಕೋಟಿಗೂ ಅಧಿಕ ಬಾಲಕರಿಗೆ ಲಸಿಕೆಯನ್ನು ಮೊದಲ ಡೋಸ್ ಆಗಿ ನೀಡಲಾಗಿದೆ. ಕಳೆದ 24 ಗಂಟೆ ಅವಧಿಯಲ್ಲಿ 5.02 ಲಕ್ಷ ಡೋಸ್‌ಗಳನ್ನು ನೀಡಲಾಗಿದೆ.

ಓದಿ:137 ವರ್ಷಗಳ ಕಾಂಗ್ರೆಸ್​​ ಇತಿಹಾಸದಲ್ಲಿ ಆರನೇ ಅಧ್ಯಕ್ಷೀಯ ಚುನಾವಣೆ: ಇಂದು ಮತದಾನ