ಸಂಭಾಲ್ (ಉತ್ತರಪ್ರದೇಶ): ವಿವಾಹ ವೇದಿಕೆಯ ಮೇಲೆಯೇ ವರ ಮುತ್ತು ಕೊಟ್ಟಿರಿಂದ ಕೋಪಿಸಿಕೊಂಡ ವಧುವೊಬ್ಬಳು ಮದುವೆಯನ್ನೇ ಮುರಿದಿದ್ದಾಳೆ. ಹಿರಿಯರ ಸಂಧಾನ, ಪೊಲೀಸರ ರಾಜಿ ಪಂಚಾಯಿತಿ ನಂತರವೂ ಮದುವೆಯಾಗಲು ಯುವತಿ ನಿರಾಕರಿಸಿದ್ದಾಳೆ. ಇದರಿಂದ ವರ ಮಾವನ ಮನೆಯಿಂದ ಬರಿಗೈಯಲ್ಲಿ ವಾಪಸ್ ಬರುವಂತಾಗಿದೆ.
ಹೌದು, ಉತ್ತರ ಪ್ರದೇಶದ ಸಂಭಾಲ್ ಜಿಲ್ಲೆಯಲ್ಲಿ ಈ ಘಟನೆ ನಡೆದಿದೆ. ನವೆಂಬರ್ 26ರಂದು ಮುಖ್ಯಮಂತ್ರಿಗಳ ಸಾಮೂಹಿಕ ವಿವಾಹ ಯೋಜನೆಯಡಿ ಬದೌನ್‌ನ ಬಿಲ್ಸಿ ನಿವಾಸಿ ಯುವಕನನ್ನು ಬಹ್ಜೋಯಿ ಪೊಲೀಸ್ ಠಾಣೆ ವ್ಯಾಪ್ತಿಯ ಹುಡುಗಿಯನ್ನು ವಿವಾಹವಾಗಿದ್ದರು.
ಇದನ್ನೂ ಓದಿ:ಚಾಕುವಿನಿಂದ ಪತ್ನಿಯನ್ನು ಮನಬಂದಂತೆ ಇರಿದು ಕೊಂದ ಪತಿರಾಯ.. ಹೊಸಕೋಟೆಯಲ್ಲಿ ದಾರುಣ
ನಂತರ ಉಭಯ ಕುಟುಂಬಗಳ ಒಪ್ಪಿಗೆ ಮೇರೆಗೆ ಮಂಗಳವಾರ ವರ ಹಾಗೂ ಕುಟುಂಬಸ್ಥರು ಮೆರವಣಿಗೆ ಮೂಲಕ ವಧುವಿನ ಗ್ರಾಮಕ್ಕೆ ಆಗಮಿಸಿದ್ದರು. ಇಲ್ಲಿ ವಿವಾಹ ವಿಧಿವಿಧಾನಗಳನ್ನು ನೆರವೇರಿಸಲಾಯಿತು. ಹೂವಿನ ಹಾರ ಬದಲಾವಣೆ ವೇಳೆ ವರ ವಧುವಿಗೆ ಮುತ್ತು ಕೊಟ್ಟಿದ್ದಾನೆ ಎನ್ನಲಾಗಿದೆ. ಸಾರ್ವಜನಿಕವಾಗಿ ತನಗೆ ಮುತ್ತು ಕೊಟ್ಟಿದ್ದರಿಂದ ವಧು ಸಿಟ್ಟಾಗಿದ್ದಾಳೆ.