ಮಾಸ್ಕ್​ ತಯಾರಿಸುವ ವಿಚಾರವಾಗಿ ವಾದ: ಯುವಕನಿಗೆ ಚಾಕುವಿನಿಂದ ಇರಿದು ಕೊಲೆ

ಮಾಸ್ಕ್​ ಧರಿಸುವ ವಿಚಾರವಾಗಿ ಜಗಳ ಉಂಟಾಗಿ ಓರ್ವ ವ್ಯಕ್ತಿಯ ಕೊಲೆ ಮಾಡಿರುವ ಘಟನೆ ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ನಡೆದಿದೆ.

ನವದೆಹಲಿ:ಮಾಸ್ಕ್​ ಧರಿಸುವ ವಿಚಾರವಾಗಿ ವಾಗ್ವಾದ ಉಂಟಾಗಿ 17 ವರ್ಷದ ಯುವಕನೋರ್ವನ ಕೊಲೆ ಮಾಡಿರುವ ಘಟನೆ ನವದೆಹಲಿಯ ಗೋವಿಂದಪುರ್​​ದಲ್ಲಿ ನಡೆದಿದೆ.

ಸಲೀಂ 17 ವರ್ಷದ ಯುವಕ ಮೃತ ದುರ್ದೈವಿ. 28 ವರ್ಷದ ಅಪ್ಸರ್​, 61 ವರ್ಷದ ಅಖ್ತರ್​ ಹಾಗೂ 29 ವರ್ಷದ ಗುಲಾಂ ಮೊಹಮ್ಮದ್​ ವಿರುದ್ಧ ಪ್ರಕರಣ ದಾಖಲಾಗಿದೆ.

ಮಾಸ್ಕ್​ ತಯಾರಿಸುವ ವಿಚಾರವಾಗಿ ಜಗಳ ಉಂಟಾಗಿದ್ದು, ಅದು ತಾರಕಕ್ಕೇರಿದಾಗ ಸಲೀಂ ಮೇಲೆ ಹಲ್ಲೆ ಮಾಡಿ ಕೊಲೆ ಮಾಡಿದ್ದಾರೆ. ಇದೀಗ ಗೋವಿಂದಪುರಿ ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಪ್ರಮುಖ ಆರೋಪಿ ಅಖ್ತರ್​ ಬಂಧನವಾಗಿದ್ದು, ಉಳಿದ ಆರೋಪಿಗಳು ಪರಾರಿಯಾಗಿದ್ದಾರೆ.

ಇಬ್ಬರು ಮಾಸ್ಕ್​ ತಯಾರಿಸಿ ಮಾರಾಟ ಮಾಡುತ್ತಿದ್ದು, ಸಲೀಂ ಕಡಿಮೆ ಬೆಲೆಗೆ ಅವುಗಳ ಮಾರಾಟ ಮಾಡುತ್ತಿದ್ದ ಕಾರಣ ಜಗಳ ಉಂಟಾಗಿ ಕೊಲೆಯಾಗಿದ್ದಾಗಿ ಪೊಲೀಸರು ಮಾಹಿತಿ ನೀಡಿದ್ದಾರೆ.