ಗೋರಖಪುರ್:ಶತಾಯಗತಾಯಬಿಜೆಪಿಯನ್ನು ಅಧಿಕಾರದಿಂದ ದೂರ ಇಡಬೇಕು ಎಂಬ ಪ್ರತಿಪಕ್ಷಗಳ ಒಗ್ಗಟ್ಟಿಗೆ ಮೊತ್ತೊಂದು ವಿಘ್ನ ಎದುರಾಗಿದ್ದು, ಉತ್ತರ ಪ್ರದೇಶದಲ್ಲಿನ ಎಸ್ಪಿ-ಬಿಎಸ್‌ಪಿ-ಆರ್‌ಎಲ್‌ಡಿ 'ಮಹಾಘಟಬಂಧನ್' ಸೇರಿದ ಮೂರೇ ದಿನಗಳಲ್ಲಿ ನಿಷಾದ್ ಪಾರ್ಟಿ ಹೊರಬಿದ್ದಿದೆ.
ಇಂದಿನಿಂದ ನಿಷಾದ್ ಪಕ್ಷಕ್ಕೂ ಸಮಾಜವಾದಿ ಪಾರ್ಟಿಗೂ ಯಾವುದೇ ವಿಧದ ಮೈತ್ರಿ ಇರುವುದಿಲ್ಲ. ಮಹಾಘಟಬಂಧನ್ ಕಡಿದು ಹೊರಬರಲಾಗಿದೆ ಎಂದು ನಿಷಾದ್ ಪಕ್ಷದ ಮಾಧ್ಯಮ ಉಸ್ತುವಾರಿ ರಿತೇಶ್ ನಿಷಾದ್ ತಿಳಿಸಿದ್ದಾರೆ.
ಮಹಾರಾಜ್ಗಂಜ್ ಕ್ಷೇತ್ರದಲ್ಲಿ ನಿಷಾದ್ ಪಾರ್ಟಿಗೂ ಹಾಗೂ ಎಸ್ಪಿ ನಡುವೆ ವೈಮನಸ್ಸು ಉಂಟಾಗಿದೆ. ಸಿಟು ಹಂಚಿಕೆ ಒಪ್ಪಂದದ ಅನ್ವಯ ಈ ಕ್ಷೇತ್ರ ನಿಶಾದ್ ಪಕ್ಷದ ಪಾಲಿಗಿದ್ದು, ತನ್ನದೇ ಪಕ್ಷದ ಚಿನ್ಹೆಯಡಿ ಸ್ಪರ್ಧಿಸಲು ಇಚ್ಛಿಸಿತ್ತು. ಆದರೆ, ಎಸ್ಪಿ ಇದಕ್ಕೆ ಅಡ್ಡಗಾಲಾಕಿ ತನ್ನ ಪಕ್ಷದ ಚಿನ್ಹೆಯಡಿ ಸ್ಪರ್ಧಿಸುವಂತೆ ಪಟ್ಟು ಹಿಡಿದಿತ್ತು. ಇದನ್ನು ವಿರೋಧಿಸಿ ನಿಷಾದ್ ಪಕ್ಷ ಹೊರಬಂದಿದೆ ಎಂದರು.