ಮಗನಿಂದ ತಲೆಕೂದಲು ಟ್ರಿಮ್​​ ಮಾಡಿಸಿಕೊಂಡ ಕೇಂದ್ರ ಸಚಿವ ಪಾಸ್ವಾನ್

ಲಾಕ್​ಡೌನ್​ ಕಾರಣಕ್ಕೆ ಹೇರ್ ಕಟಿಂಗ್​ ಶಾಪ್‌ಗಳು ಬಂದ್ ಆಗಿವೆ. ಆದ್ರೆ ಬೆಳೆಯುತ್ತಿರುವ ತಲೆಕೂದಲು, ಗಡ್ಡಕ್ಕೆ ಕತ್ತರಿ ಹಾಕದಿರುವುದು ಕೆಲವರಿಗಂತೂ ಸಾಧ್ಯವಿಲ್ಲ. ಜನಸಾಮಾನ್ಯರು, ಚಿತ್ರನಟರು, ರಾಜಕಾರಣಿಗಳು ಈ ಕೆಲಸವನ್ನು ತಮ್ಮ ಕುಟುಂಬ ಸದಸ್ಯರಿಂದಲೇ ಮಾಡಿಸುತ್ತಿದ್ದಾರೆ. ಅನಿರ್ವಾಯತೆ ಮನುಷ್ಯನಿಗೆ ಹೊಸ ಹೊಸ ಪಾಠಗಳನ್ನೇ ಕಲಿಸಿಕೊಡುತ್ತಿದೆ ಅನ್ನೋದಕ್ಕೆ ಇತ್ತೀಚೆಗೆ ಸಾಕಷ್ಟು ನಿದರ್ಶನಗಳು ಸಿಗುತ್ತಾ ಹೋಗುತ್ತಿವೆ.

ನವದೆಹಲಿ: ಕೇಂದ್ರ ಸಚಿವ ರಾಮ್ ವಿಲಾಸ್ ಪಾಸ್ವಾನ್ ತಲೆಕೂದಲನ್ನು ಮಗನೇ ಟ್ರಿಮ್ ಮಾಡಿದ್ದಾರೆ. ದೇಶಾದ್ಯಂತ ಕಟ್ಟಿಂಗ್ ಶಾಪ್‌ಗಳು ತೆರೆದಿಲ್ಲ. ಹೀಗಾಗಿ ಸಾರ್ವಜನಿಕ ಬದುಕಿನಲ್ಲಿರುವವರು ಈ ಬಗ್ಗೆ ಹೆಚ್ಚು ತಲೆಕೆಡಿಸಿಕೊಳ್ಳದೆ ತಮ್ಮ ಕುಟುಂಬ ಸದಸ್ಯರಲ್ಲಿಯೇ ಕೆಲಸಗಳನ್ನು ಮಾಡಿಸಿಕೊಳ್ಳುತ್ತಿದ್ದಾರೆ.

ಆಹಾರ ಮತ್ತು ಸರಬರಾಜು ಕೇಂದ್ರ ಸಚಿವ ಪಾಸ್ವಾನ್​ ಮನೆಯಲ್ಲಿ ಪುತ್ರನಿಂದ ಕಟಿಂಗ್​ ಮಾಡಿಸಿಕೊಂಡಿದ್ದು ಈ ಫೋಟೋವನ್ನು ಅವರು ಟ್ವಿಟರ್ ಖಾತೆಯಲ್ಲಿ ಹಾಕಿಕೊಂಡಿದ್ದಾರೆ.