ತಿರುಪತಿ ತಿಮ್ಮಪ್ಪನಿಗೆ ಇಬ್ಬರು ಎನ್​ಆರ್​ಐ ಭಕ್ತರಿಂದ 14 ಕೋಟಿ ರೂ.ಕಾಣಿಕೆ

ತಿರುಪತಿ ತಿಮ್ಮಪ್ಪನಿಗೆ ಇಬ್ಬರು ಎನ್​ಆರ್​ಐ ಭಕ್ತರು 14 ಕೋಟಿ ರೂ ಕಾಣಿಕೆಯಾಗಿ ನೀಡಿದ್ದಾರೆಂದು ಟಿಡಿಪಿ ಆಡಳಿತ ಮಂಡಳಿ ತಿಳಿಸಿದೆ.

ತಿರುಪತಿ:ಆಂಧ್ರಪ್ರದೇಶದ ತಿರುಪತಿ ತಿಮ್ಮಪ್ಪನಿಗೆ ಅಮೆರಿಕದಲ್ಲಿರುವ ಇಬ್ಬರು ಎನ್​​ಆರ್​ಐ ಭಕ್ತರು ಬರೋಬ್ಬರಿ 14 ಕೋಟಿ ರೂ ಕಾಣಿಕೆಯಾಗಿ ನೀಡಿದ್ದಾರೆಂದು ಅಲ್ಲಿನ ಆಡಳಿತ ಮಂಡಳಿ ತಿಳಿಸಿದೆ.

ಅಮೆರಿಕದಿಂದಲೇ ತಿರುಪತಿ ತಿಮ್ಮಪ್ಪನ ಬ್ಯಾಂಕ್​ ಖಾತೆಗೆ ಹಣ ರವಾನೆ ಮಾಡಲಾಗಿದೆ ಎಂದು ತಿರುಪತಿ ದೇವಸ್ಥಾನದ(ಟಿಟಿಡಿ)ನ ಸಾರ್ವಜನಿಕ ಸಂಪರ್ಕಾಧಿಕಾರಿ ಹೇಳಿದ್ದಾರೆ. ಸುಮಾರು 2 ಸಾವಿರ ವರ್ಷಗಳ ಇತಿಹಾಸ ಹೊಂದಿರುವ ಈ ದೇವಸ್ಥಾನಕ್ಕೆ ಪ್ರತಿ ವರ್ಷ ಕೋಟ್ಯಂತರ ರೂ ಹರಿದು ಬರುತ್ತದೆ.

ಹಿಂದೂ ಧರ್ಮದ ಪವಿತ್ರ ಕ್ಷೇತ್ರಗಳಲ್ಲಿ ಒಂದಾಗಿರುವ ಈ ಸ್ಥಳಕ್ಕೆ ದೇಶ-ವಿದೇಶಗಳಿಂದಲೂ ತಿರುಪತಿ ದರ್ಶನಕ್ಕೆ ಜನರು ಆಗಮಿಸುತ್ತಾರೆ. ಅತಿ ಶ್ರೀಮಂತ ದೇವಾಲಯ ಎಂದು ಗುರುತಿಸಿಕೊಂಡಿರುವ ಈ ದೇಗುಲದ ವಾರ್ಷಿಕ ಆದಾಯ ರೂ.600ಕೋಟಿಗೂ ಹೆಚ್ಚಿದೆ.