ಕ್ಲಿನಿಕ್​ನಿಂದ ಮನೆಗೆ ತೆರಳ್ತಿದ್ದಾಗ ರಸ್ತೆ ಗುಂಡಿಗೆ ಬಿದ್ದ ಸ್ಕೂಟರ್, ಟ್ರಕ್​​ ಹರಿದು ವೈದ್ಯೆ ಸಾವು!

ರಸ್ತೆ ಗುಂಡಿಗೆ 23 ವರ್ಷದ ಯುವ ವೈದ್ಯೆಯೋರ್ವರು ಸಾವನ್ನಪ್ಪಿರುವ ಘಟನೆ ವಾಣಿಜ್ಯ ನಗರಿ ಮುಂಬೈನಲ್ಲಿ ನಡೆದಿದ್ದು, ಘಟನೆ ಖಂಡಿಸಿ ವ್ಯಾಪಕ ಪ್ರತಿಭಟನೆ ನಡೆದಿದೆ.

ಮುಂಬೈ:ಬೆಂಗಳೂರಿನಲ್ಲಿ ನಿರ್ಮಾಣವಾಗಿರುವ ರಸ್ತೆ ಗುಂಡಿಗಳ ಸ್ಥಿತಿ ಸದ್ಯ ಮುಂಬೈನಲ್ಲೂ ನಿರ್ಮಾಣವಾಗಿದ್ದು, ಯುವ ವೈದ್ಯೆ ದಾರುಣವಾಗಿ ಮೃತಪಟ್ಟಿದ್ದಾರೆ.

23 ವರ್ಷದ ವೈದ್ಯೆನೇಹಾ ಶೇಖ್ ಕ್ಲಿನಿಕ್​ ಮುಗಿಸಿಕೊಂಡು ​ಸಹೋದರನೊಂದಿಗೆ ಮನೆಗೆ ತೆರಳುತ್ತಿದ್ದಾಗ ಈ ದುರ್ಘಟನೆ ನಡೆದಿದೆ. ಸ್ಕೂಟರ್​ ಚಲಾವಣೆ ಮಾಡಿಕೊಂಡು ಹೋಗುತ್ತಿದ್ದಾಗ ಚಕ್ರ ಏಕಾಏಕಿಯಾಗಿ ರಸ್ತೆಯಲ್ಲಿದ್ದ ಹೊಂಡವೊಂದಕ್ಕೆ ಇಳಿದಿದೆ. ಈ ವೇಳೆ ನೇಹಾ ಆಯಾತಪ್ಪಿ ಕೆಳಕ್ಕೆ ಬಿದ್ದಿದ್ದಾರೆ. ವೇಗವಾಗಿ ಹಿಂದಿನಿಂದ ಬಂದಿರುವ ಟ್ರಕ್​ ಆಕೆಯ ಮೇಲೆ ಹರಿದ ಕಾರಣ ಅವರು ಸ್ಥಳದಲ್ಲೇ ಸಾವನ್ನಪ್ಪಿದ್ರು.

ಮುಂಬೈನ ಬಿವಾಡಿಯಲ್ಲಿ ಈ ಘಟನೆ ನಡೆದಿದ್ದು, ಮುಂದಿನ ತಿಂಗಳು ಈಕೆಯ ಮದುವೆ ನಡೆಯಬೇಕಾಗಿತ್ತು ಎಂದು ತಿಳಿದು ಬಂದಿದೆ. ಇದೀಗ ಪ್ರಕರಣಕ್ಕೆ ಸಂಬಂಧಿಸಿದಂತೆ ಟ್ರಕ್​ ಮಾಲೀಕ ಹಾಗೂ ಡ್ರೈವರ್​ ವಿರುದ್ಧ ದೂರು ದಾಖಲು ಮಾಡಿಕೊಳ್ಳಲಾಗಿದೆ ಎಂದು ತಿಳಿಸಿದ್ದಾರೆ.

ಘಟನೆ ಖಂಡಿಸಿ ಮುಂಬೈನಲ್ಲಿ ಕೆಲ ವೈದ್ಯಕೀಯ ವಿದ್ಯಾರ್ಥಿಗಳು ಪ್ರತಿಭಟನೆ ನಡೆಸಿದರು.