ನವದೆಹಲಿ: ವಿದೇಶಾಂಗ ಸಚಿವೆ ಸುಷ್ಮಾ ಸ್ವರಾಜ್ , ವಿದೇಶಗಳಲ್ಲಿ ಸಂಕಷ್ಟಕ್ಕೀಡಾದ ಅನೇಕ ಮಂದಿಗೆ ಸಹಾಯ ಮಾಡಿ, ಹೆಸರಾಗಿದ್ದಾರೆ. ಇತ್ತೀಚೆಗೆ ಹೀಗೆ ಸಹಾಯ ಹಸ್ತ ಚಾಚುವ ಸಂದರ್ಭದಲ್ಲಿ ಅವರು ಮಾಡಿರುವ ಟ್ವೀಟ್ ಎಲ್ಲರ ಗಮನ ಸೆಳೆದಿದೆ.
ಮಾನಸಿಕ ಅಸ್ವಸ್ಥನಾಗಿರುವ ತಮ್ಮ ಗೆಳೆಯನನ್ನು ಭಾರತಕ್ಕೆ ಕರೆತರುವ ಸಂಬಂಧ ಮಲೇಷ್ಯಾದಲ್ಲಿರುವ ಭಾರತೀಯ ಸುಷ್ಮಾರಿಗೆ ಟ್ವೀಟ್ ಮಾಡಿದ್ದರು. ಆದರೆ ಆ ಟ್ವೀಟ್ನಲ್ಲಿ ಇಂಗ್ಲಿಷ್ ವ್ಯಾಕರಣ ತಪ್ಪಿತ್ತು. ಮತ್ತೊಬ್ಬ ಟ್ವಿಟ್ಟಿಗ ಈ ದೋಷವನ್ನು ಹೇಳಿ, ಹಿಂದಿ ಅಥವಾ ಪಂಜಾಬಿಯಲ್ಲೇ ಟ್ವೀಟ್ ಮಾಡಿ ಎಂದು ಸಲಹೆ ನೀಡಿದ್ದರು.
ತನ್ನ ಸ್ನೇಹಿತ ಮಲೇಷ್ಯಾದಲ್ಲಿ ಸಿಲುಕಿದ್ದು ಮಾನಸಿಕ ಅಸ್ವಸ್ಥನಾಗಿರುವ ಕಾರಣ ಆತನನ್ನು ವಾಪಸ್ ತವರಿಗೆ ಬರಲು ವಲಸೆ ಅಧಿಕಾರಿಗಳು ಅವಕಾಶ ನೀಡುತ್ತಿಲ್ಲ. ಮಲೇಷ್ಯಾದಲ್ಲಿ ಚಿಕಿತ್ಸೆ ಪಡೆದೇ ಭಾರತಕ್ಕೆ ಹೋಗಬೇಕೆಂದು ಹೇಳುತ್ತಿದ್ದಾರೆ. ದಯವಿಟ್ಟು ಈ ಸಮಸ್ಯೆ ಬಗೆಹರಿಸಿ ಎಂದು ಆತ ಟ್ವಿಟರ್ನಲ್ಲಿ ಕೋರಿಕೊಂಡಿದ್ದ.