ಚಿತಾಭಸ್ಮ ಬಿಡಲು ಹೋದ ಒಂದೇ ಕುಟುಂಬದ 7ಮಂದಿ ನೀರು ಪಾಲು

ಉತ್ತರ ಪ್ರದೇಶದ ಶಮಿಲಿಯಲ್ಲಿ ಕಳೆದ ಭಾನುವಾರ ಒಂದೇ ಕುಟುಂಬದ 7 ಮಂದಿ ಯುವಕರು ಯಮುನಾ ನದಿಯಲ್ಲಿ ಮುಳುಗಿ ಮೃತಪಟ್ಟಿದ್ದಾರೆ

ಲಖನೌ(ಉತ್ತರ ಪ್ರದೇಶ):ಒಂದೇ ಕುಟುಂಬದ 7ಮಂದಿ ಯುವಕರು ನೀರುಪಾಲಾಗಿರುವ ಘಟನೆ, ಉತ್ತರ ಪ್ರದೇಶದ ಶಮಿಲಿ ಜಿಲ್ಲೆಯಲ್ಲಿ ನಡೆದಿದೆ.

ಈ 7 ಯುವಕರು ತಮ್ಮ ಧಾರ್ಮಿಕ ನಂಬಿಕೆಯಂತೆ ಚಿತಾಭಸ್ಮವನ್ನು ನೀರಿನಲ್ಲಿ ಬಿಡಲು ಬಂದು ನದಿಯಲ್ಲಿ ಸಿಲಿಕಿ ಪ್ರಾಣ ಕಳೆದುಕೊಂಡಿದ್ದಾರೆ ಎಂದು ಮೂಲಗಳು ತಿಳಿಸಿವೆ.

ಇನ್ನು ಮುಳುಗಿರುವ 7ಜನರ ಪೈಕಿ ಮೂವರ ಶವ ದೊರೆತಿದ್ದು, ಉಳಿದ ನಾಲ್ವರಿಗಾಗಿ ಹುಡುಕಾಟ ಮುಂದುವರೆದಿದೆ ಎಂದು, ಅಸಿಸ್ಟಂಟ್​​ ಎಸ್​​ಪಿ ರಾಜೇಶ್​ ಶ್ರೀವಾಸ್ತವ ತಿಳಿಸಿದ್ದಾರೆ.