ಗಂಗಾ ನದಿಯಲ್ಲಿ ಪ್ರಣಬ್ ಮುಖರ್ಜಿ ಚಿತಾ ಭಸ್ಮ ವಿಸರ್ಜನೆ

ಮಾಜಿ ರಾಷ್ಟ್ರಪತಿ ಪ್ರಣಬ್ ಮುಖರ್ಜಿ ಅವರ ಚಿತಾ ಭಸ್ಮವನ್ನು ಮಂಗಳವಾರ ಸಂಜೆ ಇಲ್ಲಿನ ಹರ್ ಕಿ ಪೌರಿಯಲ್ಲಿರುವ ಗಂಗಾ ನದಿಯಲ್ಲಿ ಪ್ರಣಬ್​ ಪುತ್ರ ಅಭಿಜಿತ್ ಮುಖರ್ಜಿ ವಿಸರ್ಜನೆ ಮಾಡಿದ್ದಾರೆ.

ಹರಿದ್ವಾರ:ಮಾಜಿ ರಾಷ್ಟ್ರಪತಿ ಪ್ರಣಬ್ ಮುಖರ್ಜಿ ಅವರ ಚಿತಾ ಭಸ್ಮವನ್ನು ಮಂಗಳವಾರ ಸಂಜೆ ಇಲ್ಲಿನ ಹರ್ ಕಿ ಪೌರಿಯಲ್ಲಿರುವ ಗಂಗಾ ನದಿಯಲ್ಲಿ ಅವರ ಪುತ್ರ ಅಭಿಜಿತ್ ಮುಖರ್ಜಿ ವಿಸರ್ಜಿಸಿದ್ದಾರೆ.

ಚಿತಾ ಭಸ್ಮ ವಿಸರ್ಜಿಸುವ ಮೊದಲು ಗಂಗಾ ಸಭಾ ಮುಖ್ಯಸ್ಥ ಪ್ರದೀಪ್ ಝಾ, ಪ್ರಧಾನ ಕಾರ್ಯದರ್ಶಿ ತನ್ಮಯ್ ವಸಿಷ್ಠ ಮತ್ತು ಸಭಾಪತಿ ಕೃಷ್ಣ ಕುಮಾರ್ ಶರ್ಮಾ ಅವರ ಸಮ್ಮುಖದಲ್ಲಿ ಮಾಜಿ ರಾಷ್ಟ್ರಪತಿಯವರ ಭಾವಚಿತ್ರದ ಮುಂದೆ ಪೂಜೆ ನೆರವೇರಿಸಲಾಯಿತು.

ಹರ್ ಕಿ ಪೌರಿಯ ಗಂಗಾ ನದಿಯಲ್ಲಿ ಪ್ರಣಬ್ ಮುಖರ್ಜಿ ಚಿತಾ ಭಸ್ಮ ವಿಸರ್ಜನೆ

ಈ ವೇಳೆ ಕಾಂಗ್ರೆಸ್ ಮುಖಂಡರಾದ ಸತ್ಪಾಲ್ ಬ್ರಹ್ಮಚಾರಿ, ಸಂಜಯ್ ಅಗ್ರವಾಲ್, ಸಂಜಯ್ ಪಲಿವಾಲ್ ಉಪಸ್ಥಿತರಿದ್ದರು.

ಭಾರತದ ಮಾಜಿ ರಾಷ್ಟ್ರಪತಿ ಪ್ರಣಬ್ ಮುಖರ್ಜಿ ಸೋಮವಾರ ಸಂಜೆ ನಿಧನರಾದರು. ದೀರ್ಘ ಕಾಲದ ಕಾಂಗ್ರೆಸ್ ನಾಯಕರಾಗಿದ್ದ ಇವರು ಏಳು ಬಾರಿ ಸಂಸದರಾಗಿ ಕಾರ್ಯನಿರ್ವಹಿಸಿದ್ದಾರೆ. ಶ್ವಾಸಕೋಶದ ಸೋಂಕಿಗೆ ಚಿಕಿತ್ಸೆ ಪಡೆಯುತ್ತಿದ್ದ ಅವರ ಕೊರೊನಾ ವರದಿ ಕೂಡ ಪಾಸಿಟಿವ್​ ಬಂದಿತ್ತು.