ಹೈದರಾಬಾದ್:ಚಂದ್ರನು ಸೂರ್ಯನ ಮೇಲೆ ಹಾದುಹೋಗುವ ರೋಚಕ ದೃಶ್ಯವನ್ನು ನಾಸಾ ಟ್ವಿಟರ್‌ ಮೂಲಕ ಬಿಡುಗಡೆ ಮಾಡಿದೆ. ಇದನ್ನು ಅಕ್ಟೋಬರ್ 16 ರಂದು ನಾಸಾದ ಉಪಗ್ರಹ ಮತ್ತು ಬಾಹ್ಯಾಕಾಶ ನೌಕೆ ಸೆರೆಹಿಡಿದಿದೆ.
ಬಾನಂಗಳದಿ ಸೂರ್ಯನೆದುರು ಚಂದ್ರನ ಪ್ರಯಾಣ: ರೋಚಕ ದೃಶ್ಯ ಸೆರೆ ಹಿಡಿದ ನಾಸಾ - ಬಾನಂಗಳದಲ್ಲಿ ಸೂರ್ಯ ಚಂದ್ರರ ರೋಚಕ ದೃಶ್ಯ ಸೆರೆ ಹಿಡಿದ ನಾಸಾ
ಬಾನಂಗಳದಲ್ಲಿ ನಡೆದ ರೋಚಕ ವಿದ್ಯಮಾನವೊಂದನ್ನು ನಾಸಾ ಸೆರೆಹಿಡಿದಿದೆ. ಚಂದ್ರನು ಸೂರ್ಯನ ಮೇಲ್ಮೈ ಬಳಿ ಹಾದು ಹೋಗುವ ಕುತೂಹಲಕಾರಿ ದೃಶ್ಯ ಇಲ್ಲಿದೆ ನೋಡಿ.
ಬಾನಂಗಳದಲ್ಲಿ ಸೂರ್ಯ-ಚಂದ್ರರ ರೋಚಕ ದೃಶ್ಯ ಸೆರೆ ಹಿಡಿದ ನಾಸಾ
ಬಂಗಾರದ ಉಂಡೆಯಂತೆ ಹೊಳೆಯುತ್ತಿರುವ ಸೂರ್ಯನ ಎದುರು ಚಂದ್ರ ಹಾದು ಹೋಗುವ ದೃಶ್ಯ ಎಲ್ಲರ ಗಮನ ಸೆಳೆದಿದೆ. ಈ ಘಟನೆಯು ಮಧ್ಯಾಹ್ನ 3:05 ರಿಂದ ಮಧ್ಯಾಹ್ನ 3:53 ರ ನಡುವೆ ಸುಮಾರು 50 ನಿಮಿಷಗಳ ಕಾಲ ನಡೆದಿದೆ ಎಂದು ಬಾಹ್ಯಾಕಾಶ ವಿಜ್ಞಾನಿಗಳು ತಿಳಿಸಿದ್ದಾರೆ. ಒಂದು ಹಂತದಲ್ಲಿ ಚಂದ್ರನು ಸೂರ್ಯನನ್ನು ಸುಮಾರು ಶೇ 44 ನಷ್ಟು ಆವರಿಸಿ ಬಳಿಕ ಸರಿದು ಹೋಗಿದ್ದಾನೆ ಎಂದು ನಾಸಾ ಹೇಳಿದೆ. ಈ ವಿಸ್ಮಯಕಾರಿ ದೃಶ್ಯವನ್ನು ಅಕ್ಟೋಬರ್ 16 ರಂದು ಸೌರ ಡೈನಾಮಿಕ್ಸ್ ಅಬ್ಸರ್ವೇಟರಿ (ಎಸ್‌ಡಿಒ) ಸೂರ್ಯನನ್ನು ವೀಕ್ಷಿಸುತ್ತಿದ್ದಾಗ ಸೆರೆಹಿಡಿದಿದೆ.
ಎಸ್‌ಡಿಒ ಎಂಬ ಬಾಹ್ಯಾಕಾಶ ನೌಕೆ ಈ ಚಿತ್ರಗಳನ್ನು ತೀವ್ರ ನೇರಳಾತೀತ ಬೆಳಕಿನ ತರಂಗಾಂತರದಲ್ಲಿ ಸೆರೆಹಿಡಿದಿದೆ. ಈ ರೀತಿಯ ಬೆಳಕು ಮಾನವನ ಕಣ್ಣುಗಳಿಗೆ ಅಗೋಚರವಾಗಿರುತ್ತದೆ ಮತ್ತು ಇಲ್ಲಿ ಸೂರ್ಯ ಬಂಗಾರದ ಬಣ್ಣದಲ್ಲಿದ್ದಾನೆ ಎಂದು ನಾಸಾ ತಿಳಿಸಿದೆ.