ಮಕ್ಕಳೊಂದಿಗೆ ವಿವಾಹಿತೆ ನಾಪತ್ತೆ... ಪತ್ನಿ ಹುಡುಕಿಕೊಡುವಂತೆ ಗಂಡನ ದೂರು!

ವಿವಾಹಿತೆಯೊಬ್ಬರು ತನ್ನ ಇಬ್ಬರ ಮಕ್ಕಳೊಂದಿಗೆ ನಾಪತ್ತೆಯಾಗಿರುವ ಘಟನೆ ತೆಲಂಗಾಣದ ಹೈದರಾಬಾದ್​ನಲ್ಲಿ ನಡೆದಿದೆ.

ಹೈದರಾಬಾದ್​:ಮಹಿಳೆಯೊಬ್ಬಳು ತನ್ನ ಇಬ್ಬರು ಮಕ್ಕಳೊಂದಿಗೆ ನಾಪತ್ತೆಯಾಗಿರುವ ಘಟನೆ ನಗರದಲ್ಲಿ ಸಂಚಲನ ಮೂಡಿಸಿದೆ.

ಇಲ್ಲಿನ ರಾಜೀವ್​ ಗಾಂಧಿ ನಗರದ ನಿವಾಸಿ ಪ್ರೇಮಯ್ಯ ಮತ್ತು ಮಾನಸ ದಂಪತಿಗೆ ತೇಜಾ ಮತ್ತು ಯಶ್ವಿಕಾ ಎಂಬ ಇಬ್ಬರು ಮುದ್ದಾದ ಮಕ್ಕಳಿದ್ದಾರೆ. ಪ್ರೇಮಯ್ಯ ಕಾರ್​ ಡ್ರೈವರ್​ ಆಗಿದ್ದು, ಖಾಸಗಿ ಕಂಪನಿಯೊಂದರಲ್ಲಿ ಮಾನಸ ಕೆಲಸ ಮಾಡಿ ದಂಪತಿ ಜೀವನ ಸಾಗಿಸುತ್ತಿದ್ದರು.

ಅಕ್ಟೋಬರ್​ 28 ರಂದು ಪ್ರೇಮಯ್ಯ ಕೆಲಸಕ್ಕೆ ತೆರಳಿದ್ದಾಗ ಮಾನಸ ಕರೆ ಮಾಡಿ ‘ನಾನು ನನ್ನ ತವರು ಮನೆಗೆ ತೆರಳುತ್ತಿದ್ದೇನೆ’ ಎಂದು ಹೇಳಿದ್ದಾರೆ. ಆದ್ರೆ ಮಾನಸ ತನ್ನ ತವರು ಮನೆಗೆ ತೆರಳಿಲ್ಲ ಎಂಬುದು ಗೊತ್ತಾಗಿದೆ. ಬಳಿಕ ಮಾನಸ ಫೋನ್​ ಸ್ವಿಚ್ಡ್​​ ಆಫ್​ ಆಗಿದೆ. ಇದರಿಂದ ಗಾಬರಿಗೊಂಡ ಪ್ರೇಮಯ್ಯ ಪೊಲೀಸ್​ ಠಾಣೆಗೆ ತೆರಳಿ ನಾಪತ್ತೆ ಪ್ರಕರಣ ದಾಖಲಿಸಿದ್ದಾರೆ.

ಈ ಘಟನೆ ಕುರಿತು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.