ಫೆಬ್ರವರಿ- ಮೇ ಮಾಸಿಕದಲ್ಲಿ ರಿಮೋಟ್​ ವರ್ಕಿಂಗ್​ ಉದ್ಯೋಗ ಶೋಧ ಏರಿಕೆ: ವರದಿ

'ರಿಮೋಟ್', 'ಮನೆಯಿಂದ ಕೆಲಸ' ಮತ್ತು ಸಂಬಂಧಿತ ಪದಗಳ ಹುಡುಕಾಟದಲ್ಲಿ ದೇಶಾದ್ಯಂತ ಉದ್ಯೋಗಾಕಾಂಕ್ಷಿಗಳು ದೂರದಿಂದ ಕೆಲಸ ಮಾಡಲು ಹೆಚ್ಚಿನ ಆಸಕ್ತಿ ತೋರಿಸುತ್ತಿದ್ದಾರೆ ಎಂದು ಉದ್ಯೋಗ ಸೈಟ್ ಒಂದರ ವರದಿಯಿಂದ ತಿಳಿದುಬಂದಿದೆ. ಫೆಬ್ರವರಿ-ಮಾರ್ಚ್‌ನಿಂದ ಇಂಡೀಡ್ ಇಂಡಿಯಾದಲ್ಲಿನ ಎಲ್ಲಾ ಹುಡುಕಾಟಗಳ ಪರಿಣಾಮ ರಿಮೋಟ್​ ವರ್ಕಿಂಗ್​ ಹುಡುಕಾಟ ಶೇ 261ಕ್ಕಿಂತ ಹೆಚ್ಚಾಗಿದೆ.

ಮುಂಬೈ: ಕೊರೊನಾ ವೈರಸ್ ಬಿಕ್ಕಟ್ಟಿನ ಮಧ್ಯೆ ಫೆಬ್ರವರಿಯಿಂದ ಮೇ ವರೆಗೆ ಭಾರತದಲ್ಲಿ ಉದ್ಯೋಗದ ಹುಡುಕಾಟವು ಶೇಕಡಾ 377 ರಷ್ಟು ಹೆಚ್ಚಾಗಿದೆ ಎಂದು ವರದಿ ತಿಳಿಸಿದೆ.

'ರಿಮೋಟ್', 'ಮನೆಯಿಂದ ಕೆಲಸ' ಮತ್ತು ಸಂಬಂಧಿತ ಪದಗಳ ಹುಡುಕಾಟದಲ್ಲಿ ದೇಶಾದ್ಯಂತ ಉದ್ಯೋಗಾಕಾಂಕ್ಷಿಗಳು ದೂರದಿಂದ ಕೆಲಸ ಮಾಡಲು ಹೆಚ್ಚಿನ ಆಸಕ್ತಿ ತೋರಿಸುತ್ತಿದ್ದಾರೆ ಎಂದು ಉದ್ಯೋಗ ಸೈಟ್ ಒಂದರ ವರದಿಯಿಂದ ತಿಳಿದುಬಂದಿದೆ. ಅಲ್ಲದೇ ಜಾಬ್ ಪೋಸ್ಟಿಂಗ್‌ಗಳು ಸಹ ಶೇ 168ರಷ್ಟು ಹೆಚ್ಚಳ ಕಂಡಿದೆ.

ಕೊರೊನಾ ಪರಿಣಾಮವಾಗಿ ರಿಮೋಟ್​​ ವರ್ಕ್​ಗೆ ಭಾರಿ ಬೇಡಿಕೆ ಉಂಟಾಗಿದೆ. ಇದು ಮುಂದುವರಿಯುವ ನಿರೀಕ್ಷೆಯಿದೆ. ಕೊರೊನಾ 'ವೈಯಕ್ತಿಕವಾಗಿ' ಕನಸುಗಳನ್ನು ಬ್ಯಾಕ್-ಬರ್ನರ್ ಮೇಲೆ ಇಟ್ಟಿರಬಹುದು. ಈ ಮಧ್ಯೆ ಅವುಗಳನ್ನು ಸಾಕಾರಗೊಳಿಸಲು ನಮ್ಮನ್ನು ಸಿದ್ಧಪಡಿಸಿಕೊಳ್ಳಲು ಇದು ಒಂದು ಅವಕಾಶವನ್ನು ನೀಡುತ್ತದೆ ಎಂದು ಇಂಡೀಡ್​ ಇಂಡಿಯಾದ ವ್ಯವಸ್ಥಾಪಕ ನಿರ್ದೇಶಕ ಶಶಿ ಕುಮಾರ್ ಹೇಳಿದ್ದಾರೆ.

ಹಿಂದಿನ ಕೆಲವು ಅಧ್ಯಯನಗಳಲ್ಲಿ ಶೇ 83ರಷ್ಟು ಉದ್ಯೋಗಾಕಾಂಕ್ಷಿಗಳು ಉದ್ಯೋಗವನ್ನು ಹುಡುಕುವಾಗ ರೊಮೋಟ್​ ವರ್ಕ್​ ನೀತಿಯನ್ನು ಪ್ರಮುಖ ಅಂಶವೆಂದು ಪರಿಗಣಿಸುತ್ತಾರೆ. ಅಷ್ಟೇ ಅಲ್ಲ, ಶೇ 53ರಷ್ಟು ಉದ್ಯೋಗಿಗಳು ರಿಮೋಟ್ ವರ್ಕಿಂಗ್ ಆಯ್ಕೆಗಳಿಗೆ ಪ್ರವೇಶ ಪಡೆಯಲು ವೇತನ ಕಡಿತವನ್ನು ಪರಿಗಣಿಸುತ್ತಾರೆ.

ಶೇ 56ರಷ್ಟು ಉದ್ಯೋಗಿಗಳು ಮತ್ತು ಶೇ 83ರಷ್ಟು ಉದ್ಯೋಗದಾತರು ಕೆಲಸ ಮಾಡುವಲ್ಲಿ ನಮ್ಯತೆಯನ್ನು ನೀಡುವುದು ಉತ್ಪಾದಕತೆಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ ಎಂದು ಅದು ಹೇಳಿದೆ.

ಇದಲ್ಲದೆ, ಫೆಬ್ರವರಿ-ಮಾರ್ಚ್‌ನಿಂದ ಇಂಡೀಡ್ ಇಂಡಿಯಾದಲ್ಲಿನ ಎಲ್ಲಾ ಹುಡುಕಾಟಗಳ ಫಲವಾಗಿ ರಿಮೋಟ್​ ವರ್ಕಿಂಗ್​ ಹುಡುಕಾಟಗಳು ಶೇ 261 ಕ್ಕಿಂತ ಹೆಚ್ಚಾಗಿದೆ. ರಿಮೋಟ್ ಕೆಲಸದ ಅವಕಾಶಗಳಿಗಾಗಿ ಲಭ್ಯವಿರುವ ಉದ್ಯೋಗ ಪೋಸ್ಟಿಂಗ್​ಗಳ ಸಂಖ್ಯೆಯು ಅದೇ ಅವಧಿಯಲ್ಲಿ ಬದಲಾಗದೆ ಉಳಿದಿದೆ ಎಂದು ಅದು ಹೇಳಿದೆ.