ನಾನು ಮೋದಿ ಅವರನ್ನೂ ಪ್ರೀತಿಸ್ತೇನೆ : ಕಾಂಗ್ರೆಸ್​ ಅಧ್ಯಕ್ಷರ ಪ್ರೇಮ 'ರಾಗಾ'

ನರೇಂದ್ರ ಮೋದಿ ಅವರನ್ನೂ ಪ್ರೀತಿಸುತ್ತೇನೆ ಎಂದು ರಾಹುಲ್ ಹೇಳಿದ್ದಾರೆ

ನವದೆಹಲಿ: ದ್ವೇಷವೆಂಬುದು ಹೇಡಿತನ ಎಂದಿರುವ ಕಾಂಗ್ರೆಸ್​ ಅಧ್ಯಕ್ಷ ರಾಹುಲ್ ಗಾಂಧಿ, ನನ್ನನ್ನು ದ್ವೇಷಿಸುವವರನ್ನೂ ಪ್ರೀತಿಸುತ್ತೇನೆ ಎಂದು ಹೇಳಿದ್ದಾರೆ.

ಟ್ವಿಟ್ಟರ್​ನಲ್ಲಿ ಈ ಬಗ್ಗೆ ಬರೆದುಕೊಂಡಿರುವ ರಾಹುಲ್​, ದ್ವೇಷವೆಂಬುದು ಹೇಡಿತನ. ಇಡೀ ವಿಶ್ವವೇ ನನ್ನನ್ನು ದ್ವೇಷಿಸಿದರೂ ನಾನು ಲೆಕ್ಕಿಸುವುದಿಲ್ಲ. ಏಕೆಂದರೆ ನಾನು ಹೇಡಿ ಅಲ್ಲ. ನಾನು ಎಲ್ಲರನ್ನೂ ಪ್ರೀತಿಸುತ್ತೇನೆ. ಯಾರು ನನ್ನನ್ನು ದ್ವೇಷಿಸುತ್ತಾರೋ ಅಂತಹವರನ್ನೂ ಪ್ರೀತಿಸುತ್ತೇನೆ ಎಂದಿದ್ದಾರೆ.

ಈ ಮೊದಲು ಕಾರ್ಯಕ್ರಮವೊಂದರಲ್ಲಿ ನಾನು ನರೇಂದ್ರ ಮೋದಿ ಅವರನ್ನೂ ಪ್ರೀತಿಸುತ್ತೇನೆ ಎಂದು ರಾಹುಲ್ ಹೇಳಿದ್ದರು. ಪುಣೆಯ ವಿದ್ಯಾರ್ಥಿಗಳೊಂದಿಗೆ ಸಂವಾದದಲ್ಲಿ, ನಿಜಕ್ಕೂ ನನಗೆ ಮೋದಿ ಅವರ ಮೇಲೆ ಕೋಪವಿಲ್ಲ. ಅವರನ್ನೂ ನಾನು ಪ್ರೀತಿಸುತ್ತೇನೆ. ಆದರೆ ಅವರೇ ನನ್ನ ಮೇಲೆ ಸಿಟ್ಟು ತೋರುತ್ತಾರೆ ಎಂದಿದ್ದರು.

ಈ ವೇಳೆ ಕೆಲ ವಿದ್ಯಾರ್ಥಿಗಳು ಮೋದಿ ಪರ ಘೋಷಣೆಯನ್ನೂ ಕೂಗಿದ್ದರು.