ಹೈದರಾಬಾದ್:ಸೈಬರ್ ಅಪರಾಧ ಪ್ರಕರಣ ದಿನೆ ದಿನೇ ಏರುತ್ತಲೇ ಇದೆ. ಲಾಕ್ಡೌನ್ ಸಂದರ್ಭದಲ್ಲಂತೂ ಅದು ಮತ್ತಷ್ಟು ವೇಗ ಪಡೆದಿವೆ.
ಲಾಕ್ಡೌನ್ನಿಂದಾಗಿ ಎಲ್ಲ ಸೇವೆಯನ್ನೂ ಬಂದ್ ಮಾಡಲಾಗಿದೆ. ಇದನ್ನೇ ಬಂಡವಾಳ ಮಾಡಿಕೊಳ್ಳುತ್ತಿರುವ ಆನ್ಲೈನ್ ವಂಚಕರು, ಯುವತಿ ಹೆಸರಲ್ಲಿ ಚಾಟಿಂಗ್ ಮಾಡುವ ಮೂಲಕ ನಂಬಿಸಿ ಬ್ಯಾಂಕ್ ಖಾತೆಯಿಂದ ಲಕ್ಷ, ಲಕ್ಷ ರೂ. ಎಗರಿಸುತ್ತಾರೆ.
ಈಗ ಮತ್ತೊಂದು ರೀತಿ ವಂಚಿಸುತ್ತಿರುವುದು ಬೆಳಕಿಗೆ ಬಂದಿದೆ. ನಿಮಗೆ ಹುಡುಗಿ ಬೇಕಾದರೆ ದಯವಿಟ್ಟು ಈ ಸಂಖ್ಯೆಗೆ ವಾಟ್ಸ್ಆ್ಯಪ್ಗೆ ಸಂದೇಶ ಕಳುಹಿಸಿ. ಗಂಟೆಯಲ್ಲಿ ಹುಡುಗಿ ನಿಮ್ಮ ಮನೆಯಲ್ಲಿರುತ್ತಾಳೆ ಎಂಬ ಸಂದೇಶಗಳು ಹೈದರಾಬಾದ್ನಲ್ಲಿ ಹರಿದಾಡುತ್ತಿವೆ.
ಅಂತಹ ಸಂದೇಶಕ್ಕೆ ಪ್ರತಿಕ್ರಿಯಿಸಿದ ಹೈದರಾಬಾದ್‌ನ ಬೋಲರಾಮ್ ಪ್ರದೇಶದ ವ್ಯಕ್ತಿಯೊಬ್ಬ ಬಾಲಕಿ ಎಂದುಕೊಂಡು ಚಾಟ್ ಮಾಡುತ್ತಿದ್ದ. ವಂಚಕರು ಕಳುಹಿಸಿದ ಬ್ಯಾಂಕ್ ಖಾತೆಗೆ ಈತ 91,000 ಜಮೆ ಮಾಡಿದ್ದಾನೆ. ಹಣ ಖಾತೆಗೆ ಬಿದ್ದ ಮರುಕ್ಷಣದಲ್ಲಿ ಮೊಬೈಲ್ ನಂಬರ್ಸ್ ಬ್ಲಾಕ್ ಮಾಡಿದ್ದಾರೆ. ಮೋಸ ಹೋದ ಯುವಕ ಸೈಬರ್ ಕ್ರೈಂ ಪೊಲೀಸರಲ್ಲಿ ದೂರು ದಾಖಲಿಸಿದ್ದಾನೆ.
