ಜನರ ಸಂಕಷ್ಟ ಕೇಳದೆ, ಟೀ ಶರ್ಟ್​ ಮಾರಾಟದಲ್ಲಿ ಬ್ಯುಸಿಯಾದ ಬಿಜೆಪಿ: ಪ್ರಿಯಾಂಕಾ ಕಿಡಿ

'ನಮೋ ಅಗೈನ್​' ಹಾಗೂ ' ಚೌಕೀದಾರ್​' ಟೀಶರ್ಟ್​ ಮಾರಾಟದಲ್ಲಿ ಬಿಜೆಪಿ ಬ್ಯುಸಿಯಾಗಿದೆ ಎಂದು ಪ್ರಿಯಾಂಕಾ ಗಾಂಧಿ ಟೀಕಿಸಿದ್ದಾರೆ

ನವದೆಹಲಿ:ಜನರ ಸಂಕಷ್ಟಗಳ ಬಗ್ಗೆ ಗಮನ ಹರಿಸುವುದನ್ನು ಬಿಟ್ಟು ಬಿಜೆಪಿ ನಾಯಕರು 'ನಮೋ ಅಗೈನ್​' ಹಾಗೂ ' ಚೌಕೀದಾರ್​' ಟೀಶರ್ಟ್​ ಮಾರಾಟ ಮಾಡುವುದಲ್ಲಿ ಬ್ಯುಸಿಯಾಗಿದೆ ಎಂದು ಪ್ರಿಯಾಂಕಾ ಗಾಂಧಿ ಕಿಡಿ ಕಾರಿದ್ದಾರೆ.

ಪೂರ್ವ ಉತ್ತರಪ್ರದೇಶ ಕಾಂಗ್ರೆಸ್​ ಪ್ರಧಾನ ಕಾರ್ಯದರ್ಶಿ ಪ್ರಿಯಾಂಕಾ ಟ್ವಿಟ್ಟರ್​ನಲ್ಲಿ ಬಿಜೆಪಿ ನಾಯಕರ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ.

ಉತ್ತರ ಪ್ರದೇಶದ 'ಶಿಕ್ಷ ಮಿತ್ರ' ಗುಂಪು ನಿತ್ಯ ಅಪಮಾನ ಎದುರಿಸುತ್ತಿದೆ. ನೋವುಂಡ ನೂರಾರು ಮಂದಿ ಆತ್ಮಹತ್ಯೆಗೆ ಶರಣಾಗುತ್ತಿದ್ದಾರೆ. ನ್ಯಾಯಕ್ಕಾಗಿ ರಸ್ತೆಗಿಳಿದು ಪ್ರತಿಭಟಿಸಿದ ಮಂದಿ ಪೊಲೀಸರ ಲಾಠಿಯಿಂದ ಹೊಡೆಸಿಕೊಳ್ಳುತ್ತಿದ್ದಾರೆ. ಅವರಿಗೆ ರಾಷ್ಟ್ರೀಯ ಭದ್ರತೆ ಎಂಬುದೇ ಇಲ್ಲವಾಗಿದೆ.

ಹೀಗಿರುವಾಗ ಬಿಜೆಪಿಗರು ನವೋ ಟೀಶರ್ಟ್​ ಮಾರಾಟ ಮಾಡುವುದರಲ್ಲಿ ಬ್ಯುಸಿಯಗಿದ್ದಾರೆ ಎಂದು ಕುಟುಕಿದ್ದಾರೆ.

.