ಟೋಲ್​​ ಕಟ್ಟಲು ನಿರಾಕರಣೆ... ಕಾರ್​ ಚಾಲಕ ಮಾಡಿದ್ದೇನು! ವಿಡಿಯೋ

ಟೋಲ್​​ ಕಟ್ಟಲು ನಿರಾಕರಿಸಿದ ಯುವಕರು ಸಿಬ್ಬಂದಿ ಮಾತನ್ನೂ ಗಣನೆಗೆ ತೆಗೆದುಕೊಳ್ಳದೆ ಕಾರು ಚಲಾಯಿಸಿದ ಘಟನೆ ಹರಿಯಾಣದ ಗುರುಗ್ರಾಮದಲ್ಲಿ ನಡೆದಿದೆ.

ಗುರುಗ್ರಾಮ( ಹರಿಯಾಣ): ಗುರುಗ್ರಾಮದ ಖೆರ್ಕಿ ಟೋಲ್​ ಪ್ಲಾಜಾದಲ್ಲಿ ಮತ್ತೊಂದು ಭಯಾನಕ ಘಟನೆ ನಡೆದಿದೆ. ಇಲ್ಲಿನ ಟೋಲ್​ನಲ್ಲಿ ಕಾರೊಂದು ಬಂದಿದೆ. ಅದರಲ್ಲಿದ್ದ ಇಬ್ಬರು ಯುವಕರು ಟೋಲ್​ ಕಟ್ಟಲು ನಿರಾಕರಿಸಿದ್ದಾರೆ.

ಪರಿಣಾಮ ಟೋಲ್​ ಸಿಬ್ಬಂದಿ ಅವರಿಂದ ಟೋಲ್​ ವಸೂಲಿಗೆ ನಿಂತಿದೆ. ಆದರೆ, ಅದರಲ್ಲಿದ್ದ ಯುವಕರು ಬಲವಂತವಾಗಿ ಕಾರು ಚಲಾಯಿಸಿದ್ದಾರೆ. ಸುಮಾರು 100 ಮೀಟರ್​ವರೆಗೂ ಟೋಲ್​ ಸಿಬ್ಬಂದಿಯನ್ನ ಬಾನಟ್​ ಮೇಲೇರಿದರು ಕಾರು ಚಲಾಯಿಸಿದ್ದಾರೆ. ಅಂತಿಮವಾಗಿ ಬಳಿಕ ಕಾರ್ ಸ್ಲೋ ಮಾಡಿ ಸಿಬ್ಬಂದಿಯನ್ನ ಬಾನೆಟ್​ನಿಂದ ಇಳಿಯುವಂತೆ ಮಾಡಿದ್ದಾರೆ. ಆದರೆ, ಚಾಲಕ ಮಾತ್ರ ಎಸ್ಕೇಪ್​ ಆಗುವಲ್ಲಿ ಯಶಸ್ವಿಯಾಗಿದ್ದಾನೆ.

ಈ ಸಂಬಂಧ ಪ್ರಕರಣ ದಾಖಲಾಗಿದ್ದು, ಕಾರಿನಲ್ಲಿದ್ದ ಇಬ್ಬರು ಯುವಕರನ್ನ ಪೊಲೀಸರು ಬಂಧಿಸಿದ್ದು, ವಿಚಾರಣೆ ನಡೆಸುತ್ತಿದ್ದಾರೆ. ಕಾರಿನಲ್ಲಿದ್ದ ಯುವಕರು ಮಾಡಿದ ಈ ಯಡವಟ್ಟು ಸಿಸಿಟಿವಿಯಲ್ಲಿ ದಾಖಲಾಗಿದ್ದು, ಈ ವಿಡಿಯೋ ವೈರಲ್​ ಆಗಿದೆ.