ಮೃತ ಮಗನೊಂದಿಗೆ ಮೂರು ದಿನ ಕಳೆದ ಮಹಾತಾಯಿ.. ಮನ ಕಲುಕಿದ ಘಟನೆ!

ಆ ತಾಯಿಗೆ ಮಗನೇ ಆಸರೆ. ವಿಧಿಯಾಟ ತಾಯಿಯ ಪಕ್ಕದಲ್ಲೇ ಆತ ಸಾವನ್ನಪ್ಪಿದ. ಆದ್ರೂ ಆ ತಾಯಿ ಆತನ ಅಂತ್ಯಕ್ರಿಯೆ ಮಾಡದೇ ಮಗನ ಮೃತ ದೇಹದ ಪಕ್ಕದಲ್ಲೇ ಮೂರು ದಿನ ಕಳೆದಿದ್ದಾಳೆ.

ಕೋಲ್ಕತಾ :ತಾಯಿಯ ಕಣ್ಣೆದುರೆ ಮಗ ಪ್ರಾಣಬಿಟ್ಟಿದ್ದು, ಅಂತ್ಯಕ್ರಿಯೆ ಮಾಡದೇ ಮಗನೊಂದಿಗೆ ಮೂರು ದಿನ ಕಳೆದಿರುವ ಮನ ಮಿಡಿಯುವ ಘಟನೆ ಪಶ್ಚಿಮ ಬಂಗಾಳದ ಕೋಲ್ಕತಾದಲ್ಲಿ ನಡೆದಿದೆ.

ಇಲ್ಲಿನ ರಾಮಗಢ್‌ ನಿವಾಸಿ ಸೋಮನಾಥ್​ (39) ಮೂರು ದಿನಗಳ ಹಿಂದೆ ತನ್ನ ಹೆತ್ತ ತಾಯಿಯ ಕಣ್ಣೆದುರೆ ಪ್ರಾಣ ಬಿಟ್ಟಿದ್ದಾರೆ. ಅನಾರೋಗ್ಯದಿಂದ ಬಳಲುತ್ತಿದ್ದ ಆ ತಾಯಿಗೆ ಮಗನ ಅಂತ್ಯಕ್ರಿಯೆ ಮಾಡಲಿಲ್ಲ. ನೆಲ ಬಿಟ್ಟು ಮೇಲಕ್ಕೆ ಏಳಲೂ ಆ ತಾಯಿಗೆ ಕಷ್ಟವಾಗಿದೆ. ಬಂಧು-ಬಳಗ ಈ ವೇಳೆ ಯಾರೂ ಮನೆ ಬಳಿ ಸುಳಿದಿಲ್ಲ. ಹೀಗಾಗಿ ಆ ತಾಯಿ ತನ್ನ ಮೃತ ಮಗನ ಪಕ್ಕದಲ್ಲೇ ಮೂರು ದಿನ ಕಾಲ ಕಳೆದಿದ್ದಾರೆ.

ಇನ್ನು ದುರ್ವಾಸನೆ ಬರುತ್ತಿದ್ದರಿಂದ ಸ್ಥಳೀಯರ ಮನೆಯೊಳಗೆ ಹೋಗಿ ನೋಡಿದಾಗ ವಿಷಯ ಗೊತ್ತಾಗಿದೆ. ಕೂಡಲೇ ಸ್ಥಳೀಯರು ಪೊಲೀಸ್​ ಠಾಣೆಗೆ ಮಾಹಿತಿ ನೀಡಿದ್ದರು. ಸ್ಥಳಕ್ಕೆ ಆಗಮಿಸಿದ ಪೊಲೀಸರು ಮೃತದೇಹವನ್ನು ಪೋಸ್ಟ್​ಮಾರ್ಟ್​ಗೆ ಕಳುಹಿಸಿ, ತಾಯಿಯನ್ನು ಆಸ್ಪತ್ರೆಗೆ ದಾಖಲಿಸಿದರು.