ತಿಮ್ಮಪ್ಪನಿಗೆ ಚಿನ್ನದ ಅಭಯ ಹಸ್ತ ಕಾಣಿಕೆ ನೀಡಿದ ಉದ್ಯಮಿ: ಇದರ ಬೆಲೆ ಕೇಳಿದ್ರೆ ಬೆಚ್ಚಿಬೀಳ್ತೀರಾ

ಸುಮಾರು 2.25 ಕೋಟಿ ರೂಪಾಯಿ ಮೌಲ್ಯದ ಅಭಯ ಹಸ್ತ ಹಾಗೂ ಕಟಿ ಹಸ್ತವನ್ನು ಉದ್ಯಮಿಯೊಬ್ಬರು ತಿರುಪತಿ ತಿಮ್ಮಪ್ಪನಿಗೆ ನೀಡಿದ್ದಾರೆ.

ಚೆನ್ನೈ:ತಮಿಳುನಾಡಿನ ಉದ್ಯಮಿಯೊಬ್ಬರು ಆಂಧ್ರಪ್ರದೇಶದ ತಿರುಮಲ ತಿರುಪತಿ ದೇಗುಲಕ್ಕೆ ಕೋಟ್ಯಂತರ ರೂ. ಬೆಲೆ ಬಾಳುವ ಆಭರಣವನ್ನು ಕೊಡುಗೆಯಾಗಿ ನೀಡಿದ್ದಾರೆ.

ತಂಗಾದೊರೈ ಹೆಸರಿನ ತಮಿಳುನಾಡಿನ ಉದ್ಯಮಿಯು ತಿಮ್ಮಪ್ಪನ ಕೈಗೆ ತೊಡಿಸಲು ಅಭಯ ಹಸ್ತ ಹಾಗೂ ಕಟಿ ಹಸ್ತವನ್ನು ಉಡುಗೊರೆ ರೂಪದಲ್ಲಿ ಅರ್ಪಿಸಿದರು.

ಈ ಆಭರಣದ ಬೆಲೆ 2.25 ಕೋಟಿ ರೂಪಾಯಿ ಎಂದು ದಾಖಲಾಗಿದೆ. ಸುಪ್ರಭಾತ ಸೇವೆ ಸಮಯದಲ್ಲಿ ಈ ಆಭರಣವನ್ನು ತಿರುಮಲ ತಿರುಪತಿ ದೇವಸ್ಥಾನ ಮಂಡಳಿಗೆ ನೀಡಲಾಯಿತು ಎಂದು ತಂಗಾದೊರೈ ತಿಳಿಸಿದ್ದಾರೆ.