ಅಯ್ಯೋ ದೇವರೇ! ಒಂದೇ ಬೆಡ್​ ಮೇಲೆ ಮೃತದೇಹ-ಸೋಂಕಿತ ವ್ಯಕ್ತಿ!

ಕೊರೊನಾಯಿಂದಾಗಿ ಆಸ್ಪತ್ರೆಯಲ್ಲಿ ಎಂಥಾ ಸ್ಥಿತಿ ಬಂದೊದಗಿದೆ ಅಂದ್ರೆ ನಾವು ಊಹೆ ಮಾಡಿಕೊಳ್ಳಲೂ ಅಸಾಧ್ಯವಾಗಿದೆ. ಒಂದೇ ಬೆಡ್​ ಮೇಲೆ ಮೃತದೇಹ ಜೊತೆ ಸೋಂಕಿತನಿಗೆ ಚಿಕಿತ್ಸೆ ನೀಡುತ್ತಿರುವ ಘಟನೆ ಆಂಧ್ರ ಪ್ರದೇಶದ ಅನಂತಪುರ ಜಿಲ್ಲೆಯಲ್ಲಿ ನಡೆದಿದೆ.

ಅನಂತಪುರ: ಜಿಲ್ಲೆಯಲ್ಲಿ ಕೋವಿಡ್​ ಆರ್ಭಟ ಹೆಚ್ಚಾಗಿದೆ. ಕೋವಿಡ್​ನಿಂದಾಗಿ ರೋಗಿಗಳು ಪರದಾಡುವಂತಹ ಸ್ಥಿತಿ ನಿರ್ಮಾಣವಾಗಿದೆ. ಅಷ್ಟೇ ಅಲ್ಲದೆ ಆಸ್ಪತ್ರೆಗಳಲ್ಲಿ ಬೆಡ್​ ಇರದ ಕಾರಣ ಒಂದೇ ಬೆಡ್​ ಮೇಲೆ ಇಬ್ಬಿಬ್ಬರಿಗೆ ಚಿಕಿತ್ಸೆ ನೀಡುವ ಸ್ಥಿತಿ ಬಂದೊದಗಿದೆ.

ಕಣೇಕಲ್ಲು ತಾಲೂಕಿನ ನಿವಾಸಿಗೆ ವಯಸ್ಸಾಗಿದ್ದು, ಕೊರೊನಾದಿಂದಾಗಿ ಉಸಿರಾಟದ ಸಮಸ್ಯೆ ಎದುರಿಸುತ್ತಿದ್ದರು. ಗುರುವಾರ ಬೆಳಗ್ಗೆ ಅನಂತಪುರ ಜಿಲ್ಲಾಸ್ಪತ್ರೆಗೆ ಬಂದಿದ್ದಾರೆ. ಈ ವೇಳೆ ಬೆಡ್​ ಇಲ್ಲದ ಕಾರಣ ಯುವಕನ ಪಕ್ಕದಲ್ಲೇ ಮಲಗಿಸಿ ಆಕ್ಸಿಜನ್​ ನೀಡಿದ್ದಾರೆ.

ಒಂದೇ ಬೆಡ್​ ಮೇಲೆ ಮೃತದೇಹ, ಸೋಂಕಿತನಿಗೆ ಚಿಕಿತ್ಸೆ

ಆ ವೃದ್ಧನಿಗೆ ಆಕ್ಸಿಜನ್​ ನೀಡಿ ಕೆಲ ಗಂಟೆಗಳ ಬಳಿಕ ಮೃತಪಟ್ಟಿದ್ದಾರೆ. ಮೃತದೇಹವನ್ನು ಬೇರೆಡೆ ಸಾಗಿಸದೆ ಆಸ್ಪತ್ರೆ ಸಿಬ್ಬಂದಿ ಅಲ್ಲೇ ಬಿಟ್ಟಿದ್ದಾರೆ. ಮೃತದೇಹದ ಪಕ್ಕದಲ್ಲೇ ಮಲಗಿ ಆ ಯುವಕ ಆಕ್ಸಿಜನ್​ ಪಡೆದಿದ್ದಾನೆ. ಎರಡ್ಮೂರು ಗಂಟೆ ಬಳಿಕ ಮೃತದೇಹವನ್ನು ಅಲ್ಲಿಂದ ಬೇರೆಡ ರವಾನಿಸಲಾಗಿದೆ.

ಬೆಡ್​ಗಳ ಅಲಭ್ಯ ಮತ್ತು ಸಿಬ್ಬಂದಿ ಕೊರತೆಯಿಂದಾಗಿ ಇಂತಹ ಸ್ಥಿತಿ ಎದುರಾಗಿದೆ ಎನ್ನಲಾಗಿದೆ.