ಮಲಪ್ಪುರಂ(ಕೇರಳ) :ಆರ್ಥಿಕ ತೊಂದರೆ, ಇನ್ನಿತರ ಸಮಸ್ಯೆಗಳಿಂದಾಗಿ ಶಿಕ್ಷಣದಿಂದ ವಂಚಿತವಾದ್ರೂ ಕೂಡ ಬೆರಳೆಣಿಕೆಯಷ್ಟು ಜನರು ತಾವು ಕಂಡಿರುವ ಕನಸು ನನಸು ಮಾಡಿಕೊಳ್ತಾರೆ. ಕೇರಳದ ಯುವಕನೋರ್ವ ಅದೇ ಸಾಲಿಗೆ ಸೇರಿದ್ದು, 10ನೇ ತರಗತಿ ಅರ್ಧಕ್ಕೆ ಬಿಟ್ಟು ಕೂಲಿ ಕೆಲಸ ಮಾಡ್ತಿದ್ದ ಯುವಕ ಇದೀಗ ವಿಮಾನ ತಯಾರಿಕೆಯಲ್ಲಿ ಪ್ರವೀಣ ಎಂದರೆ ಎಲ್ಲರೂ ನಂಬಲೇಬೇಕು.
10ನೇ ಕ್ಲಾಸ್ ಅರ್ಧಕ್ಕೆ ಬಿಟ್ಟು ಕೂಲಿ ಕೆಲಸ ; ಆದ್ರೂ ವಿಮಾನ ತಯಾರಿಕೆಯಲ್ಲಿ ಪ್ರವೀಣ ಈ ಜುನೈದ್!
ಕೇರಳದ ಮಲಪ್ಪುರಂ ಜಿಲ್ಲೆಯ ಚೆಮ್ಮಾಡ್ನ ಜುನೈದ್ 10ನೇ ತರಗತಿ ಅರ್ಧಕ್ಕೆ ಬಿಟ್ಟು ಕೂಲಿ ಕಾರ್ಮಿಕನಾಗಿದ್ದ. ಆದರೆ, ಇದೀಗ ಸುಮಾರು 30ಕ್ಕೂ ಅಧಿಕ ರಿಮೋಟ್ ಚಾಲಿತ ವಿಮಾನ ತಯಾರಿಸಿದ್ದಾನೆ. ನೋಡಲು ವಾಣಿಜ್ಯ ವಿಮಾನಗಳಂತೆ ಇದ್ದು, ತಾನು ಇರುವ ಸ್ಥಳದಿಂದಲೇ ಇವುಗಳ ನಿಯಂತ್ರಣ ಮಾಡ್ತಾನೆ.