ಒಂದು ಎಕರೆ ಜಮೀನಿನಲ್ಲಿ 19 ವಿದ್ಯುತ್​ ಕಂಬ.. ರೈತನ ಬದುಕಿಗೆ ಕೊಳ್ಳಿ ಇಟ್ಟಿತು ಅಧಿಕಾರಿಗಳ ನಿರ್ಲಕ್ಷ್ಯ..!

Current Polls In Farming land: ಉಳುಮೆ ಮಾಡಲು ಇರುವ ಒಂದು ಎಕರೆ ಜಮೀನಿನಲ್ಲಿ ಅಧಿಕಾರಿಗಳ ನಿರ್ಲಕ್ಷ್ಯದಿಂದಾಗಿ ಬರೋಬ್ಬರಿ 19 ವಿದ್ಯುತ್ ಕಂಬಗಳ ನಿರ್ಮಾಣ ಮಾಡಲಾಗಿದ್ದು, ಇದರಿಂದ ಅನ್ನದಾತ ವಿದ್ಯುತ್​ ಇಲಾಖೆ ವಿರುದ್ಧ ಹಿಡಿಶಾಪ ಹಾಕ್ತಿದ್ದಾರೆ.

ಬೆಲ್ಲಂಕೊಂಡ(ತೆಲಂಗಾಣ):ಅಧಿಕಾರಿಗಳ ನಿರ್ಲಕ್ಷ್ಯದಿಂದಾಗಿ ರೈತನ ಒಂದು ಎಕರೆ ಜಮೀನಿನಲ್ಲೇ ಬರೋಬ್ಬರಿ 19 ವಿದ್ಯುತ್​ ಕಂಬಗಳು ನಿರ್ಮಾಣಗೊಂಡಿದ್ದು, ಇದರಿಂದ ಸಂಕಷ್ಟಕ್ಕೊಳಗಾಗಿದ್ದಾನೆ.

ತೆಲಂಗಾಣದ ಬೆಲ್ಲಂಕೊಂಡ ಮಲ್ಲಾರೆಡ್ಡಿ ಉಳಿಮೆ ಮಾಡಲು ಕೇವಲ ಒಂದು ಎಕರೆ ಜಮೀನು ಹೊಂದಿದ್ದಾರೆ. ವಿದ್ಯುತ್​ ಉಪಕೇಂದ್ರದ ಪಕ್ಕದಲ್ಲೇ ಜಮೀನು ಇರುವುದರಿಂದ ಇಷ್ಟೊಂದು ವಿದ್ಯುತ್ ಕಂಬ ನಿರ್ಮಾಣ ಮಾಡಲಾಗಿದೆ. ಕಂಬ ನಿರ್ಮಾಣ ಮಾಡುವ ಸಂದರ್ಭದಲ್ಲಿ ಅಧಿಕಾರಿಗಳು ಸರಿಯಾಗಿ ಸಮೀಕ್ಷೆ ನಡೆಸಿಲ್ಲ ಎಂದು ರೈತ ಆಕ್ರೋಶ ಹೊರಹಾಕಿದ್ದಾನೆ.

ಜಮೀನಿನಲ್ಲಿ ಇಷ್ಟೊಂದು ವಿದ್ಯುತ್​ ಕಂಬ ನಿರ್ಮಿಸುವುದಕ್ಕೆ ಸಂಬಂಧಿಸಿದಂತೆ ಈಗಾಗಲೇ ಅಧಿಕಾರಿಗಳೊಂದಿಗೆ ರೈತ ಜಗಳವಾಡಿದ್ದಾರೆ. ಆದರೆ, ಇದರಿಂದ ಯಾವುದೇ ರೀತಿಯ ಪ್ರಯೋಜನವಾಗಿಲ್ಲ ಎಂದು ಅಳಲು ತೋಡಿಕೊಂಡಿದ್ದಾನೆ.

ಎಕರೆ ಜಮೀನಿನಲ್ಲಿ ಮಲ್ಲಾರೆಡ್ಡಿ ಪುತ್ರ ರಾಘವರೆಡ್ಡಿ ಭತ್ತದ ಕೃಷಿ ಮಾಡ್ತಿದ್ದು, ಹೊಲದಲ್ಲಿ ಟ್ರ್ಯಾಕ್ಟರ್​ನಿಂದ ಉಳುಮೆ ಮಾಡುವ ಸಂದರ್ಭದಲ್ಲಿ ಕಂಬಗಳು ಟ್ರ್ಯಾಕ್ಟರ್​ಗೆ ತಾಗುವ ಭಯದಿಂದಲೇ ಕೆಲಸ ಮಾಡಬೇಕಾಗುತ್ತದೆ. ಗದ್ದೆ ಕೆಲಸ ಮಾಡುವಾಗ ಕರೆಂಟ್​ ಶಾಕ್​ನಂತಹ ಅವಘಡ ಸಂಭವಿಸಿದ್ರೆ ಏನು ಮಾಡುವುದು? ಇದಕ್ಕೆ ಯಾರು ಹೊಣೆ ಎಂಬ ಭಯದಿಂದ ಕೆಲಸ ಮಾಡಲು ಯಾರೂ ಸಹ ಇಲ್ಲಿಗೆ ಬರಲ್ಲ ಎಂದು ರಾಘವರೆಡ್ಡಿ ತಿಳಿಸಿದ್ದಾನೆ.

ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ