देश मा कोरोना कु प्रकोप
भारत मा लगातार कोरोना मरीजुं की संख्या बढ़दी जांणी च. भारत मां अब तक कोरोना संक्रमितु की संख्या द्ववी लाख सात हजार छै सौ पंद्राह पार पौंछि गी. बुधवारौ हिमाचल प्रदेश का कन्नर जिला मा कोरोना का द्वी नया मामला समणि ऐनी. जैका बाद राज्य मा कुल संक्रमितुं की संख्या 247 ह्वे गी. वखी राजधानी दिल्ली मां भी कोरोना संक्रमितुं की संख्या 20 हजार पार कर गी.
महाराष्ट्र मा निसर्ग तूफान न मचै तबाही
चक्रवाती तूफान निसर्ग न महाराष्ट्र का तटीय इलाकुं मा जमकर तबाही मचै. ये चक्रवाती तूफान से महाराष्ट्र का रायगढ़ और अलीबाग जिला सबसे ज्यादा प्रभावित ह्वेन. राज्य का ज्यादातर हिस्सों मा तेज हवाउं दगड़ि बरखा ह्वे. रायगढ़ जिला मा तेज बरखा और आंधी का कारण कई डाला उखड़ गेनी. यां का दगड़ा कई मकानुं का टिन शेड भी उड़ गेनी.
अंकित शर्मा हत्याकांड मा आईबी न दाखिल करी चार्जशीट
25 फरवरी कु उत्तर पूर्वी दिल्ली हिंसा का दौरान अपणी जान गंवौंण वाला आईबी कर्मचारी अंकित शर्मा हत्याकांड मामला मा क्राइम ब्रांच न चार्जशीट दाखिल करे ली. ई चार्जशीट मा आम आदमी पार्टी का पूर्व पार्षद ताहिर हुसैन थै मुख्य आरोपी बथये गी. क्राइम ब्रांच न बोली कि अंकित शर्मा की हत्या एक सुनियोजित प्लानिंग छै. ताहिर हुसैन का नेतृत्व मा 10 लोगुं की भीड़ न वे की हत्या करी.
राहुल गांधी न केंद्र सरकार से पूछी सवाल
भारत और चीन का बीच सीमा विवाद थै लेकी लगातार तनातनी का बीच कांग्रेस पूर्व अध्यक्ष राहुल गांधी न केंद्र सरकार से सवाल करीन. उन पूछी कि सरकार क्या यांकि पुष्टि कर सकदी कि चीनौ क्वी सैनिक भारतीय सीमा मा दाखिल नी ह्वे?
मुठभेड़ मा जैश-ए-मोहम्मद की तीन आतंकी ढेर
पुलवामा जिला का कंगन इलाका मा आतंकवादियूं और सुरक्षाबलुं का बीच मुठभेड़ जैश-ए-मोहम्मद का तीन आतंक वादी मारे गिन. ई घटना का बाद यखा इलाकु मा इंटरनेट सेवा बंद करे गिन. जम्मू-कश्मीर पुलिस का आईजीपी विजय कुमार न बथै कि 'रियाज नायकू का बाद आज या हमारी दूसरी सबसे बड़ी कामयाबी छै.
उत्तराखंड में लगातार बढ़णां छन कोरोना का मामला
उत्तराखंड मा भी कोरोना कु कहर लगातार बढ़दू जांणू च. श्याम पांच बजी तक प्रदेश मा कोरना संक्रमितुं की संख्या 1066 छै.आज पौड़ी का क्वारंटाइन सेंटर मा एक महिला की मौत ह्ववे गी. प्रदेश मा लगातार कोरोना का मामला बढण से सरकार और स्वास्थ्य विभाग चिंतित च. अब तक प्रदेश मा कुल 259 मरीज स्वस्थ ह्वे की घौर चल गेनी
सतपाल महाराज पर मुकदमा दर्ज कन्नै मांग
उत्तराखंड का पर्यटन मंत्री सतपाल महाराज पर क्ववारंटाइन उल्लंघन का आरोप मेा मुकदमा दर्ज कन्नौ तहरीर दिये गी. रिपब्लिक पार्टी ऑफ इंडिया ने पुलिस मुख्यालय में तहरीर देकी महाराज पर तत्काल डिजास्टर मैनेजमेंट एक्ट सहित अन्य धाराओं मा मुकदमा दर्ज कन्नै मांग करी. पुलिस मुख्यालय न संबंधित प्रार्थना पत्र थै देहरादून जिला एसएसपी कार्यालय थै फॉरवर्ड करे गी.
देश का 75 सेंसिटिव जिलों की लिस्ट जारी
कोरोना वायरस का बढ़दा खतरों का बीच उत्तराखंड औण वाला लोखु थै 21 दिनौ क्वारंटाइन किये जालू. यांकू थै देश का 75 सेंसिटिव जिलों की लिस्ट भी जारी करे गी. यू जिलों से औंण वाला लोखुं थै सात दिनै इंस्टीट्यूशनल क्वांरटाइन और वां का बाद 14 दिनौ थै होम क्वारंटाइन कये जालू.
कोविड-19 टेस्टिंग लैबौ शुभारम्भ
उत्तराखंड मा कोरोना वायरसै टेस्टिंग थै लेकी हालात और बेहतर किये जांणा छन. बुधवारौ देहरादूनै हरिद्वार रोड स्थित इंडियन इंस्टीट्यूट ऑफ पेट्रोलियम (आईआईपी) मा नई कोरोना टेस्टिंग लैबौ शुभारंभ करे गी. स्वास्थ्य सचिव युगल किशोर पंत और आईआईपी डायरेक्टर अंजन राय न यांकी शुरुआत करी. यां से अब प्रदेश मा ज्यादा से ज्यादा टेस्ट ह्वे सकला.
मुख्यमंत्री स्वरोजगार योजना की वेबसाइट
बुधवारौ राज्य सरकार न मुख्यमंत्री स्वरोजगार योजना की शुरुआत करी. अब मुख्यमंत्री स्वरोजगार योजना की वेबसाइट भी लॉन्च ह्वे गी. अब आवेदक ऑनलाइन भी या मा आवेदन कर सकदन . मुख्यमंत्री स्वरोजगार योजना का तहत कुशल और अकुशल दस्तकार, हस्तशिल्पिी और बेरोजगार युवाउुं थै अपणु काम शुरु कन्नौ प्रोत्साहित किये जांणू च.
